ليش تزفوني لقبري عاد ما ادري القصة حلوة ولا مو حلوة ماقريتها بس عجبني عنوانها و

الجزء الثاني
في المستشفى:
ظهر الدكتور من حجرة العمليات وتعابير ويهه ما تبشر بالخير : أحسن الله عزاكم , عظم الله أجرنا وأجركم.
الشباب صخوا كيف بيبلغونها بالخبر؟
خليفه : لا حول ولا قوة إلا بالله , أجرنا وأجرك .
( تم خليفه يطالع في الريم اللي قاعده بعيد عنهم تقرا قرآن وتدعي من الخاطر ) .
سلطان ) طالع الريم ورد يرمس الشباب ) : الله يستر .... كيف بنخبرها ؟
سعيد : أنا بتصرف .
سلطان : خلنا نحن نتصرف عن يورم غزك الثاني .
سعيد : فاللي ما يحفظه .
سلطان : إيه .. إيه ... لا تدعى ععمرك .
سعيد : أوه ) وسار صوب الريم ).
سعيد ...... 20 سنه ......يتيم الأبوين ........أبوه وأمه توفوا فحادث سياره ويوم بلغوه عن وفاتهم كان عمره 16 سنه .... وحيد ما عنده لا خوان ولا خوات ....... يعني" مقطوع من شجره " (مادري إذا المثل صح ولا لا ) .
سعبد : لو سمحتي إختي .
الريم : ما بسامحك ولا بعتذر عاللي سويته ) تقصد الطراق ) .
( الريم كانت ما ادمع أبد ) .
سعيد : أفضل ادقين حق حد من أهلج عسب تظهرون أكيد عمج ما يروم يسوق أحين.
الريم : مستحيل .....أنا وعدته إني ماخبر حد .
سعيد : بس إنتي مضطره .
الريم : إنزين بس بشرط .
سعيد : تفضلي .
الريم : أبا أجوفه أول .
سعيد .......كل شعره فجسمه وقفت " تبا تذبح عمرها ....يعني لازم أطبق اللي طبقوه علي قبل 4 سنين": بس .
الريم : خلاص عيل مابدق .
سعيد " صدق إنها ابدويه ......العناد فيها سمه " : دقايق إختي بجوف إذا يوافقون تدخلين أو لا .
الريم "" ما تيوون إلا بالعين الحمرا "" : أترياك الشيخ .
سار سعيد عند ربعه وكلموا الدكتور ووافق .
رد سعيد عند الريم : تفضلي إختي .
سارت الريم وياه لين دشوا حجره فيها جثة عمها.
الريم شلت الغطا عن ويهه: عمي
سعيد : الله يعظم أجرنا وأجرج .
الريم ....حبت عمها عراسه وإيده: عمي إيدك وايد بارده يوم بنرد البيت بتحس بدفوه.
سعيد ) منصدم ) : إختي ما يستوي إتمين هني .
الريم حرجت : عمي ......تفهم شو يعني عمي ولا ما تفهم ؟؟... يوم بيقوم برد وياه .
سعيد ) ياربي هاي مش مصدقه ).
دشت الممرضه : شو عم تعملوا هوني ؟
الريم : أتريا عمي يوم بينش بنرد البيت .
سعيد : موب راضيه اتصدق إنتي رمسيها يمكن تسمع منج ؟
الممرضه : حبيبتي , عمك منو هونا عمك عند الله بالجنه .
الريم ) تأشر ععمها ) : وهذا منوه ؟؟؟؟؟؟شبيهه ...... لا تفاولين ععمي مره ثانيه فال الله ولا هالفال .........
سعيد ) الله يصبرني ) : إختي شو رايج نسير نكتب ترخيص عمج من المستشفى وإنتي إدقين حق حد من أهلج لأنه مايروم يسوق.
الريم ) بكل ثقه ): أوكي ......... لوسمحت تلفونك .
سعيد عطاها تلفونه دقت حق واحد واللي صدم سعيد إنها ما صاحت : عمي شهاب ....أنا وعمي حميد استوالنا حادث ......لا لا لاتتروع الحمدالله الحادث بسيط .
سعيد) الله يرحمه ويعينكم .
الريم عطت سعيد التلفون : مشكور .
ظهرت الريم من الحجره سايره صوب الريسيبشن وسعيد سار عند ربعه .
