لن ياخذ منك الكثيير لعلنا نستفيد

مرحبا اختي .........
الي انا اشوفه صح ان المراءه لازم تدلع زوجها وتحببه فيها طبعا مو في كل شي
في اشياء المراءه تكون ثقيله وعندها كرامه والرجل يحب المراءه اللي عندها شخصيه قويه بس مو تخلي قوتها على زوجها لا في اتخاذ القرارات ...........
والله يعينا على هالرجال ***** تقبلي مروري

اسعدني مرورك الرائع كاروعتك غاليتي
وهو مو مجننا الا ذا الدلع ههه

حبيبتي احنا محتاجين لتقويم سلوكي صحيح على سبيل التجربه انا ولله الحمد على قدر كبير من الجمال والانوثه والدلع والحمدلله
ماكنت اهتم في زوجي ولا طرالي ولامره اني ادلعه ولا البسه ولا ااكله ولا حتى البس له شي واحط ميك اب واتغنج له او ارقصله
كنت عاديه جدا لاني تزوجت صغيره وماافهم شي
وكان هوه مايطلب مني ولاشي يحبني وانا احبه ورزقني الله ببنت وولد ومازلت على حالي صوتي مرتفع وعفشه في كل شي ماعمري قلتله ياعمري ياحياتي
اشمق فيه اذا تزاعلنا ماانثني له لازم هو اللي يعتذر ولا ماعندي مشكله
ادعي عليه
وبعدين كاني كنت في حلم وصحيت وقلت انا ليش كذا تعيسه انا ليه ماامتعه بالحلال وعندي كل الامكانيات
قررت اني ادوس على شي اسمه كرامتي وكبريائي لزوجي
بديت امدحه
ادعيله
البسه
اوكله
دايم اقوله سامحني ماكنت مهتمه فيك والله لاعوضك عن كل دقيقه
زوجي من النوع اللي يحب الرقص ورقصتله طبعا الليله اللي ارقصله فيها ماتنتهي الا بنهايات سعيده
خ
اذا رحت زواج او مناسبه استغلها في الرجعه اكون لابسه وكاشخه ارقصله لين الصبح وماابدل ملابسي او امسح مكياجي
اذا زعلني ولو بكلمه ارخي راسي واقوله الله يسامحك وماازعل اجي عنده عادي
بس مااتكلم في الموضوع
اتجنب اسب اهله او اخوانه او اخواته او اي حش في الناس لان الرجال من النوع مايحبون القنقنه الزايده
كنت بارده في العلاقه الزوجيه يعني عادي اتحمم والبس روبي ويله في الظلام
الحين لا
اتحمم البس لبس مغري احط ميك اب خفيف ارفع شعري او اجعده احط ورده البس جزمه عاليه عاد يموت الرجال في الكعوب العاليه واجيب له فواكه او نشرب اي شي
اذا طنش شوي ماازعل لان الرجال يحبون الثقل مو بس احنا
النور يكون خافت وقت العلاقه لامانع ان اصدرتي نوعا من التاوه والانين والله يحبونها ويعشقونها هالحركه
تكلمي معاه وقتها بصوت خافت في اذنه وقوليله احبك ولا اشتقت لك تحركي معاه مو بس هو
يعني غيري من اسلوبك الكامل
دايم اسلم على يده في مناسبه وغير مناسبه والله حتى رجله ابوسها واقول الله يخليلي ذا الرجول اللي توديني وتجيبني
ويجلس يضحك
والله يابنات طلعت بنتايج مبهره زوجي اللي كان يقولي انتي جزمه وانتي وانتي شوفوا الحين كيف صار
النتايج...........................................
صار يدعي لي بدل ماكان يدعي علي
صار يبوسني كل ماراح وكل ماجا بدل ماكان يصد ويردالسلام من بعيد
صار يلبي لي اي طلب لو كان فوق ارادته بدل ماكان يقولي ماتستاهلين
كان يقولي ابتزوج ياسوريه يامغربيه تدلعني وماترفضلي طلب انتم يالسعوديات معفنات والله قالها لي كذا
والحين يعتذر عن ذي الكلمه ويقول الله يخليك ليه ولايحرمني منك انتي حبيبتي وام اولادي
اهلي عازهم ورازهم ولو انه يصدر منهم حركات تغيضني فيه
بس يردلي جميلي في اني احترم اهله وهمه مهم معطيني اي فيس
اذا مرضت يسهر عندي والله يابنات حتى جسمي يكبسه لي
مو ضعف منه لاكن خيركم لاهله وانا واياه واحد دست على كبريائي وهوه داس عليه مفاهيم كثيره تقدرين تغيرينها في نفس زوجك لكن اذا انتي غيرتيها بالاول
والله يالرجال مخلوقات تنهد عند حب المراه وحنانها وانوثتها لاتستقوين عليه ولا تنفخين فيه كل شي انتي وذكائك وشطارتك
واللي تقولك لاتعطينه وجه ولايحطمك وعوديه لا والله غلط في غلط يقدر يلقاله بديل بسرعه
الله يهنيكم مع ازواجكم ويهنيني انا بعد

لي عوده

مشكورين على مروركم مع انه كان ودي تعبروا عن اللي بداخلكم بس جزاكم الله خير

غاليتي برستيج المحبه اسعدني جدا مرورك الرائع وتجربتك الاروع
الله يسعدك دنيا واخره ويسخر زوجك لك وجعله مايشوف في الدنيا غيرك
دمتي بسعاده

معقوول ياغاليات مافي تفاعل المشاهدات كثيره والردود اقل من 10
اسفه يمكن ما عندي اسلوب بس وربي كان قصدي نفيد بعض وكل
وحده تستفيد من خبره الثانيه وتشوف اش اللي يناسبها ويناسب
زوجها وحياتها وتطبقه او تعدل فيه
بس بصراحه احبطتوني ذي اول مره اكتب فيها موضوع ومالقيت تفاعل
عموما اشكر كل وحده مرت على الموضوع واخص بالشكر اللي علقت
وفادتنا بالتجربه الغاليه برستيج المحبه ادام الله الحب بينها وبين زوجها
وعلى فكره انا متزوجه لي 5 شهور وكنت اتمنى الاقي تفاعل
جزاكم الله خير