لماذا يجرحني زوجي امام الناس

1. الموضوع ان زوجي محيرني

السلام عليكم يا اخواتي الحبيبات
امانه عليكم اللي عندها حل ترد وتساعدني خلاص قربت اطلب الطلاق ولكني ما ابي اخسر بيتي ولا زوجي ولا يرضيني ان بنتي الوحيده تعيش بين اب وام منفصلين ولعلمكم عمر زواجي بس سنتين

الموضوع ان زوجي محيرني

انا اصلا قبل الزواج كان جسمي حلو مظبوط لا نحيفه ولا سمينه كنت خفيفه في الحركه وكان وجهي جميل ما اشكر في نفسي والله كنت قمر لكن بعد زواجي بشهر صرت حامل واثر عليا الحمل والرضاعه وضعفت ونحفت جدا جدا وزوجي اشكيله من تعبي واقوله عندي الم بمعدتي والقولون وما يوديني دكتور اخدني عند الدكتورة اللي كنت معاها وانا حامل يعني تخصصها حمل وولاده مو بطن وقولون وما افادتني بشي وقلت عادي بطنش التعب ولكن تعب المعده والقولون سببلي عدم الاكل لاني اتعب من كل الاكل لازم نظام امشي عليه وانا عندي التعب ده قبل الزواج وهو يعرف كده المهم ان المشكله هي اني نحفت نحافه تقرف وشكلي فظيع لوني اصفر مو بس وجهي جسمي كله اصفر وشحوب دائم وعدم القدرة على ممارسه الحياه العاديه اذا سويت اي شي اتعب لاني ضعيفه وكتير اقوله تعبانه وديني دكتورة ما يرضى يقولي لما تفطمي بنتك تصيري تمام اقوله نحفت ابغى فاتح شهيه ما يرضى ونفس الرد يقوله والمشكله الاكبر اللي سببتلي قهر وابكي منها لما اطلب منه اني اتعالج من النحافه ما يرضى ويقولي انتي كده احسن وتاني يوم يقولي رجولك ناشفه كلك عظام ما في لحم ابدا حتى احرجني قدام كل الناس وقالي كلام يجرح قدام زوجات اخواتي وقدام اختي الاصغر مني طيب ليش يقول كده وما يرضى يعالجني مع العلم انه مو بخيل ابدا وينفق على الفقراء ويتصدق كتير اليوم قالي كلام زي كده وما رديت عليه لكن داخلي حزن ليش اقرب الناس لي اللي يعرف عيوبي ومميزاتي يسوي معايا كده اقسم بالله وهذا القسم اتحاسب عليه يوم القيامه اني ما اجرحه ولا اقول اي كلمه تضايقه مع ان عنده نقص في بعض الامور لكن هو مصر على جرحي خلاني كرهت كل الملابس وقمصان النوم القصيرة والطويله والتنانير والبناطيل لانها كلها تظهر النحافه
مين عندها رد على سؤالي ليش زوجي يعايرني بنحافتي وليش ما يرضى يلاقي لي حل والله تعبت منه تعرفوا رأي امي تقولي هو ما يرضى يخليكي تسمني عشان ما تصيري حلوة لانه يغار اي حد يشوفني ويمدحني في انسان عاقل ما يرضى يشوف زوجته احلى واحده ؟؟؟؟؟؟؟؟؟؟
لا حول ولا قوة الا بالله ملاحظه انا ما بدي افطم بنتي اقول حرام عليا عندها سنه وباقي لها سنه ويا عالم بعد ما افطمها يمكن ما ينصلح الحال ولا اسمن ولا غيره الله اعلم