لعلماء النفس هل تستطيعين العيش في خيال

وينكم يا بنات تكفون ساعدوني

بنات تكفوون مساعدتكم
محتاجه هاذي المساعده
تكفوون بنات

وينكم يا بنات ؟؟

لا ما أقدر أعيش في عالم الخيال
ألا أذا كنت أنا اللي أتحكم بهذا الخيال

شكرا على ردك
بس كيف اتحكم بالخيال ؟؟

اهلين حبيبتي
حلو الخيآل لما يصور لنا الأشياء بطريقه مختلفه
مثلآ نتخيل الناس عصافير ومجتمعين في حديقه
وكل كلام نقوله مثل تغريد العصافير وصوتها
او مثلآ نتصور ان حياتنا مثل صالة الأنتظار في محطة قطار وكل انسان يركب هالقطار يبدى سفره وعناه في الحياة الين تتوقف العربه وتنتهي رسالته في هالدنيا ويموت
تدرين ان حتى الخيال يجعل لكلامك ميزه وروعه
يخلي الناس تسمع لكلامك باحساس وتصور
لكن انتبهي لما تتكلمين بطريقه خياليه طوال الوقت راح تكوني بعيده عن الواقع نهائيا حتى عن الناس
كل شوي يجي احد يقولك لو سمحتي تكلمي بعقل.. تكلمي بواقع .. تكلمي بمنطق ..
عشان كذا خلك موازنه حاولي تدمجين كلامك بالواقع والحياة وفي نفس الوقت تعيشين بعض الخيال من باب الاستمتاع
وعلى فكره تقدرين تفرغين الخيال اللي تعيشينه
من خلال قصه تكتبينها او روايه وتتعلمين وانتي تكتبين كيف ترجعين لارض الواقع وتلامسين بعض الامور اللي فيه
تقدرين تتحكمين بخيالك مو شي صعب
انتي ملك نفسك وتصرفينها بالشي اللي تقررينه
قرري في داخلك اني قادره اتحكم بافكاري واتكلم بمنطقيه مع الناس حتى ماتنفر مني لان كثرة الخيال يبعدك عن الواقع ويكره الناس فيك
وتذكري انك لو عشتي طول الحياة في خيال بتخسرين كثير اولها وقتك وفكرك وحياتك
راح تكون ابعد عن الحقيقه ومزروعه في الخيال
يومك بيضيع لانك تتخيلين .. حاضرك بيموت لانك متناسيته في التفكير بالمستقبل
خذي ورقه واكتبي وش راح تخسري لو عشتي طول الوقت بخيال
وحاولي تخصصين وقت مثل ماقلت لك وتبدين تبحرين في خيالك وتكتبين
الله يوفقك يارب واي سؤال انا حاضره يالغلا
لاني مثلك احب الخيال وخياليه لكن بطريقه متوازنه

مافي أحد مرتاح
كلامك منطقي ورائع
لكن ماوصلتي للي ابغاه
انا ابي اعرف كيف اتحكم بخيالي
يعني كيف اتخيل ان الناس عصافير
مثل صديقتي تتخيل ان قدامها بيبسي وتشرب منه ويطلع لها طعم البيبسي
وتتخيل ان قدامها صحن ايسكريم وتاكل منه وطعمه مثل طعم الايسكريم
والحقيقه هو ان قدامها مافيه شي
يعني بإختصار ابي اصير مثلها
ياليت تكونين تعرفين ...

هلا حبيبتي فهمت عليك تقصدين العيش في العقل اللاواعي ..(العقل الباطن )
ووظيفته انه يوحي لك باشياء غير موجوده ويشعرك بانك تعيش امور تتمناها وتستلذ فيها وهي فعلا غير موجوده
وهذي يعالجون فيها الاطباء النفسين وقد تسمى التنويم المغناطيسي ايضآ بحيث انه يبدى ينوم المريض ويخليه يتكلم بكل شي في العمق الداخلي اللي هو العقل الباطن ويبرمجه بطريقه ايجابيه ويصور له الطبيب امور بعيده عن واقعه ومع ذلك يندمج المريض فيها ويتبرمج عليها
ارجع لدائرة غصون الجوري انها تحب تتخيل اشياء مو موجوده وتعيشها فعلآ
اول شي مطلوب انك تبعدين المنطقيه.. الواقع نهائيا بينك وبين نفسك مو مثلا تقولي يالله كيف تحسين بطعمه ..طيب هو مو موجود .. لا .. مثل هالكلام ماينفع
ازرعي ايمان داخلي ان هالشي ممكن ويحصل وانا اشعر فيه فعلا وتذكري ان العقل الباطن مايفرق بين الحقيقه والخيال
جربي معي الحين وغمضي عيونك ..غمضيها كويس
خلك مسترخيه ومستلقيه بجسمك وتخيلي قدامك ليمونه
امسكيها ..ارفعي ايدك ببطء وخذي الليمونه وذوقي طعمها
اعصريها بكثره في فمك وتذوقي حموضتها الشديده
تشعرين باللعاب يتقاطر من فمك
من شدة الحموضه
اعصريها اكثر واشربي .. ام .. مارايك..
هل شعرتي بها في فمك ..؟
هذا مجرد مثال تقريبي لكيفية تعمقك لشي تريدن عيشه
هكذا اغمضي عيناك واختلي في مكان هاديء واسترخي
تخيلي ان امامك امواج البحر تتحرك ..تسمعين حركة الموج تتراقص ..ارخي سمعك اكثر ..
دافئه الشمس التي تسقط على جسمك
تشعرين بالهدوء بالسكينه
والخضره من حولك مليئه ومتناثره
وكأس العصير البارد الممزوج بالثلج يثيرك للشرب منه
اشربي ..شعرتي بالبروده القارصه من حبيبات الثلج المتناثره
.. عند غوصك في الخيال واختيارك لشي معين تريدين العيش فيه تعمقي بالتفاصيل
مثلا ايس كريم .. وانتي مغمضه عينك وقابضه يدك وكأنك ممسكه به .. استشعري طعم الأيس المفضل في فمك واشعري به وهو يذوب بين جوانبها وانتي تريدين الأكل اكثر واكثر
وحين تغوصين وتشعرين بطعمه افتحي عيناك مجددآ واضحكي من الاعماق على الآيس اللذيذ الذي استمتعتي به
صدقيني كثيره امور ننحرم منها واقعآ ومجرد التخيل والتصور انها في حياتك فقط بالخيال يجعلك تسعد وتفرح
وكثير يستفيد من تطبيق هذا القاعده بتغيير سلبياته
بحيث يكون مثلا يعاني من القلق والتوتر
فيبتديء باديء الامر بالبرمجه الداخليه او التنويم المغناطيسي من قبل طبيب مختص ..
ويتصور في داخله انه هاديء الاعصاب وحياته بعيده عن اي توتر او قلق
ويردد في نفسه انا هاديء انا مسترخي انا اشعر بالسعاده انا مطمئن
وعباراته تؤثر على عقله اللاواعي ويكون عنده تقبل للتغيير مبدأي للأفضل
اتمنى اكون اوصلت مبتغاك
واي شي بخاطرك قولي لي غلاتي

مشكوه