خليفه : ها يا بوعسكور علامك متكدر شو استوى؟؟؟
سعيد : شو أقولك ؟؟؟آآآآآآآآآآه بس ...........موب راضيه تصدق إنه غاب وأنا كملت الجذبه بدال ما أقنعها .
زايد : الله يعينها ويصبر أهلها .
خليفه : أن توقعتها تنهار ..كنت أترياك تظهر تطلب ممرضات .
سعيد: وأنا بعد والله شراتك .
وصلوا شهاب +ذياب + مانع+نافع.
شهاب :وينه حميد ؟
نافع + مانع : ريامي وينه حميد ؟؟؟؟؟؟؟
الريم : مابلانا شي كلنا بخير ونعمه ........عمي عطوه مخدر والحين هو راقد .
وصلت الريم لين عند الشباب وقالت : هم السبب كانوا يبون يسابقون عمي .
تجدم سعيد منهم وخذا شهاب عطرف بعيد عنهم : أخوي عظم الله أجرك فخوك .
شهاب ) ما صدق ) : بس الحدث بسيط .
سعيد : نحمد ربنا إنها هي ظهرت منه سالمه .
شهاب تغرغرن عيونه دموع واتأكد إنه ربنا إختار أخوه ومحد يقدر يعارض هالشي.
الريم دشت ويا أعمامها الحجره ) كلهم الهم مرسوم على ويوههم.
الريم رفعت الغطا عن ويهه : يعني ما يفهمون كل ما أرفع الغطا يردون يحطونه .
دش شهاب وحب أخوه عراسه وظهر الريم من الحجره: ريامي .....( يبلع غصته ) شكثر تحبين حميد ؟
الريم: ماأحبه أموت فيه .
شهاب : عيل طلبيله الرحمه .
الريم : ليش ؟
شهاب ) ماكانت مستوعب.......... معقوله :
ريامي فديتج ........عمي راح ,,,, ربج إختاره .
الريم : والحفله ؟؟؟؟؟؟؟؟
شهاب ) خانته دموعه وإتأكد إنه بنت أخوه تحتاج فتره عسب تصدق .
البيت كان أسود واللي يجوفه يقول عنه بيت مهجور بس الصدق إنه الكل عايش فيه وفقلوبهم ذكرى إنسان غاب وترك صدى صوت ضحكاته . زعاقه . بكاه . ارتسامت بسمة شفاهه. غاب وغابت وياه ضحكة البيت ........... غاب وسرق فواد أمه ( أم سيف ) ..........غاب ومارحم عمر أبوه ( أبو سيف ) ...........غاب وترك الريم تايهه ماتعرف شو قاعد يستوي .......... غاب وترك آخر مابقاله من ريحة المرحومه أمه ( نافع + مانع + عليا ) ...... غاب وارتاح إنه هذيلا اللي عاش بينهم ......... وهذيلا اللي بيهد خوانه عندهم ............ وغاب وهو فقمة سعادته ....... شو يبا الواحد أكثر عن جي ......... تبرا أبوه منه وظمته عايله كبيره رحبتبه وبخوانه ......... عاش بينهم ولا حس بالفرق بينه وبينهم ........ حب الأهل .......... رضا الوالدين . شو يحتاج الإنسان غير جي؟؟؟؟؟ ( حدث واقعي ).
عليا إختهم وصلها الخبر بعد ساعه من وفاته ........ دخلت العنايه وولدت ولد سموه " حميد " .
مانع + نافع : كل واحد منهم أسوء من حال الثاني .
أم سيف وأبو سيف كانوا في حاله ما يعلم ابها غير ربنا ) صح مش ولدهم بس ربوه من عمره 6 سنين وفجأه يغيب عنهم شو بيكون شعورهم ؟) .
أم الريم واختها ( أم عبدالله ) كانوا منصدمين , خاصه وهم كلهم عايشين فنفس الحوي .
أحمد كان منهار تماما لأنه علاقته بحميد كانت وايد قويه بالرغم من فارق السن بينهم .
بعد يومين من وفاة حميد :
ذياب : الريم وينها ما جفتها من أمس .
مانع ) بصوت ضايع ) : أنا بسير أجوفها .
