ليتك معي ثالث الدمعه ومنديلي روايه سعوديه روعه

السلام عليكم
كيفكم يا فراشات
جبتلكم روايه كتبتها صديقتي بالمدرسه وانا قريت جزء منها ومره عجبتني وانتم اقروها واحكموا
اخليكم مع الروايه
نبدأ مع الشخصيات الاساسيه والثانويه نتعرف عليها من خلال القصه
عائلة ابومتعب
عبدالله (ابو متعب) ...رجل اعمال متوفي تزوج من عايشه (ام متعب) زواج تقليدي
لأنها بنت عمه
جاب حصه ومتعب وسافر سوريا سفرة عمل وقابل حب حياته
تزوج(سوزان) السوريه والكل كان معارض هالزواج
الأهل بالسعوديه وسوريا كمان الكل كان معارض
بس هم كانوا ضد كل الاعتراضات وتزوجوا
وعاش ابومتعب احلى واعظم سنتين بعمره
بس القدر كان اكبر واخذ منه سوزان بعد
ماجابت له هند بنته الحبيبه
وجاب امل من زوجته الاولى
وبكذا كملت عايلة ابومروان
العائله الاساسيه بالروايه
(حمد)..اخو(عبدالله) .ابو نايف وعايلتهم مكونه من
(نجوى)..ام نايف ربة منزل
(فهد) الكبير32سنه متزوج وعنده ولد
(نايف)عمره 26سنه يشتغل بشركة ابوه
(ياسمين)عمرها 21 سنه مخطوبه لمروان
(حسام) عمره 9سنوات
(سلمان)اخو(عبدالله وحمد) وعايلته مكونه من
صالحه (زوجة سلمان)ربة منزل
(سعاد)عمرها 25سنه متزوجه من فهد ولد عمها حمد
وعندها ولد منه
(فوزيه)اخت(عبدالله ,حمد,سلمان) متزوجه من رجال غريب عنهم
بس الكل كان موافق على الزواج
عندها
(وليد)عمره 26سنه غير متزوج يشتغل في شركات ابوه وخواله
(ولاء)عمرها 19سنه تدرس في الجامعه
(حنان) عمرها 8سنين
وهاذي هي العوائل كلها
وعلى راسهم
(الجده)ام الكل بس يوم تزوج عبدالله من السوريه
على حسب قولهم انها ماتنفع لولدهم والكل تزاعل مع
عبدالله وقاطعته كل العوائل حتى امه
وابو متعب خرج عنهم وشال عايلته معاه
وكون له شغله الخاص اللي ازدهر وصارت مجموعة
شركات.......
والحي ن اخليكم
مع اول جزء
(الجزء الاول)
(الفصل الاول)
عايشه بعد امها وابوها يتيمه ووحيده تحس الكل يكرهها
تلبس قناع الشموخ والكبرياء وعدم المبالاه قدامهم
واول ماتجلس مع نفسها ترجع هند البنت الخايفه
الباكيه المحتاجه ام او ابو او اخو او أي احد يحس باحساس
انها مسكينه وتحتاج أي احد يحن عليها
الكل يكرهها زوجة ابوها اخوها اختها
عمها عمتها جدتها تحس انها غريبه من بينهم بس لأنها
امها سوريه وابوها تزوجها بالغصب عنهم وعاندهم
كلهم........
(هند)..............
فراقك يمه هد حيلي وذبحني
ضعت بينهم حتى ابوي تركني
ليتني رحت معكم ولا بقيتوا معي
محتاجه لك يمه ودي تحضنيني
هند...يمه ..يمه.. ليه تركتيني من قبل مااشوفك حتى ليتك عندي
ليتني شفتك ليتني مت معك ولا بقيت كذا(استغفر الله)ا والله محتاجتكم
(متعب) هند..هنيد.. امي تناديك ماتسمعينها يللا بسرعه روحي لها
(هند) والله ماسمعتها..
(متعب)يالكذابه صوتها واصل للجيران وانتي تقولي ماسمعتيها
(هند) يااخي قلت لك ماسمعتها صدقت اهلا وسهلا ماصدقت عمرك ماتصدق ان شاء الله
(هند كانت تحب تبان قويه قدام الكل وانها ماهي متأثره بكرههم لها ومع انها من جوتها
محروقه من المعامله السيئه اللي تلقاها)
(متعب) انتي طويلة لسان وانا شكلي اللي بربيك ولا نسيتي ان امك السوريه ماتت قبل ماتشوفك
وابوي دلعك بزياده بس انا شكلي بعيد تربيتك
(هند)لوسمحت لاتجيب سيرة امي على لسانك فاهم؟؟
(متعب) ايش ماسمعت عيدي انتي جالسه تهدديني؟؟
(هند)(ردت بكل برود) كلام الملوك ماينعاد
(متعب)(كان مشتهي يضربها) وبداء يضرب فيها
(بس هند كان عندها الأمر عادي تعودت على الضرب من يوم مات ابوها يوم كانت في اولى
متوسط).....
