لعشاق البخور تعلمي صنعه بنفسك

1. وتكوني مجهزه علبه لحفظهم..

السلام عليكم فراشات..والشهر عليكم مبارك وتقبل الله منا ومنكم صالح الاعمال..
بدخل بالموضوع مباشره..فيه طريقه حلوه وسهله لعمل بخورك بالرائحه اللي تحبينها كعطرك المفضل مثلا لكن قبل اقول لكم طريقتي السهله>>>>>>>>>واثقه بعطيكم طريقه لقيتها بالنت وبصراحه فيه شغلات ماغرفتها لكن اتوقع تلاقونها عند العطار...وهذي هي الطريقه
المقادير:
كوب سحال ( العود المطحون ناعم)- تولتين دهن الورد- عنبر حسب
الرغبه - ربع كوب مسك بودر( او اقل شوي)- تولتين عطر نيود مركز.
الطريقه:
ذوبي العنبر في دهن الورد على نار هادئه جدا ( انتباه لا تستنشقي
البخار)- اخلطي المسك الناعم مع السحال عطر نيود ثم صبي عليه
خليط العنبر- اعجني المقادير جيدا- اذا كانت جامده اضيفي اما دهن
الورد او نيود ( حسب الرائحة اللي تفضلين)- كوري الخليط واتركيه في
مكان متجدد الهواء مدة يومين ثم قومي بتعليبه
والحين بعطيكم طريقتي....
المقادير:
كم قطعه من عود وتكون ريحته قويه وحلوه(حوالي قطعتين بحجم متوسط)
واذا كان يوجد عندك معمول(بخور) ريحته عاديه جيبي لك كم قطعه منه تقريبا اربع قطع
وعطرك المفضل وعادي تحطين اكثر من عطر(انا حطيت عطر حجر +ستيلا+كلك فلور+سنما+شانص شانيل)..وكمان شويه دهن عود وشويه مخلط بس يكون حلو(تحتاجين قطرات بسيطه)

وتكوني مجهزه علبه لحفظهم..

الطريقه تاخذين العود والمعمول في الطاحونه وتحطينهم سواء وتطحنين وبعد كذا حطي المطحون في علبه وقومي عاد بخبخي عليها من عطورك وحطي عليها قطرات المخلط ودهن العود ووابدي حركيهم مع بعض لين تحسين ان العطور صبغت على كل مكان..وسكري العلبه واحفضيها من اسبوع الى شهر وطبعا كل ما تزيد المده تحلو الريحه وتتركز اكثر...
انا سويتها وبعد مده بخرت البيت بالخلطه هذي زوجي انهبل يقول وش الريحه الروعه >>>>>>عاد انا تشققت من الفرحه
وعجبه مره بصراحه وشكلي بستمر عليها....
ويالله عاد ياويل اللي تقرا ولا ترد تراني كتبت الموضوع وانا صايمه يعني ضيعت وقت ثمين عشان خاطركم..