لعشاق الباوند كيك تعالوا مع الصوره

من يومين وصلتني وصفة جديدة لطريقة الباوند كيك وهي باضافة الجبن .... والوصفه هذي من موقع مطبخ أجنبي
جربتها وكانت الكيكه شويه عليها كلمة لذيذه فقلت اكتبها لفراشات الموقع وللي يحبون الكيك
باوند كيك الجبن
المقادير:
3 كوب طحين منخول
1 ونص كوب سكر
1 ونص كوب زبده ( يعني 3 قوالب صغيره زبده )
1 علبة جبنة كيري ( علبة ال 6 حبات)
6 بيضات
1 ونص ملعقه صغيره باكينج باودر
فانيلا
اختياري اضافة مكسرات او فواكه مجففه
اختياري اضافة بهارات حلوه ( دارسين او هيل او زنجبيل )
الطريقة:
ملاحظة: الككيكه ما فيها مقدار اي سوائل لان الجبن والزبد كافي
نخلط الجبن والزبدة بالخلاط مدة 5 دقائق
نضيف السكر ونستمر بالخلط حتى يكون مثل الكريمه ( يعني 5 دقائق بعد)
نضيف البيض بالتدريج واحنا مستمرين بالخلط
واخيرا نضيف الطحين المنخول بالتدريج مع الاستمرار بالخلط على سرعه بطيئة
نصب الخليط في قالب كيك كبير ومدهون وندخلها فرن معتدل مدة ساعه .... وبعدها نشعل الفرن من فوق حتى تتحمر ويصير لونها ذهبي
تقلبينها وتقدمينها بعد ما تبرد .... ويفضل انها بعد ما تبرد تحطينها بالثلاجه الى ثاني يوم وبعدين تاكلينها تكون النتيجه والطعم الذ
ملاحظة: انا قبل لا ادخل الكيكه الفرن نثرت على الوجه مكسرات مجروشه ولان الخلطة كانت كريميه وثقيله فالمكسرات ما نزلت تحت ،، ظلت فوق وصار لونها ذهبي روعه
تطلع الكيكه مثل اللي بالصوره واحلى بعد
صدقوني لذيذه وهشه وروعه
وبالعافيه
.