لشعر لاآآآآآمع وأسوود

صبح صبح ياعم الحج
ازيكوا ياقميلات ,, عاملين ايه النهار ده
توني مفطره ورايقه اللي مافطرت تقرب حياها
بعد هالهذره الطويله
حبيت افيدكم بتجربتي قبل كم يوم قريت عن تجربة وحده مع عشبة الأس بأنها تطول الشعر وقلت يلا خليني اجرب
وجبتها من العطار وطحنتها وغليتها مع مويه وبصل وثوم وخليتهم نص ساعه على نار هاديه
بعد مابرد المويه حطيت عليهم زيت زيتونلأن لو حطيتي الزيت زيتون وغليتيه معهم بتطلع فيه ريحه بعدين حطيتها فعلبه وصرت ارشها على شعري اول ماصحى من النوم واذا جاء بالليل غسلته بشامبوا اطفال علشان زوجي واحيانا اغسله من بكرى بس اغسله مره وحده بالشمبوا لأن كثرة الغسيل بتدمر شعرك
اما اللي مو متزوجه عادي تحطه بالليل وماتغسله الا بعد يومين
الحين صار لي اسبوعين وانا كل يوم ارش شعري منه والله العظيم يابنات شعري انا اسود بس مع الاستخدام صار اسود مره وفيه لمعه مو طبيعيه كأني حاطه عليه سيروم
ولما سويت له صرت كل شوي اطل بالمرايه ووجهي كذا >> من الوناسه ترى وجهي احلا منه لاتصدقون خ << برا << لاتنسون يابنات الشعور تختلف عن بعض يمكن اللي يناسبني مايناسبك
طبعا انا توني شاريه خلطة حبيبتنا حور الجنان وبستخدمها لانه كثير يمدحونها وهي
علبة زيت تراشوب + علبة زيت العنبر الازرق + علبة زيت جمال النساء + علبة زيت كيشور + علبة زيت دابر املا + علبة زيت جنين القمح او زيت فيتامين اي + علبة زيت كافور + علبة زيت خروع
يمكن اكون ناسيه شي بس ارجعوا لجدول حور الجنان احسن لكم
وان شاء الله اول ماشوف النتايج اخبركم على طول
للمعلوميه الأس مو الريحان ابد ابد ابد كل واحد يختلف عن الثاني
والاس معروف بتطويل الشعر ويعطيه اللون الأسود يعني اللي صابغه لاتتوهق وتستخدمه
ملاحظه .. اذا جيتي تستخدمين المويه مع الأس رجي العلبه وبعدها رشي على شعراتك الحلوه
هذي تجربتي وان شاء الله افدتكم ادري كلامي طويل بس احبكم وحبيت افيدكم
فتكوا بعافيه