لعرايس وبنات وستات مصر اتمنى اني اكون افدتكم في موضوعي ده

ازيكم يابنات اخباركم ايه بما انه اللي سألوني كتيرر في المنتدى عن التفاصيل للكوافيره اللي بتعامل معاها فقلت اكتب الموضوع هنا مره وحده عشان برضو الكل بقدر يستفيد هي مصريه وواخده دورات في لبنان وفرنسا وكانت بتشتغل في كوفيرات معروفه بس لما بأ ليها زباينها بئت تشتغل هي واتنين معاها ويروحو لحد المكان اللي فيه العروسه وهو ده اللي فرحني ويريحني بدال الشطحطه في يوم زي ده من مكان لمكان وحر وقرف ,, لأ والاحلى كمان بتعمل بروفه قبل المناسبه ببلاش لحد العروسه ماتقول هو ده الل عجبني عشان يوم المناسبه يكون كله تمام التمام بعكس الكوافيرات اللي رحتها وحدو مني فلوس على البروفا وكانو هياخدو بلاوي تانيه للمكياج ,, فالحمدلله اني لاقيتها قبل كنب كتابي بالضبط وحلتلنا ازمه كبيره من الازمات ,, واللي بتمكيج العرايس ومعاها وحده كمان بتمكيج البقية غير العرايس يعني كل وحده واختصاصها وكمان التالته اللي معاهم بتستشور وبتلف الشعر حلو اوي والاحلى بتعمل ميش وصبغه وخصل للشعر بجد ماحصلتش ,,يعني في الاساس اختصاصهم في المكياج وبيعملو برضو الحاجات التانيه اللي هي الاستشوار واللف والكلام ده بس مش تساريح لانهم عملو لأخواتي عشان انا محجبه واتعلمت طريقه بنفسي انا وماما وهعلمها من غير مااجيب حد لكن اللي مش محجبه بأ تجيب كوفيره لشعرها ,, فلي عوزه رقم اللي بتمكيج والاسعار اللي اتعاملت معاهم بيها,,تراسلني على الخاص وانا ابعتلها هو انشاءلله ,, وماتنسونيش بدعوه حلوه اصلي فرحي قرب اوي وربنا يستر بأ