لعشاق التميز لأول مره بالمملكه

السلام عليكم ورحمة الله وبركاته .
وبعد خواتي عضوات منتدى الفراشة النسائي .
معكم اختكم أم بدر من الجبيل
حبيت اعرض لكم الي عندي انا من 5 سنوات اسوي بخور دوسري وابيع على الي اعرفهم وجيراني
والكل الحمد الله وبشهادتهم يعجبهم ويرجعون ياخذون مني . بس كانت تجارتي ع قدي يعني 4 علب
بالشهر والحمد الله ع كل حآل الين مافتح الله علي بعد ما تزوجت صديقتي واختي في الله كانت اعز انسانه
بهالدنيا ع قلبي وحبيت تكون هديتي مميزه وغير عن المعتاد فكرت بالبخور بس وين الجديد ! فكرت وفكرت
ألين ماهداني الله ووقعدت آشيل وآحط بهالخلطات .وتوصلت للي بغيته وحطيته بعلبه وشكل مرتب
وحاولت وانا اسويه اني اكسر الروتين المعتاد عليه والمتعارف عليه بالبخور بريحته وحتى طريقة تغليفه
غير وبعد فتره دقت علي وسالتني عن البخور الي أهديته وقالت اذا عندك منه ابي 5 علب هدايا لأمها
وحمواتها نفس الي اعطيته وقلت له ابشري بس عطيني وقت ع ماجهزه وارسلته لها وكل من شمه
عندهم سالهم من وين وكذا لين الحمد الله ما أقتنعت وعرفت ان النفس ملووله
خاصه حنا ياجيل الشباب نحب التجديد والتميز بكل شي <~ آحلى ياشباب
وبعده بديت الخطوه الحقيقه بتجارتي الا وهي البخور الدوسري بروائح عصريه
و مميزه يعني ستايل حتى ببخورنا عاد وقتنا الحالي يكثر به المجاكر وكلن تحب انه تكون مميزه عن الي حوله والكل يسألها
ولقيت أقبال كبير ماشاء الله وقررت اوسع المجال بالانترنت ويكون ع مستوى المملكه واعتمدت
حالياً 6 انواع وكل نوع يختلف عن الثاني وفي تطور ان شاء الله
وراح اتواصل معكم بكل نوع جديد واطرحه لكم .
وبالاخير التجربه خير برهان
الانواع الي عندي ..
واي استفسار انا والمه يعني جاهزه ..
لطلب راسليني ع الخاص ونتفق ع كل شي
كانت معكم من أرض الحدث آختكم آنفاسي بخور ( أم بدر )