لكل عروس جديده طريقه عجيبه وشيك وسهله جدا لترتيب الانجري

Lily White

14-05-2022 - 07:17 pm

مرحبا بنات.... شخباركم...
جبت لكم طريقتي في ترتيب الانجري
وقمصان النوم...
تعلمت هالطريقه من رفيجتي وحبيتها
وايد ليش انها حلوه وشيك ومرتبه و سهله فوق كل هذا تخلي لي خصوصيه...
يعني حبيتها علشان انها ماتخلي الخدامه تحوس في قمصان نومي و في اللانجري
و اهي تنظف الادراج... مادري حسيت
ان لها خصوصيه حلوه عجبتني..
الطريقه سهله جدا وتحفظ قمصان نومك
من الغبار و تسهل عليج انج تختارين
الي تبينه و بسرعه...
تحتاجين الى:
بوكس كبير ... يعني انا عندي
بوكس خشب وايد حلو وكبير
و حده كشخه .. وممكن بعد يكون
بوكس عادي ملون...
طبعا الصور كلها من النت..
ولو تحصلين صندوق مخمل تره يطله وايد أكشخ... أو ممكن تاخذين صندوق
وتودينه لمحل تنجيدات وأهو
يلبسه لج بالمخمل وبالكريستال...
و تحتاجين اكياس أورجانزا...
اهم يجون الوان واحجام...
انتي اختاري اللون الي يناسب
غرفتج... يعني انا اخترت
وردي فوشي حده حلو..
حاولي تختارين لون فلالالالاش أحلى..
مثل هالاكياس بعد أكبر و
اذا ماحصلتي اللون والحجم
الي تبينه تقدرين تروحين تاخذين الخام وتفصلينه لج...
و تحتاجين بعد حق معطر للملابس...
أو ورد مجفف تعرفونهم صح...
الي يبيعونهم في لايف ستايل
وهالأماكن... طبعا أحلى ريحه أهي اللافندر.. معروفه أنها حلوه للأسترخاء والريلاكس..
وهذا مال لايف ستايل.. يجي
بهالشكل وبروائح مختلفه
وممكن بعد تستخدمين هالمعطرات بعد تحصلينهم في لايف ستايل
بس انا استخدمت شي ثاني...
استخدمت المسك الي كأنه صابون من عبدالصمد القرشي إلي دايما
يستخدمونه للطهاره (حجر مجروش)..
لأن ريحته تفوح وتطبع في الملابس... وسعره مو غالي في داخله 6 حبات..
تقدرين تقطعينهم قطع صغار...
وهذا أهو
الطريقه أهي انج تاخذين اللانجري,,,
يعني تاخذين كل طقم و تغسلينهم
وتكوينهم وتبخرينهم....
و بعدين تحطين كل طقم في كيس...
يعني اللانجري مع الروب ماله و مع اكسسواراته وكلشي في كيس...
و جذي ترتبينهم كلهم في اكياس الاورجنزا ,,,,,
وتحطين في كل كيس ورد مجفف
أو هذا مال القرشي أو اي معطر ثاني للملابس.. أو ممكن تحطين المعطر
في اكياس صغار وتوزيعنهم
بين الملابس...
جذي يعني
و بس بعدين تصفين الاكياس في البوكس بطريقه مرتبه و تسكرين عليه...
و بهالطريقه راح تطبع الريحه
في الملابس و كل ماتفتحين البوكس بتفوح
الروايح الطيبه منه..
و كل ماتلبسين طقم راح تفوح ريحتج..
منقول والف مبروك ياعرايس دعواتكم لي

التعليقات (9)

هنوف السعوديه

14-05-2022 - 10:50 pm

يسلمو ياقمر ان شاءالله اني اسوويها

فرولة الجنوب

14-05-2022 - 11:51 pm

مشكوره حبيبتي
فكره حلوه

mY soUL With hiM

15-05-2022 - 12:52 am

يسلمو فكرره نايس

Lily White

15-05-2022 - 01:53 am

هنوف السعوديه ،فرولة الجنوب ،mY soUL With hiM الله ينور دربكم

ناقده بافكاري

15-05-2022 - 02:54 am

حلوه بس ههه هالصندوق مال الملابس الداخليه وملابس استعراضيه ههه قدامه شيقول لاشاف الصندوق ههه واي شكل الصندوق بيسافر معي لاني باخذهم كلهم معي للسفر وشويه للفندق يعني شحقه هالصندوق الا للي ياخذونه مع الدبش بس واي عيب هههيتفرجون على اغراضهم مثل ماعرفت يعني بيشوفون الاهتمام الزايد بالملابس انااعجبتني وكنت ناويه اسويها بس بالدولاب مو كبت
وجعل ربي يوفقج ياحلوه

Lily White

15-05-2022 - 03:55 am

ناقده بافكاري الله يسعدك ويهنك ويحبك زوجك كما كان الرسول صلى الله عليه وسلم يحب عائشة رضي الله عنها عجبتني دعواتك { وجعل ربي يوفقج ياحلوه }

روبي القمر

15-05-2022 - 04:56 am

مشكورة حبيبتي والله نفعتني هالفكرة
كانت في بالي فكرة ثانية بس فكرتك احلى وسهل
الله يعطيكي العافية

Lily White

15-05-2022 - 05:57 am

روبي القمر

kato0omah

15-05-2022 - 06:58 am

ربي يسعدك
ويوفقك

لكل عروس جديده طريقه عجيبه وشيك وسهله جدا لترتيب الانجري←
بنات الدمام ردو→