لمتى يعني لمتى تعالو ننحف مع بعض

بسم الله الرحمن الرحيم ,.
السلام عليكم جميعاً
هذا أول موضوع لي هنا .. وإن شالله إننا نستفيد من بعض ونطلع بنتيجة حلوة بالنهاية

• - -

بدايةً راح أذكر تجربتي .. ( المؤثرة والمريرة تهئ تهئ )
أنا وحدة أحب شي اسمه الأكل .. خاصة الحلويات والمكرونات والأشياءات اللزيزة < نقطة ضعفي
والنتيجة .. الآن عمري 17 سنة ووزني فوق الستين
من 3 سنوات وأنا أقول بعمل دايت .. مايمر أسبوع إلا أكون خبّصت وخربت أبو الدايت :/
وأرجع مرة ثانية دايت .. وأكنسله .. وهكذا
المشكلة إني بعد ما أخرب الدايت .. آكل بشراهة كأني أول مرة آكل بحياتي .. وبالتالي يزيد وزني أكثر وأكثر
جربت وعملت دايت من كتاب اسمه ( أنوثة حنونة ) جداً رائع الكتاب وأنصحكم تشتروه
بس نفس الشي .. أستمر أسبوع أسبوعين بالكثير وأنحف تقريباً 2 كيلو ..
وبعدها تجيكِ العزايم والحفلات و ..فماتقدري تمسكي نفسك
رحت لأخصائية تغذية .. وأعطتني نظام غذائي أمشي عليه مع شوية تهزيئ يحبه قلبكم
(( في السن ده لازم تكوني بأقمل قِسم .. أمّال لما تتقوزي حتبقي ازاي ؟ )) < اثتحيت خ
وإن شالله إذا لقيت تفاعل بموضوعي .. راح أكتبلكم النظام اللي اعطتني هوا ,
وعدة تجارب تستفيدو منها ..

• - -

الآن المايك لكِ

• عمرك وطولك ووزنك ؟
• وايش الجزء اللي مو عاجبك بجسمك ؟
• قوليلنا قصتك مع الدايت .. وتجربتك .. أو نظامك الغذائي
• وأي نوع من الرياضة تمارسي ؟

, ’
الموضوع دردشة خفيفة .. يعني اللي بقلبك تعالي قوليه هنا وفضفضي
عشان نساعد بعض ونوصل للوزن اللي نبغاه ,
لي عودة .. أكتبلكم النظام الي قاعدة أمشي فيه حالياً