(متعب)ههه كلام الملوك ماينعاد اخرتها تصفقتي ههه
(هند) ابعد عني يابرميل..اه(متعب كان مليان شوي)
(متعب)لا انتي بتجبين لي الجلطه اضربك وتتلسنين علي
(هند)ان شاء الله جلطه مؤبده يارب ياولد عايشه وافتك منك
(متعب)لا انتي مجنونه وكلامك يرفع ضغط الواحد لكن فيه خبر يهبل انشاالله يسكتك
(هند)افرح على خبر سكتت قلبك انشاالله
(متعب عرف ان مامنها فايده والكلام معها فاضي دايم هو وهند يدخلون حرب
وتوصل للضرب ومتعب يعامل هند كذا من يوم ابوها توفى وراح عن هند وتركها )
(هند كانت مستحيل تبكي قدامهم كانت تبي تبين انها قويه وماعليها من احد وماكانت
تشكي لاحد أي شي باللي فيها باستنثاء صديقتها سارهْ ودفاتر كانت مقرره من وفاة ابوها
انها تكتب كل صغيره وكبيره فيها وطبعا مابكت قدام مروان الايوم راحت غرفتها
نزلت كل القهر اللي فيها)
(طلعت هند من غرفتها وراحت المطبخ تشرب مويه وقابلت
ام متعب هناك)
(ام متعب) هااه..هنيد جاك الخبر
(هند)لاحول افتك من البرميل متعبوه وتجيني امه
(ام متعب)هنيد احترمي نفسك
.(هند) خاله بالله اتركيني في حالي ترى توي اكله علقه من ولدك مافيني
اتناقر مع احد
(ام متعب)احسن تستاهلين حلال اللي يسويه فيك متعب
(طالعت هند في ام متعب وعطتها نظره كلها شموخ وعزة نفس وجات بتطلع من
المطبخ بس.....)
(ام متعب ) وقفي هنا انا اكلمك
(هند) نعم خير خلصيني!!!
(ام متعب) تصدقين هند والله اني بشتاقلك واشتاق لطولة لسانك
(هند)خافت بس ماحبت تبين انها خايفه(وين بيحذفوني هذولي)
وين بروح ان شاء الله لايكون ناوين تقتلوني
(ام متعب) تصدقين الموت رحمه لك بس اللي بيصير لك
اقوى من كذا
(هند)>>>رجعت هند الخايفه وعيونها تعبت دموع>>>>خاله تكفين وش بيصير لي؟؟؟؟
(ام متعب) لا لاتخافين بس فيه عريس متقدم لك!!
(هند) نعم خير عيدي وش اتزوج !!
(ام متعب) ايه تزوجين!!! فيها شي؟؟؟
(هند) اول شي انا بعدني في ثالث ثانوي
ثاني شي انا مب موافقه على هالزواجه
(ام متعب) مب على كيفك اخوك بيكلم الرجال اليوم
والملكه الأسبوع الجاي
(هند) ياسلام ومحددين كل شي وانا ولا هنا
انا مب موافقه
(ام متعب) هنيد الكلام صار وخلاص ومافي أي تراجع
(هند) ومن عريس الغفله ان شاء الله؟؟؟
(ام متعب) العريس جارنا وتعرفينه تدرين من؟؟؟
انا اقولك (تقولها بأستمتاع)ابومحمد جارنا
(هند) نعم
ابومحمد اللي عنده ثلاث حريم ودرزن بزران
ونص بناته متزوجات!!!!لا والله مب موافقه
(ام متعب ) مب على كيفك اخوك غصب عنك بيملك للرجال
(هند) *عرفت وش تسوي بهالحاله*
شوفي اذا جدتي وعمامي وافقوا انا اوافق
(ام متعب) بس هم مالهم شغل اخوك عندك يكفي عنهم كلهم
(هند) انا قلت كلمتي وخلاص!!!وراحت عن ام مروان!!!
(هند كانت متأكده من عمامها وجدتها انهم بيرفضون
حتى لو كانوا يكرهونها بس مستحيل يرمونها الرميه هاذي)
(ام متعب) *تكلم اختها ام جود* وهم لهم نفس الطبع
الشرس....
(ام متعب)تصدقين هالهند حاسبه لكل شي
تدري ان جدتها وعمامها ماهم موافقين مدري وش اسوي معها...
(ام جود) طيب انا جبتلك خطه بس تنفذينها
(ام متعب) هاتي خلينا نشوف خططك ياام الخطط
(ام جود) اذا جات جدتها وعمامها تقولين لهم انها تكلم شباب وتخرج برى معهم
وان ابو محمد شافها وهي برى وحب يستر عليها
(ام متعب) بس حرام نتكلم بسمعة البنت
(ام جود)السالفه بتكون بينك وبين اهلها يعني مافي احد بينشرها
(ام متعب) كأنها اقتنعت** خلاص اذاجات العجوز وعيالها قلتلهم
(ام جود) خلاص عطيني الاخبار اول بأول مع السلامه
(ام متعب) مع السلامه
(ام متعب) السلام عليكم يعني ماتجون من نفسكم لازم احنا نطلبكم؟؟
(الجده) والله ياام متعب تدرين مشاغل الدنيا كيف متعب
وامل وحصه ماجاتكم الأيام هاذي من جده؟؟
(ام متعب)
والله الحمدلله كلنا بخير ناقصنا شوفتكم وحصه ماتقدر تجي زوجها مشغول
الأيام هاذي..
