لماذا يرفضنا ازواجنا احيانا تعلمي معي سر من اسرار الحياة

بسم الله الرحمن الرحيم
هلا بنات شخباركم
لاحظت بعض البنات يكررون كلمات معينه
استغربتها
مثل :

• ليش الناس صارو جذيه؟؟
• انا مهما اسوي احس الناس ما يبين بعينها ؟
• لاحظت اشياء غريبه بالمجتمع .....و .....و ليش الناس صارت بهالصورة ؟؟
• والى اخره

من الفاظ توحي ان الناس خبيثة و المجتمع سئ
وان الناس الطيبة اصبحت قليله تقبلو مني هذي الفلسفة البسيطة في فهم الحياة والمجتمع النابعه من دينا الحنيف
ومدموجه ببعض الاراء الحديثة
الحياة التي تعيشينها من اختيارك
يعني اذا اخترتي الحزن والبكاء والألم
س تجذبين المزيد من الحزن والهم وضيقة الخلق
لأنك المتحكمه الوحيده بمشاعرك وردود افعالك
أنت ما تفكرين فيه
اعرف وحده تزوجت عن حب وتعيش مع زوجها من سنوات
دائما تكرر اخاف يتركني
اخاف اقعد الصبح القاه هارب ؟؟؟
وتعيش بهذا القلق من سنوات
واصبحت تصرفاتها نابعه من تفكيرها
كيف ؟؟
اذا تأخر بالدوام تظن انه هرب منها
اذا انشغل عن الرد على مكالمتها او مسجاتها
تظنه بدا يتهرب
وبالتالي تتصرف على هالأساس
شلون؟؟
تكتب المزيد من المسجات
وتتصل اكثر
وفي هذي الاثناء يكون زوجها مشغول او لاهي او اي عذر بالدنيا
ولما يكلمها او يرجع البيت
شتسوي؟؟
طبعا عارفين
تسأله وتحاسبه وتتشره عليه
وتبكي وتصرخ وتنهار
وهو احيانا يعتذر واحيانا يطنش
لما مع الايام صارت حياتهم
لف ودوران
واعتذارات
وتشره
و و و
بدأ يتهرب منها فعلا ...........
وزاد عندها شعور انه بينحاش منها
وعقب 9 سنوات زواج
وحب ورومانسيه من طرفها
قعدت الصبح ما لقته
دورت دورت دورت ما لقته
خرج ولم يعد
مع الأسف
زاد المها وحزنها وقامت تقول ليش الدنيا جذيه؟؟
اللي حصل انها كانت تفكر بكل وقت بأن زوجها بيتركها
مع انها كانت طيبه معاه ورومانسيه واغرقته بالهدايا والحب والعطاء
لكن .........
وأه من لكن
كانت تغرقه بالهم والنكد والملاحقه
والتشره والحنه .........
مما ادى الى ان يفرط بكل لحظات الحب والهنا معاها
ويهرب من روما نسيتها المزعومه..... الى راحة البال والهدوء
(( طبعا بتقولون هو غلطان كان المفروض يناقشها ويوضح وجهة نظره))
لا تظلمونه ولا تظلمونها
تتوقعون 9 سنوات ما فهمها ما يريد ؟؟
لا فهمها وتعب ونصحها
لكن (لا حياة لمن تنادي )
ولا تزال تعيش على قانون ( الجذب )
تجذب الأشياء السيئة في حياتها :
مثلا فلانه اللي احبها ماردت على اتصالي اذن هي حاقرتني
وفلنتانه مالها خلقي اخاف ادق عليها ما تعطيني وجه
ولما تدق وهي مسيطر عليها هذا الشعور
راح تتصرف على اساسه و
و
تتوقع الرفض من الخرين
و تسئ الظن
اي ما ردت عليه ما تبيني
ليش ؟؟ حرام عليها و ...... و........
الخلاصه :
في قنون من قوانين الحياة اسمه قانون الجذب
و هو بالضبط يعني
ان ما تركزين عليه بقوة وتفكرين فيه تجذبينه لج
سواء كان سلبي او ايجابي
مثلا اللي تركز على فكرة :
مابي ريلي يكش مني مابي ريلي يكرهني
راح يجيها هذا الشي
الاصح ان تفكر
بنفسها انها قادرة على الحصول على حبه
( موضوعي ما اكتمل خليكم معاي)