لوفرقتنا الأيام تجمعنا الذكريات

تظل الذكريات الجميله
رصيد لنا نُخزنها ونجمعها نُحافظ عليها من الزوال بتذكرنا أيها دائماً
فهيا النسمه الجميله التي تُبهج قلوبنا العليله التي تُطل علينا من نافذة الماضي الجميل لتبهج حياتنا
فتظل البلسم الشافي لجراحنا، وحينما نتعب من تراكمات الحياة.
هي الماضي الذي لأن يعود الماضي البسيط
الذي نتمنا كثيراً أيجاده لتبسيط حياتنا المُتكلفه المتأرجحه التي طغت عليها التطور والماده بسلبيتها أكثر من إيجابيتها
فمع التطور والتقدم والثقافه الا أننا لا نجد تلك الحياة السعيده البسيطه الغير مُتكلفه
ولا نراهاا الا من خلال طيات السنين الفائته.
فهل نتناساها ؟؟؟؟
من جهتي ابكي دمً على تذكر تلك الأيام
بل أحن لهاا وأشتاق لها كثيراً
أشتاق الي تلك الطفله التي لم أشبع منها بعد الي تلك البراءه المتكونه فيها،الي تلك الأيام الممتعه
أغمض عيناي كثيراً لا اتذكر ذكرياتي
ذكريات عشتها انا ومن معي
فاأحس اني أرها وأشتم رائحتها رااحة رائحه ممتزجه بعبق الماضي
الجميل
لتخبرنا به وعن مدى اصالته وبساطته
فهي الماء التي تسقي جذورحياتنا فمنها ابتدينا
ولأحول مجرى الحديث من المُتكلف الي البسيط وابتدء في سلسلة الذكريات الممتعه
لا أتذكر
بيتنا وبيت جدي بيتين لو تتكلم جدرانها لأضحكت وابكت الجميع
فيها البساطه فيها المحبه والألفه والضحكه الصافيه
( بس زمن ولاا ومايرجع .)
اتذكر اننا جيل مايعرف الكفت زي جيل الحين أعرف أننا من نصبح لين نمسي نروكض ونلعب
ولانتعب
بس فيه بريك بنص اليوم نصلي العصر ونبداء نشغل التلفزيون
الي ينقطع ارساله الساعه 12 ويبتدي 3 ونص
كان يوشوش ونجلس مقابلينه لين يفتح ونقابله من
تم ترم تم تمتم تم تمتمتم حقت بلدي الحبيب بعدين سارعي والقرآن وبعدين يرتز المذيع يالسبيعي يالعيدي ويسرد لنا
برامج اليوم وكل هذا وحنا مرتزين نحتري اهم شي باليوم
( موب زي عيال الحين سبيستون وطقتها تشبعو من الكرتون لين قالو بس )
ويقول والأن مشاهده طيبه لأطفالنا الصغار( الشهبان )
وتجي أفلام الكرتون بعد مُعاناة وإنتظار وكلش كوم ومسمياتنا للكرتون كوم
هايدى
بنك بانثر =ابو ذنيب
توم جيري=البس والفار
بباي عاد اشوا عرفناه فينا رجاا
هذولاا اطلق شي عندنا نفتح خششنا عندهم يعني الذباب يدخل ويطلع مدرينا عنه
بس ما يبردون تسبودناا ويطولنهاا
لازم يدخلون افلام سنة الجراد عليناا وكنا نكرهاا مره بس مجبر أخاك لابطل
أحيانا إذا جت كرتون نكرهاا نسولف ولا نروح نجيب شي ناكله
ومنهم بوزو المالغ الي الحين يجي من زود الملح ولا يجيبه الا القناة الأولى شكل شركة أرا للأنتاج هي الي منتجته
وفيه المهابيل الثلاثه طبعاً حنا الي مسمينهم وماأدري وش أسمهم الي الحين بس هم ذولاك الثلاثه الي يطبلون
عاد ذولا نروح نجيب اي شي من المطبخ بسكوت ابو ميزان نلط عليه قشطه
