ليش أنا وش سويت

السلام عليكم ورحمة الله وبركاته
أخواتي في منتدى الفراشه .... عندي مشكله وأتمنى منكم مساعدتي في حلها
أنا متزوجه لي سنتين تقريبا ... ولله الحمد أعيش في راحه مع زوجي ولا أنكر هذي النعمه
وزوجي مو مقصر معي وموفر لي اللي أبغاه ...ما أنكر جميله معي
يكفي أنه متحمل دراستي وطلعتي من البيت
لكن المشكله
أنه في الفتره الأخيره من تقريبا خمسه أشهر صاير ما يخليني أروح لأهلي إلا قليل
ولما يجي نهاية الأسبوع وأصير متشوقه لشوفة أهلي يحاول يمنعني
مو يمنعني من الزياره صراحة ..لكن يدور أعذار تافهه علشان ما أروح
وليش بتروحين..توك شايفتهم الأسبوع الماضي ..أو اللي قبله
وإذا ما لقى عذر يقول بكره..ويروح اليوم ويقول بكره وكذا....كل يوم اليوم الثاني
أنا قلت يمكن يبغاني أجلس معه وأتفرغ له في هاليومين..لكن لا مو هذا السبب
لأنه يخليني في البيت لوحدي ويطلع مع أصحابه أو اخوانه
وأنا آكل في نفسي من القهر يعني لاهو اللي خلاني أزور أهلي ولا هو اللي جلس معي
كل مره أقول يمكن بس اليوم متضايق أو عنده مشكله في العمل أو شي
لكن المسأله استمرت ...وصرت أستحي من أهلي كل ما أكلمهم أو أروح لهم -بطلعة الروح-
يقولون ليش ما عاد نشوفك ومن زمان ما جيتي .. وش أقول زوجي رافض ؟؟
ماراح يصدقون لأن أخلاقه عاليه وأول ما كان كذا !!!
بل العكس تماما كان كل ما يجي يطلع أو يزور أصحابه يقول لي أنا طالع إذا تبغين أوديك عند أهلك ؟
ما أدري وش غيره صرت مجرد ما أجيب طاري أهلي يتعكر مزاجه
وإذا أصريت وألحيت عليه وداني وهو معصب ينزلي ويروح على طول
لا ويزعل هذاك اليوم كله ما يكلمني
ياربي وش السبب ؟؟
أنا ما قصرت معه في شي وهوبنفسه يقول هالكلام!!
قلت يمكن يكون بينه وبين أهلي مشكله والا شي ؟؟
لكن تأكدت أنه ما فيه أي مشاكل !!!
حتى أبوي الله يحفظه ويخليه لي ملاحظ هذا التغير ويحاول يلمح لي
أنو يا بنتي الحياة تبغى صبر والرجال يجيه ظروف لازم تتحملينه
أنا صابره ومتحمله وأحاول أقابل إساءته بالإحسان لكن أخاف الموضوع يتطور
ويصير يمنعني من أهلي نهائيا
آخرها اليوم طلع ألحين وخلاني في البيت ولا خلاني أروح لهم
الله يوفقكم ويسخر أزواجكم لكم ساعدوني..عطوني حل !!!
محتاره وماني عارفه كيف أحل المشكله