(ابو نايف) خير ياام متعي طلبتينا؟؟؟
(ام متعب)والله مدري وش اقول؟ او من وين ابداء الكلام
(الجده) اقول اخلصي ورانا مشاغل حنا
(ام متعب) هند تقدم لها عريس!!!
(الجده) بعدم اهتمام تتكلم** منهو تعرفونه
(ام متعب) ايه نعرفه وعز المعرفه بعد!!
وانتوا بعد تعرفونه
(نايف)
منهو ياخاله؟؟
(ام متعب)
ابو محمد جارنا
(الجده)مين؟؟؟؟
صاحيه انتي تشاورين على عريس مثل هاذا
صح انا مااحبها وامها هي اللي حرمتني من وليدي
في اخر ايامه بس عريس مثل هذا لالالا
(ام متعب) هذا عشانك ماتدرين هي وش مسويه؟؟؟؟
(حمد) خير ان شاء الله وش مسويه
(ام متعب) بصراحه هي ماهي تمام تكلم شباب وتخرج معهم وانا على نياتي
تقولي بروح لفلانه واقولها روحي وبيوم شافها ابو محمد
مع واحد من الشباب وقرر انه يستر عليها
(نايف) انا اكرم وافضل من الغريب استر على بنت عمي!!!
(ام متعب جلست تتحطم وتسب في خطتها والمخاطره
اللي سوتها)
(الجده) ليش يانايف انت ماتستاهل تظلم نفسك مع وحده مثلها مالك ذنب
تضيع حياتك مع بنت زيها بنت السوريه...
(نايف) ياجده الله يرضى عليك اللي يسمعك يقول بخليها على
ذمتي انا بس بتزوجها ثلاث اربع شهور بالكثير واطلقها...
(ابونايف تكلم بكل فخر) والله وطلعت قد تربيتي لك ياولدي
والنعم فيك وفي اخلاقك..
(الجده) نايف انت متأكد من قرارك؟؟؟
(نايف) ايه ياجده متأكد كل التأكيد..
(الجده) خلاص الملكه الخميس الجاي والزواج
بعده بشهر !!!
(ام متعب ماتكلمت)
(الجده) يللا ياحمد انت ونايف يللا بنروح
(هند) خاله وين جدتي..؟؟
(ام متعب) راحت جدتك مالت عليها
(هند) بدون ماتسلم علي ليه راحت والله اني مشتاقه لها ...
بس من عبوسك كذا ياخاله معناه ان جدتي رفضت ههه
ياحبي لها جدتي مع انها تكرهني
(ام متعب) ههه والله انك مسكينه صح رفضت ابو محمد
بس ملكتك الأسبوع الجاي على ولد عمك نايف ..
(هند) نعم
مب على كيفها تدور اثقل انسان على قلبي وتزوجني له
انا مب موافقه ولا نسيتي اني ماانغصب على شي
(ام متعب فرحت شوي لان هند صح ماتنغصب على شي)
خلاص شوفي التلفون عندك كلمي جدتك وشوي لك حل..
(هند)الو سلام عليكم...
(الجده) وعليكم السلام مين معي؟؟؟
(هند) انا هند ياجدتي
(الجده) قاطعتها نعم وش تبين متصله خير انا مو قلت تنسين ان لك اهل في الوجود
انتي وحده حرام تعيشين في الدنيا سودتي وجهنا الله يسود وجهك
(هند) اوف كل هذا في قلبك علي ياجدتي المهم
ترى انا مب موافقه على ولد ولدك هذا
(الجده) مو على كيفك الملكه الخميس الجاي رضيتي ولا انرضيتي
احمدي ربك ان نايف وافق يخطبك
(هند)
بس يا......سكرت الجده في وجهها
(هند) تحاول ماتبكي عند ام متعب] ان ماوريتكم مااكون هند بنت ابو هند
انا تقولي كذا >>> وراحت تجري لغرفتها وقفلت عليها الباب
وصارت تبكي وتبكي وطلعت كل اللي في قلبها
وبعد ماخلصت نوبة البكاء هند قالت لكل مشكله حل عند بنت ابو هند
هدت وجلست تفكر وتخطط وجات في بالها فكره
وصارت تضحك ضحك هستيري جبتها
وراحت تنطنط على السرير...
س ,ياترى وش هي الفكره اللي جات في بال هند؟؟
والملكه ماباقي لها إلا اسبوع؟؟
استنوني
ٍٍٍٍانته الفصل الاول من الجزء الأول ى
اتمنى يكون عجبكم وانتظر ردودكم