لعيون بنات الطائف عامة ونهر العشق خاصة

1. العطور والمكياج اخر شي انصح بجرلان وشانيل وسينما وماك وبودي شوب

هذي طريقة بسيطه ومتواضعه لبنات الطائف عامه ولنهر العشق خاصه للتجهيز مع ذكر افضل المحلات
انصحك تبدأي بالملابس الكاجول البناطيل التشرتات لان موضتها ثابته البناطيل خذي كم واحد ماركات مثلا اوكسجين بالابراج مجموعه السواني بكل محلاتها طبعا موجوده بالابراج وبالدولي
التشرتات متوفره بجميع المحلات خذي الوان متنوعه اصفر احمر اخضر وملون ولاتنسي الاسود
طبعا التوبات لازم تنوعين وتاخذي قطنيات وشي فيها لمعه براقه لانها حلوه على الجينزات خصوصا اول ايام الزواج انصح بسيليني الي بالعبيكان عنده بعض الاحيان اشياء حلوه طبعا فيه محلات عاديه تلاقي فيها شي روعه
بعد البناطيل ابدأي بفساتين قصيره متنوعة الطول وملونه فرايحي ولا تنسي فستان اسود قصير لانك تستفيد منه ممكن تلبسين عليه حزام فضي او ذهبي ممكن تلبسين عليه جاكيت جينز قصير يعني تعدد بالاستايلات طبعا لاتنسين البناطيل الاسترتش مع البلايز الطويله او الفساتين
نجي لملابس النوم طبعا لازم تتحرين لاسنزا ونعومي والتخفيضات وتاخذي من عندهم اكبر عدد من القمصان والبيجامات الساتان والملابس الداخليه الشباشب البيتي
فيه محلات التخفيض مثل خذ فكره بس يبغالك تنقين وبرواقه تامه فيه اشياء ماتفرق عن الماركات طبعا لاتنسين خذي من عندهم شرتات قطنيه وبعد عنهم ملابس مثل التوبات والبيجامات القطنية والقمصان القطنية والترنقات
طبعا لازم يكون بجاهزك تنانير ما انصحك تكون الوان فاتحه خذي جينز رصاصي بني وكحلي اللون الطبيعي لجينز تطلع راكزه اكثر ولا تاخذي طقم مشجر كامل تطلعين مالك داعي خذي تنوره مشجره وبلوزه ساده
طبعا يجي دور الشنط والجزم وانت بكرامه بعد ماتخلصي كل ملابسك وخذي غالبا شباشب وجزم الباليه طبعا
الشنط طبعا بنفس الالوان واحرصي تشتري شنطه سوداء ماركه لانك بتعتمدي عليها كثير
الان جا دور قميص الدخله الي ماتقدر تجيبه من نعومي وانصح مايكون ابيض لان الابيض يطلع باهت فيه اللون الذهبي واللون المائل للوردي لونين حلوه والي ماتقدر تجيب من الماركات غالية تجيب زيه من بن ضياء بنصف السعر بس بدون لمعه لا تنسين تاخذي اكسسوار لشعرك بسيط مع القميص
الجلابيات من اليشمك وواحة الجلابيه طبعا منوعه مابين فخم الاستقبال وبسيط للبيت
طبعا راح يكون فيه اكسسوارات وساعات وذهب
فيه مفرش للسرير انصح بكوخ العروسه او الي تقدر تروح ايكيا بجده فيه سجاجيد وشراشف صلاة وشموع من نكتار الي بشكل كاسات

العطور والمكياج اخر شي انصح بجرلان وشانيل وسينما وماك وبودي شوب

لا تنسين الفوط وشنطة البودي كير من مكياجي والكريمات المرطبه والكريمات المعالجة من الصيدلية ومزيل العرق شباصات لشعرك وتوكات صغيرة
وشنط الملابس من المحلات الي بسوق البلد جنب زهور الريف وشنطة المكياج تجي مع الطقم وطبعا هي تجي اربع انت ممكن تزيدي وحده حجم متوسط علشان تكفي جهازك فيه عند نعومي شنط للمكياج صغيرة خاصه للي مايحبوا يشيلوا شنطة المكياج العادية تقدري تحطيها بشنطة السفر او الفندق
فيه طبعا صناديق للسجاجيد للي يشتروا بجهازهم تلاقيها عند كوخ العروس او بيت العروس
طبعا بنزل لكم موضوع مستقل باسماء المحلات الي تفيد العرايس بالطائف
اتمنى اني افدتكم