لو لي غيركم ماجيتكم

1. السلام عليكم ورحمة الله وبركاته


2. الشهر الي فات بكتب لكم ايش صار معي واتمنى تفهمون علي


3. حددت لي ايام الجماع والي هي( الثلاثاء والاربعاء والخميس )

السلام عليكم ورحمة الله وبركاته

كيفكم ياصبايا ؟ بدخل بالموضوع على طول وان شاء الله تفيدووني وماتدخلون تقرون وتطلعون يعني بليز ارفعو لي الموضوع لو بدعووه
انا يابنات دورتي منتظمه مره الحمد لله بس الكلام هذا قبل مااعالج بعد ماعالجت تلخبطت الدوره صارت تقدم اسبوع عن موعدها من كل شهر يعني مثلا قبل شهرين نزلت علي بتاريخ 3 وبعدها نزلت بتاريخ 27 طبعا انا اعالج وعلاجي عباره عن ابر منشطه ثاني يوم الدوره لين تاسع يوم بعدها اخذ ابره تفجيريه صار لي على هالمواال تقريبا 5 شهور ولا حصل لي حمل(والحمد الله على كل حاال)

الشهر الي فات بكتب لكم ايش صار معي واتمنى تفهمون علي

بتاريخ 27 الي هو يوم الخميس نزلت علي الدوره دقيت على الدكتوره وقلت لها عشان اخذ عندها موعد المفروض اروح من ثاني يوم الي هو الجمعه بس الدكتوره عندها اجازه واعدتني الدكتوره يوم( السبت)الي هو ثالث يوم من الدوره وعطتني ابر, بديت اخذ الابر لين يوم السبت الي هوعاشر يوم من الدوره الاحد مااخذت شي ولا الاثنين,, يوم الثلاثاء الي هو تاريخ 9 |1 رحت وتابعت لي التبويض وقالت لي صغيره مره عطتني اربع ابر جديده اخذت اول ابره يوم الثلاثاء واخر ابره يوم الجمعه
والسبت راحه ويوم الاحد الي يوافق 14|1 تابعت لي الاباضه وقالت الحمد الله كبرت البويضه و اخذت الابر التفجيريه

حددت لي ايام الجماع والي هي( الثلاثاء والاربعاء والخميس )

المهم انا توقعت ان الدوره تجيني الشهر هذا بتاريخ 20 يعني بتقدم اسبوع بس مانزلت توقعتها تنزل 27 الي هو امس ومانزلت علي مع العلم ان اسفل بطني يوجعني وظهري احسه منكسر رجلي اليسار توجعني غير الالم الي احسه بالركب اما صدري مااحس فيه الم ولا شي
سويت تحليل منزلي امس طلع خط واحد طلعت من الحمام وانا حالتي حاله جلست جنب زوجي تقريبا 3 دقايق وبعدها رحت للحمام ابي اتأكد لقيت خط خفيف جدا بالموت اشوفه يعني لازم ادقق المهم زوجي سأل الصيدلي قال بما انه طلع خط ان شاء الله فيه حمل قال زوجي الخط ماطلع على طول طلع بعد 4 الى 5 دقايق قال الصيدلي مستحيل يتغير يعني اذا ماظهر خط من الخمس دقايق الاولى مستحيل يطلع حتى بعد مرور يومين
بنات وش تعليقكم على الموضوع والسالفه هذي كلها الي اتمنى انكم فهمتووني فيها لانها جد حوسه وخربطه
تتوقعون لو الدوره بتنزل متى انتظرها ؟
والخط الخفيف هذا تتوقعونه حمل والا وشو ؟؟؟؟؟؟؟؟
طمنو قلبي يابنات الله يطمن قلوبكم والله ان حالتي حاله وزوجي مشتب يبي الحمل
تكفون يابنات لاتقرون موضوعي وتطلعون الله يجزاكم الجنه يارب