لكل من طلبت طريقه الحلى الموجوده بحفله الاطفال موجود هنا وبالصور لعيونكم

1. الحشوه هي اول شي نقعي رز مصري بماء حار


2. بعدين سويها عادي

السلام عليكم اخواتي
طبعا انتم شفتوا صوره الحفله وبعضكم طلب طرق بعض الحلى الي بالحفله فأنا نزلت الصور بالطريقه
واسفه جدا على التأخير
طبعا هذي الصوره العامه للحفله
ونبدأ الان ننزل واحد واحد
طبعا هذا كوب كيك جاهز او انتي تصلحينه بس ماكان في وقت وحطيناه جاهز وتزيينيه بدريم ويب وزينات بس وهذا شكله
والحلى الثاني عباره عن كوب كيك انتي تصلحينه او جاهز هنا اخذناه جاهز وفرغيه من الوسط
بعدين حطي بالخلاط 3 مارس و2 جالكسي ساده وعلبه قشطه ونصف علبه حليب محلى ))
اخلطيها بالخلاط بعدين صبي قليل من الخلطه على اكواب الكيك مكان الي فرغناه وحطي بسكوت الاصابع زينه ورشي فليك عليها
((لا تفوتكم لذيذه مره)) اشتهيتها اهي اهي اهي بس لعيونكم نزلتها
الحلى الثالث ياطويلات العمر ((حلى الشتلات))
وهو عباره عن كيك العائله تقطعينه مربعات صغار على حجم كوب القهوه البلاستيك
بعدين نسوي الخلطه الي فوق طبعا احنا غيرنا خلطته وحطينا نفس خلطه الاكواب الكيك الي فوق مفرغه لان صراحه جربنا كلا الخلطتين فلقينا الثانيه اطعم ماحلى
وهي 3 مارس و2 جالكسي ساده علبه قشطه ونصف علبه حليب محلى اخلطيها بالخلاط بعدين صبيها فوق الكيك وحطي طبقه دريم ويب وزينيه بقطع كاكاو الهيرشي (((لايفوتكم لذيذ))) وهذي صورته
الان نأتي عند السبرتق رول طبعا الكل يعرفه ويابنات احلى حشوه للسبرنق رول خذوها مني وعلى مسؤليتي
طبعا اول شي خضار تسلقينها عادي بعدين تشوحينها بثوم وتحطين عليها صدور دجاج وبعدين الملح والبهارات صدقووني لذيذه
الخضار هي مقطع صغير جدا وهي بطاطيس فاصوليا بازلا جزر
الان ورق العنب يابنات وانا صرراحه ودي انزل موضوع عن ورق العنب حقي بالصور بصراحه لايتفوت كل من ذاقه توقع من برا

الحشوه هي اول شي نقعي رز مصري بماء حار

بعدين قطعي صغار جدا او بفرامه البصل طماطم وفلفل بارد وثوم وشوي جدا نعناع وبقدونس واخلطيها مع الرز بعد ماتنقع بعدين حطي صماق عليها كثير وملح
الان ابدئي بحشو ورق العنب واذا خلصتي ورصيتيه بالقدر سوي خلطه الي هي 3 كاسات ماء مفنجال قهوه زيت زيتون وملح ليمون على حسب الرغبه عصيرليمون اخلطيها مع بعض بعدين صبيها فوق ورق العنب الي صفيتيه بالقدر ((وهذا سر لمعه ورق العنب )))
ملاحظه مهمه قبل ماتطبخينه اضغطيه جيدا ورق العنب بيدك عشان اذ طبخ مايتفكك وحطي فوقه صحن وشي ثقيل عشان مايتفكك ويروح تعبك (الماءلازم يغطي ورق العنب ويزود شوي)
انا اطبخه بقدر الضغط ويطبخ بس ربع ساعه فقط ولاتفتحين عليه لما يبرد تماما لانك اذا فتحتي عليه وهو حار يسود ورق العنب((خبره)) وهذي صورته
الان جينا عند البيتزا خاصه بيتزا عربجيه شي الكل مدحها يوم الحفله
الطريقه ((بالخلاط)) 2كأس ماء و1كأس حليب بودره ونصف كأس زيت و2 ملعقه خميره فوريه بالخلاط كلها بعدين حطي 4 كاسات دقيق و2 ملعقه بكنج بودر وحركيها خليها ترتاح نصف ساعه

بعدين سويها عادي

ملاحظه خطيره جدا( تبون البيتزا تسير خطيره حطوا عليها مع الزيتون والفلفل (اورقانوا) خطيير مره نفس طعم بيتزا المطاعم يباع بالعثيم ( وحتى تطلع البيتزا خطيره صلحيه من قبل بيوم وجمديه بس لاتطبخينها الى اليوم الثاني مجرربه ولذيذه وحطي مع الصلصه البيتزا كتشب تطلع لذييذه سر
طبعا الدوناات جااهزه خ
وكيكه الحفله جاهزه من مخابز هررفي لاتفوتكم لذيذه((خطير هرفي والله عنده حرركات)
وسلامتكم يالغالين
بنات والله تعبت وانا اكتب بس لعيونكم عادي بس ابي شي واحد تدعولي كل ماسويوا الاكله او اذا اعطيتوها احد تكفون توصونها تدعي لي