لمحبي البرجر ريجيم البرجر بالجبنة كلي وخسي

بسم الله الرحمن الرحيم
ازيكو يا فراشات
بصو بقا اليوم جايبلكو ريجيم لقيته في منتدي تاني
بس خطير
المهم عشان مش اطول عليكو
الموضوع بالكامل اهو
السلام عليكم حبيباتى,
أتمنى أن تكونوا بخير صحة و سعادة إن شاء الله جميعاً
النهاردة جايبلكم رجيم رائع جداُ أعطتنى إياه أخصائية التغذية ألى بتابع معاها هنا فى القاهرة و هى الدكتورة /منى راداميس (أخضائية تغذية مشهورة جداً فى مصر)
و الرجيم ده بيخسس جاد أوى فى الأسبوع , و أنا طبقته لأكتر من مرة, لأنه بصراحة بيريحنى و بيشبعنى أوى , و دايماً بطبقة لما بزهق من الرجيمات المعتادة , المهم مش هطول عليكم الرجيم كالتالى:
اليوم الأول و الثانى
الأفطار :جبن موتزاريلا بأى كمية + 1 توست رجيم
سناك :جبن موتزاريلا+بيض مسلوق+سلاطة خضراء
الغذاء:فرخة كاملة مشوية أو مسلوقة + سلاطة خضراء
العشاء: 4 همبرجر مشوى + 4 شرائح جبن شيدر + سلاطة خضراء
اليوم الثالث و الرابع
الأفطار : بيض مسلوق + جبن شيدر + 1 توست رجيم
الغداء : لحم مشوى أو مسلوق بأى كمية + سلاطة خضراء
سناك : 2 همبرجر مشوى + 2 ثمرة خيار
العشاء : علبة تونة بدون زيت + سلاطة خضراء
اليوم الخامس و السادس
الأفطار : 2 بيض+2 شريحة جبن شيدر + سلاطة خضراء
الغداء : كفتة مشوية بأى كمية + سلاطة خضراء
سناك : بيض مسلوق + سلاطة خضراء
العشاء : 4 برجر مشوى + 4 شرائح جبن شيدر + سلاطة خضراء
اليوم السابع
تكرار لأى يوم سابق
ملاحظات :
1) يجب الأكثار من شرب الماء, على الأقل 2 لتر يومياً.
2) ممنوع الأكل بين الوجبات.
3) طالما لم تحدد كمية الأكل فيمكنك الأكل بأى كمية حتى الشبع.
4) ممنوع إستخدام الدهون نهائياً فى الطبخ , (لابد أن يكون الطعام إما مشوى او مسلوق)
5) ممنوع إستخدام مرقة الدجاج .
6) ممنوع إستخاد السكر نهائياً, و يمكن إستبدالة بالسكر الصناعى مثل (سبلندا , كاندريل ,......)
7) ممكن شوى الهمبرجر فى التيفال بدون إضافة أى نوع من انواع الدهون
علي فكرة صاحبة الموضوع كاتبة ان نقصت عليه
3 كيلو باسبوع

• ___________

طبعا الريجيم مليان اكل زي ما هو واضح
مش لازمة كلام بقا ده يسمن مش ينحف
هو ده ريجيم !!!!!!!! الخ
انا ابتديت فيه من النهاردة
وهاقولكو النتيجة عالجمعة ان شاء الله
اللي عايزة تمشي معايا عليه من دلوقتي نبتدي مع بعض ونشجع بعض
واللي عايزة تستني لغاية ما انا اجرب براحتها
يلا سلام
يا أمامير