لقيت حل بعد معاناتي مع شعري

1. شخباركم....


2. ماابي اطول عليكم


3. على الاقل تنفعني بشي وماراح تضرني


4. لكن حل للتساقط مانفع

قوه فراشاتي

شخباركم....

ماابي اطول عليكم

قصتي مع شعري متكرره مع اغلب البنات وخصوصا بنات الخليج لانه جونا حار واحنا بالبحرين جونا رطب ويعدم الشعر خصوصا اذا نلبس الشيله في الجامعه او بالنسبه للي يشتغلون من الصبح للعصر تقريبا غالبامن 7 الى 10 ساعات...هذا بحد ذاته عدام للشعر يعني اذا طالبه لاخير ولااذا موظفه
انا اول مره قصيت شعري كنت في ثالث اعدادي(متوسط)<<<لانه اهلي ماكانوا يحبون يقصونه لي وكان طويل وامي الله يرحمها كانت معتنيه في شعري عدل عدل طويل ومومتقصف
وبس من بعد ماقصيته خلاص ابتدا ينعدم ويتساقط واجد
لين ما ابتديت مع الخلطات بالثانويه من بيض ومايونيز وقليل خل وزيوت وهالحركات من اللي تعرفونها ليين ماوصلت للجامعه وهذا انا في الجامعه وكل يوم لبس في هالشيله مايتهوا الشعر الا بالبيت
شفوا شنو صار في شعري
اذا استشورته يصير فيه لمعه حلوه طبعا من الخلطات والكل عارف
طول وصار طوله حلو
لكن التساقط مره يخف ومره يزيد بشكل غريب بحيث بالحمام عزكم الله اذا انشفه بالفوطه بعد مااغسله ينزل شعري ويصير المكان اسود وطبعا نفس الشي للفوطه
لكن مااستسلمت مابين فتره وفتره اسوي خلطات واحط زيوت

على الاقل تنفعني بشي وماراح تضرني

لكن حل للتساقط مانفع

من ثالث ثانوي للحين مابين فتره وفتره اقص شعري بس اللحين صارلي سنه كامله ماقصيته وصاير طول ظهري طبعا بعد مااستشوره وخصوصا اذا سويته مثل الفلبينيات طبعا عرفتوه لستريت هير <<<<واو طويل وفيه لمعه روعه لكن يتساقط واجد وصار خفيف شووي ومتقصف
سمعت عن ((زيت الشبت))
وطبعا عندنا بالبحرين مركز للمنتوجات الشاميه يقولون انه تابع لمريم نور
صاحبه بالبحرين لبناني الاصلي عنده دكتوراه بالطب الشعبي
طبعا وصفات كل شي يعطيج
وطبعا رحت وشريته
صارلي اسبوع فقط احط من هالزيت
وطبعا هالزيت ينحط اذا الشعر نظيف يعني بعد ماتغسلي شعرج تحطينه
ويستحسن غسل الشعر يوم وترك يعني غسلي شعرج حطيه وبعد يوم او يومين لاتزيدين غسليه وردي حطيه
تساقط شعري خف واجد واجد
اذا امشطه مايكون بالمشط شعر مثل قبل يصير المشط اسوود
التساقط خفيف صار
وصرت مابين فتره وفتره مااترك زيت الخروع
وراح اواصل لانه قالي بتطلع نتايجه بعد اسبوعين
هذه قصتي يابنات
ونسيت اقول لكم انا شعري جاف ومموج من تحت
والشعره نفسها خفيفه يعني رفيعه واجد
بس يصلح لكل شي يعني الحمدلله ابيه كيرلي صار
ابيه ناعم يصير...اذا سويته كيرلي يصير كانه كثيف
وهذا اللي مخلني ارتاح لشعري وابي اعتني فيه
لانه بالمناسبات مايعذبني
وبس
اي استفسار خواتي انا حاضره
سلامين وتحيه