ونذر عليها سكر <<< والله من البربسه
وفيه اتذكر المكسيكين واحد لابس قبعه وواحد قبعته ناشبه براسه وعييناته بقبعته ولاعمرنا شفنا وجهه نهايتهاا خيل يمشي
وكتابه من زود القدامه ترج
عاد فيه وحده احس الي راسمها حول والي مصورهاا فيه رعاش والي منتجها اكيد واحد عليمي يتعلم على شهبان السعوديه
كانو اذا جو اخذ لي غطه الين تخلص
وقول لاخوي اذا قضت قومني
مدري وش اسمهم بس هم اثنين واحد دوب واحد عصقول مقدمتهاا هاي ياباي<<< دايم مر منها
واشيااء كثيره
بس اتذكر اذا جابو سلسله من انتاج ورنر برذر نفرح ونجلس نكركر بس ما يمدي تويق الثرمه االا قطعوهاا
وجابو موجز لأهم الأنباء
عاد اذا رضاء علينا المخرج حق البراامج مدري المُعد رجع لنا الكرتون بس جاب المسلسل المدبلج
عااد هذا احسن على الأقل نعرف أساميهم
وانا صغيره مره مره اتذكر سينان وحكايات عالميه الي بعدين يوم كبرنا عرفنا ان اصاله هي الي تغنيهاا
وعدنان ولينا الي منها انطلقت موضة تسريحة عبسي اتذكر يوم كنت بصف أول تقولي أمي وش تبين اسوي شعرك اقول عبسي
خلاص دايركت مامي تسوي التسريحه
الي كل بنات المدرسه مشخصين فيهاا
تنافس عليهاا<<< خلق الله حسن
وقرندايزر وسالي وبيرين وبولينا ولبيبه وبسيط وكعبول....إلخ
واشياء كثيره ..
كنا اطفال قلوبنا صافيه طهاره ومانعرف الحقد ابدا
بس نعير بعض بس
كانت العابنا ممتعه ويومنا طويل ومليان
اتذكر اول لعبه االكترونيه عندنا كانت اتاري لونها ابيض بعدين تطورنا وشرينا ااسود ازين شوي
وبعدين
اتذكر قالي اخوي فيه شي ازين من الاتاري اسمه
كمبيوتر صخر<< ياحياة الشقاء
ومافيه يمه ولا يبه جيبو لنا
تجميع بقوطي النيدو لين نجيب حقه
ونشتريه بعد معانه وتعب عشاان كذا نكون نحافظ عليه
موب زي عياال الحين بي اس بي وبلاي ستيشن
ونيتندو وغيره من الي مخترعينه لعيالنا وينسبهون فيه
زودن على سبااهتهم
المهم شرينااه وكان الشريط غاالي
يعني كل سنه شريطين
ولااكان فيه مومري نخزن العبه فيها
فأكيد تعب ومعانات يوم نوصل للمرحله الأخيره
فكان أخوي الكبير دكتاتوري
خلاني الممري حقته يروح يلعب ويقول اذا وصلتي للمرحله
الفلانيه ناديي وانا خبله
العب ياحياة الشقاء لين اوصل للي يبي
واناديه
ويااعيني على المدرسه وحياة المدرسه غلقه
انا متأكده لو يدرون منظمة اليونيسف عن مدارسنا
تبنونا
ولا المدرسات
بجد التدريس بري من اشكالهم
كرهونا بدراسه وبالمدرسه كانو مدرسات شريرات
انسه منشن بحل عندهم
شرمشتر
فكانت الروحه للمدرسه من اشد لحظات حياتي
اروح بعد معناة وصياح يومي
وجمله وحده بس الي اقولها لمدة 13سنه
يمه يمه تكفين بفصل ( موب بغاب يوم ولايومين فصل نهائي )
فكانت امي تقول لاكبرتي >>>> وش الفايده
ما اقول الا

• *

نحن لها ونخاطبها نبحر معها ونرسو بها
انها الذكرياات الجميله
فما اجملها