للبدينات والدبيات وصاحبات الاوزان الثقيله والي شوي وتنفقع فقط تعالوا هنا يا ويلكم

هلا حبيبتي فتقتي الجروح وقلبيت المواجع أنا بعد عندي نفس المشكلة ماعندي إرادة من أنا في سادس إلى أول ثانوي وأنا كل يوم أقول أباسوي ريجيم حتى أهلي وخالاتي والناس كلها حفظت الأسطوانه ومن أتكلم قالولي سكتي بس ويضحكون
أنا عمري15
* ***
***
***
**
أتخيلي ووزني 81
آآآآآآآآآآآآآآآآآآآآآآآه يالقهر شفتي لازم أشوف حل سريع أسوي ريجيم ونتفق
تراني عندي نماذج في العايلة كلهم امتان يعني دبدوبات تقولين كور ومن يروحوا جامعة ينزل وزنهم ويصيروا رشيقين
وأمي كثير خايفه علي مسوا عندنا وراثة السكري للي أوزانهم زايدة بس الي نزل وزنهم ماصابهم شي أقصد العمام واليد
باي ويعطيك العافية أنتي كثير خفيفة دم

مرحبا بنات
كيفكم ؟؟
انا عن نفسي ماعندي اراده يعني اقول اليوم بسوي ريجيم مافي تاجيل ومن ذا الكلام وتلقيني متحمسه مره عقب شوي اقول معليش بكره ابدا
والمشكله اني الفتره الاخيره هذي وزني زاد مره بشكل مو طبيعي مادري ليش
وهذا الشي مضيق صدري مره
يعني كذا فجاه وزني يزيد 10 كيلو شي مو طبيعي ابد
انا الحين وزني 84 وعمري 21

اه اناباموت من هذي السمنه وزوجي يبيني انحف لكن كيف ماعرفة اخفف من الاكل لكن مافيه فايده وكل يوم امشي نصف ساعه لكن وزني ماتغيرولابعد هذاكله الاقي نفسي زايده 2كيلويعني الوزن الحين صار84تكفو ون اللي عندها حل تلحقني به وراح ادعي لها من قلبيي لان زوجي جني يبيني انحف كثيرولااعرف السبب ولااعرف الحل الحقوني تكفون يااخواتي انتم لي بعدالله..........

عاد انا اكبركم حجما
وزني 110
وعمري 19 ومتبهذله
بالرجيم واطبق واتعب وارجع اعوض
بس الله يصبرنا
وبعمل المستحيل حتى انقص

انا يابنات خلاص بنفجر وصلت حدي من الشحم المتراكم والمشكله الاولى والاخيره الاراده مو عارفه ابتدي كل ما ابتدي ارجع اكل مره ثانيه مو عارفه استمرولايوم واحد مع اني ضعفت قبل رمضان 9 كيلو وجاى رمضان وخربت عاد حلوها شلون تجيك الاراده الي جاتي من قبل كل ما نقهرت جلست اقلب على منتديات الرجيم يمكن انقهر واسوي رجيم عاد برد الاكل يحلى على كيف كيفك واكلي زايد بشكل غير طبيعي اذا بستمر على الاكل بوصل 100 انا طولي 162 ووزني 87 يبغالي لايقل عن عشرين كيلو

حسيت بمعانتكم وكنت امر فيها بس صدقوني مشيت فتره على رجيمات متنوعه كل اسبوع رجيم غير وامشي كل يوم ربع ساعه نص ساعه وادا كثرت ساعه والحمدلله نزل وزني بس اهم شي الاراده وعلى فكره انتو لسه صغار يعني اوزانكم راح تنزل بسهوله بس فكرو بشي واحد الا متى راح نقعد كدا خلي الرشاقه هدفك وتحدي نفسك وانشالله توصلين للي تبين

