للمرة الرابعة فنون خيانة زوجي

1. على اهلي الا جا اتصال ورديت الا بنت اللي تتكلم


2. لكن ما اقول الا حسبي الله ونعم الوكيل

سلام يافراشاتي المهمومات منكن والمرتاحات
وبعد التحية والسلام بفتح لكم قلبي واشتكي لكم
يابنات مدري والله وش اقول ولا من وين ابدى
من جد تعبت من زوجي كل مرة يتفنن في خيانتي هذي المرة الرابعة اللي اكشفه فيها
اقسم بالله يابنات اني ما ادور ولا افتش وراه لكن ربي يدلني على بلاويه في كل مره
المرة الاولى لقيت رسايل بجواله وانا جالسه انتظر السواق لأن جوالي كان ضايع واضطريت استخدم جواله
المرة الثانية كنا بجدة وفي درة العروس تحديدا طلب مني اجيب له غرض من الشاليه ورحت وانا راجعه
لقيته جالس يكلم المهم قطع الخط وجلس يتكلم باشياء مي مفهومه ويخربط المهم اخذت جهازه باتصل

على اهلي الا جا اتصال ورديت الا بنت اللي تتكلم

المرة الثالثة كان هو مسافر للصين وبعدها لمصر فطلب مني انا وعيالي نجيه لمصر واحنا جالسين باللوبي بالفندق فتح ايميله ولما جيت لقيته يحذف رسايل المهم جلست بنحره الين اخذت الجهاز وفتحت الايميلات وكانت من وحده صينية كان له علاقه معها وهي متزوجه وعندها طفل تقول ان زوجها اكتشف خيانتها وبينهم مشاكل وتترجاه يرجع طبعا انكر انه يعرفها ويحلف انه ما صار له اي احتكاك ما حريم لانه كان طالع في رحلة عمل
كل هذا واسامح واقول معليش نزوة ومصيره يكبر ويعقل لكن الظاهر العكس كل ما يكبر ينهبل
المرة الرابعه راح لمكه ياخذ عمره وترك سيارته في بيت اهلي قلت خليني ارتبها واترك له هدية فيها واسويها مفاجأة له .. اثاريه تارك لي المفاجأة أنا
فتحت شنطة السيارة عشان ارتبها ولقيت علبة جوال مع شريحة جوال طبعا الجوال معاه حصلت الرقم بالعلبة واتصلت لكن مقفل لما جا بالليل اتصلت ورد علي لكن ساكت ولما تكلمت قفل الجوال وماعاد فتحه
ولا وش اقولكم لقيت بالسيارة بعد لقيت بمحفظته صورة الحرمة الصينية ومعها ولدها تخيلوا والله انقهرت قهر صرت ارتجف بمكاني صور عياله موب معاه يدور بصورة هذي والله تمنيت اني مت ولا شفت صورتها

لكن ما اقول الا حسبي الله ونعم الوكيل

طبعا انا المرة ذي قلت خلاص ما عاد فيها صبر ولا احتمال تكلمت مع ابوي ووضحت له كل شي
ابوي طلب مني اهدى ولما يجي اجلس معاه وأواجهه بكل شي واقول له رح تكلم مع ابوي لكن الى يومكم هذا ما كن شي صار والمشكلة ان ولدي سوى عملية واضطريت اتكلم معاه واحط اللي براسي بالارض عشان ولدي وهو مفكر اني خلاص نسيت
يمكن احد يقول اني مقصرة معاه لكن ربي اللي يعلم وش اللي اسويه له
احيانا يطلب مني اروح لبيت اهلي وانام عندهم بين فترة وفترة واذا رجعنا للبيت يحاول يدور اتفه شي عشان يطلع برا البيت
ادري طولت عليكم يابنات لكن من اللي في قلبي ومن القهر اللي فيني
قلت بافضفض لكم يمكن القى لي حل عندكم