لشعر طويل وناعم تجربتي

1. السلام عليكم أخواتي


2. أولا احكي لكم عن شعري ؛

السلام عليكم أخواتي

أولا احكي لكم عن شعري ؛

أنا شعري كان طويل وقصيته لأنه مره خفيف . الحين شعري لرقبتي . الحمد لله ناعم لكنه قصير ويضايقني . حيث اني لما اروح للمدرسة ما اسوي به شي إلا ارفعه بس . باقي لي سنتين واتخرج من الثانوية . يأست من شعري وقلت اتمنى لو يطول ويوصل لنص ظهري ف حفل التخرج .
امي سوت لي هذي الخلطة :’) . وآنا استخدمتها أول شهر كل يوم . وثاني شهر يوم هي ويوم لا .
والحين آنا بنص ثاني شهر . الحمد لله بدا شعري يصير احسن عن قبل .
وسمعت من دكتور : إن الشعر طبيعي بالشهر يطول انش واحد .
ف يمكن مع استخدام خلطة الزيت يصير احسن .
خلطة أمي ؛
فنجان زيت الخروع .
فنجان زيت السدر .
فنجان زيت دابر املا .
فنجانين زيت زيتون .
فنجان زيت جوز الهند .
فنجان زيت اللوز الحلو .
فنجان زيت الصبار .
آنا كنت احطه كل يوم بالليل وألفه وأنام . ولما أقوم من النوم اغسله بماي بارد أو دافي . واغسله بالشامبو . كنت اوقف يوم الجمعة والسبت وما احط علشان ما يصير شعري دهني .
والحمد لله النتيجة حلوه . شعري بدا يطول الحمد لله . وصاير احسن عن قبل .
اتمنى هذي الخلطة تكون فادتكم . طبعاً البعض ما راح يقتنع إلا اذا استخدموا .
وآنا عن تجربة شهرين . الخلطة فنآنة وان شاء الله اكمل لحد ما تخلص العلبة عندي .

• ملاحظة مهمة : تجنبي تغسلين شعرج بماي حآر , لأنه بيسبب بتساقط قوي للشعر .

نصيحة * لما تجين تحطين الزيت ف شعرج لا تحطينه على الشعر . حاولي تدلكين شعرج وتحطينه ف الفروة . يحبذ تنامين به . بس لو بتحطينه العصر وتخلينه ساعتين على راحتج .
دعوآتكم