لي متى المشاكل تعالي خففي منها شوي

السلام عليكم ورحمة الله وبركاته ..
شلونكم فراشاتنا .. وشخباركم...؟
ورده { } لك من مرت هني وبموضوعي المتواضع ..
بنات كل مادخلت قسم الحياة الزوجيه ..
اقرا المشاكل اللي مالها حل ..
ومرات استخسر اطلع من غير دعوا للفراشه ..
حبيباتي حبيت احط لكم الموضوع هذا
ولو انه بسيط..
راح يكون عن استقبال وتوديع الزوج
يعني اذا طلع زوجج من البيت .. سواء راح للدوام والا للاستراحه والا السوق او اي مكان ما ..
او اذا جا من برا ..
يعني اذا جا زوجج من برا ..
لاتخلنه يدخل ويروح لغرفته وانتي صامته
يعني
لا هلا ولا مرحبا .. ولا شي ..
والا تقولين له ها جيت ..
ولا تستقبلينه بطلبات
والا تقولي له
يوه شوف عيالك كسرو المزهريه والا شي ..
والا تشتغلين ولا تهتمين فيه
استقبليه ..
بكلمات حلوه ..
يعني ..
{.. ياهلا وغلا اسفرت وانورت تو مانور البيت وحشتني اشتقت لك ..}
من الكلام الحلوو ..
واستقبليه بابتسامه ..
الابتسامه يابنات ماتخسرج شي ..
طبعا انتي عارفه موعد جيته
يعني حاولي انج تكونين متزوينه ومتعطره ..
مو تستقبلينه بشوشه والا ببجامة النوم والا بقميص البيت ..
والا ريحتج ريحة طبخ ..
{ لبسي بدله بيت بس حلوه ومرتبه .. وتعطري ..}
واذا تبوسينه ..
يكون افضل ..
يستاهل انج تبوسينه
هذا زوجج ..
استقبليه ببوسه ع الخد والا الراس والا الايد ..
ولا ....
خ
وادخلي معاه الغرف ..
انتي بنفسج قطي ملابسه .. وغيريهم الى ملابس البيت ..
وعلقي ملابسه ..
بيني له انج مهتمه فيه ..
اذا يبي غدا حطيه له ..
واذا كان تعبان
ساليه عسى ماشر يالغالي شكلك تعبان ..
ويفضل بين فتره وفتره تسوين له مساج يريح شوي ..
كل هذول اذا جا من برا
اما اذا طلع ودعيه لي باب البيت ..
وقوليله استودعتك اله الذي لاتضيع ودائعه..
يمكن بعض الرياجيل راح يستغربون التغيير ..
واذا علق او قال شي
كملي معاه
قولي انت تستاهل وانا اهتم بحبيبي
اذا ماهتميت فيك بهتم بمنو
ومن الكلام هذا ..
لاتخسرون ازواجكم بسبة الخجل او الكلام اللي مو راضي يطلع منكم
اصلا بعد الاهتمام هذا بيتغير عليج زوجج
بنات الكلام هذا مني انا
يعني مو منقول ..
حبيت افيدكم ..
دعواتكم يتحقق اللي بالي ..