هلا والله بنات
((((((( ماشاء الله نحفتوا )))))) >>>>>>>>>> وحده تستهبل خ...
ها ...اشوف ولا وحده سلمت ...سلموا يا بعدي ..زين لاتنسون ..
عاشقه الغرام ..وش هالطله الحلوه ...ليش يابعدهم ان شاء الله ما يجيك السكر ..ان شاء الله اللي يكرهونك
بس ماعليك خلنا نحط يدي في يدك ونساعد بعض وان شاء الله كل وحدة توصل للي تبيه..
^^moon 14^^ يا هلا ومرحبا ..ليش يضيق صدرك ياقلبي ..انتي وزنك 84 يالله عشان ننحف سوا...قومي تحركي لازم ننحف وبننحف غصب ..سدي حلقك وحركي جسمك وانتي تنحفين ماهي صعبة مرة يعني تعالي بس هنا كل يوم وانا انحفك ولو انتي بالدمام احلى واحلى انا مستعدة اوصلك الين حد بيتك ريجيمات وبروشورات وكل شي يخلي نفسك تنسد
بس اهم شي لازم ننحف ونساعد بعض
ان شاء الله انتظر ردك
ندى الجوري هلا والله ..مشكوره لتواجدك في موضوعي ..
الحزن الصامت ..لا أعدمنا الله طلتك البهية ..زوجك هذا قاهرني مع احترامي الشديد ..ما يعرف يصبر ..يا اختي قوليله النحف مو على كيفي شوفي انتي بتنحفين عادي زي ماكل الناس ينحفون ومو صعب وبتسوينه وزوجك بينجن عندك وبتملين عينه غصب واذا غيرك قدر شي طبيعي انتي يا قمر تقدرين.. الحين لو زوجك هفت نفسه على وحدة رشيقة وجسمها حلو وش بتسوين وقتها طاح الفاس بالراس..ومو بس على شان رجالنا اللي ما يملى عينهم شي لا عشان ثقتك بنفسك تزيد وتعرفين ان مافي شي ناقصك وانك مثل باقي البنات....ومشكوره لتواجدك في موضوعي ولا تقطعينا ..
حنان ...يا اهلين ومرحبتين بالناس الطيبين ...الله لايحرمني من طلتك ان شاء الله ....خلاص حطي يدك بيدي ..تدرين الاجانب وش يسوون دايم يسوون قروبات ويساعدون بعض الين كل واحد يوصل مبتغاه ويد وحدة ما تصفق خلك معي وانتي صيري معي والله يساعدنا جميع مع اخواتنا اللي انضموا معنا جربي وش بتخسرين
انتظرك ..وشدي حيلك ..
ريماس 2006 هلا وغلا
ولا تنقهرين ولا شي انتي بيدك تسويين كل شي كلها شوي تخفيف مع حبتين رياضة وبتدعين لي
وش رايك نسوي برنامج انا وانتي..يا بنت ماهو صعب شي عادي اكل وبتنحرمين منه شوي وانتهينا واذا نحفتي كلي مثل ما تبين الاكل مو طاير اعمارانا اللي بتطير واحنا ما ذقنا طعم النحافة شوفي مافي شي حلو الا لازم تتعبين عشان تاخذينه
والناس ماهم احسن مني ومنك ..وياك ياقلبي .. جعل البسمة ما تفارقك ابد ابد..
دلال ...ياقلبي عالنصايح الحلوه ...تسلم يدك ان شاء الله ولا تحرمينا من طلتك ..
حرام انا اللي يشوفني يقول عمري 5 مليون وكسور كني جاية من العصر ماقبل الحجري استغفر الله اللهم لا شماته وانا توني 16 بس اكل اكل الين قست قلوبنا لا ونزعل الا دبب وديناصورات ومتوحشات بعد ونفس خايسة..خ.. اعوذ بالله ماكننا شابات تونا ..وش خلينا للعاجيز لا والله حتى العجايز اجسامهم احلى..
من الان للعيد بس على الاقل ابي كلكم تسمعون كلمة ماشاء الله نحفتي..
واللي ما تقول ماشاء الله طبي في عينها واخنقيها الين تقول .
حنا اصلا خير شر محنا ماشيين بدون عين اجل كيف بالعين
وانا بوريكم العين الحمرا وبتنحفون غصب..ههه..
يالله ابي كل وحد تقولنا وش كلت اليوم واللي تخرب الرجيم لاخنقها واخليها عبره لمن يعتبر ..خ..
سي يو ..

انا بعد نفس الشي ماعندي ارادة ولا قد سوت رجيم ولا احب واذا قلت بسوي يزيد اكلي بشكل مو طبيعي عقدة نفسية ههه بس يلة خلينا نتشجع ونسوي رجيم ونتنافس مابقى من العمر كثر مامضى ههه ونصير عارضات ازياء خلاص كل وحدة تجيب رجيم ونشوف ايش الاحسن وانا عمري 21 وزني 74