طلع مانع غرفتها وما لقاها عرف إنها فغرفة المرحوم (حميد)
............ تنهد يوم وقف جدام الباب .........تخيل إنه إذا دق الباب بيفجه أخوه ) مسح ويهه بيده ) أنا شو قاعد اخرف ).......الله يرحمه والله يصبرنا كلنا ويرحم حال أمي وابوي حالي أفضل عن حالهم ألف مره لازم أتصبر عسب أساندهم فهالمحنه .
دق الباب ودش ) شعر جسمه كله وقف يوم جاف الريم منسدحه عالشبريه تكتب وملامحها هاديه : هلا فديتج ( يبلع غصته ...لأنه الحجره كانت فيها ريحة عطر حميد المفضل .... أكيد الريم عطرتها ) .
الريم : ..........................................) تمت الريم ادور ورقه وكتبت " عمي رد ولا بعده ".
مانع ) ضاع عن باله إنها تقصد المرحوم بكلمة (عمي ): كلنا تحت .
الريم نزلت وهي مستانسه بس الوضع مثل ماهو أول ماوصلت جافت أمها قاعده فالصاله ادمع بهدوء ويوم قربت منها خذتها أمها فحظنها ولوت عليها وقعدت اتصيح من الخاطر .
أم الريم ....... كانت أقرب وحده لحميد.....(كانت تذكر اليوم اللي دش فيه حميد أول مره بيتها ) يوم عرست أبو الريم ( سيف ) ماكانوا شهاب وذياب موجودين أصلا وبعد سنه يابت عمتها شهاب وذياب وبعد ثمان اشهور دش سيف وهو حامل طفلين وولد ميوده من كندورته ويطالع المكان باستغراب .....ام سيف ربت مانع ونافع مع عيالها شهاب وذياب أما أم الريم كانت هي الحضن الدافي لحميد ( الله يرحمه ) ........تعبها يوم ربته لأنه كان وايد عنيد وكان كبير 6سنين موب شوي كل يوم والثاني : وين أمايه سارت ؟؟؟؟؟؟؟؟؟ ليش مايون عماتي ؟.؟؟؟؟؟؟ أنا ماعرفكم ليش قاعد عندكم ؟؟؟؟؟؟ إنتي تقربين لنا من أبوي ولا أمي ؟؟؟؟؟؟؟ ومليون سؤال وسؤال غيره .
استوعبت الريم إنه بعده مارد ......ردت حجرته ورقدت .........وقامت الريم والتفتت عدالها بشووق وحنين لكن للأسف اللي تترياه بعده ما يا ......... جافت الساعه لقتها خمس الفير ....تمسحت وصلت ودعت ربها إنه عمها يرد اليوم ...وبعدين نزلت قعدت في الصاله .......... نزل أحمد وجافها قاعده .
أحمد ) بصوت متقطع ) : ريام شو تسوين الحين قاعده برحج ؟
الريم ) كتبت فورقه ): أتريا عمي حميد .
أحمد انصعق ) تتريا حميد ؟.؟؟؟؟؟؟؟؟؟؟؟؟؟؟
قعد أحمد مجابل الريم : ريام فديتج كلنا نحب حميد بس ربج يحبه أكثر عنا ........ربج خذاه عسب يمتحنا ........... العبد الشاكر الصابر يتميز عن غيره فهالمواقف .
الكلام اللي قاله احمد مادش عقل الريم مول " ادخل الرمسه من اذن واتظهرها من الثانيه ".
أحمد : الغاليه إنتي تحبين حميد ولا لا ؟
الريم هزت راسها بالإيجاب .
أحمد : عيل قولي الله يرحمه ويغفرله اذنوبه .
الريم : ..............................
أحمد : لحظه
سار أحمد حجرته وياب صوره فيها صورته هو والريم وحميد .
أحمد : ريامي وين صورتج ؟؟
أشرت الريم على عمرها .
أحمد : وأنا ؟
الريم أشرت عليه فالصوره .
أحمد : وحميد ؟
الريم أشرت عليه .
أحمد : الحين إنتي وين ؟
الريم تأشر ععمرها .
أحمد : وأنا ؟
أشرت عليه .
أحمد : وحميد ؟
الريم ...فجأه تغيرت ملامحها...... وينه عمي حميد ؟ من يوم اندعمنا ما جفته ...ليش كان البيت ممزور رياييل وحريم من يومين ؟ ليش عمي ماظهر ؟
ليش أمايا ويدوه وكلهم يصيحوون من الخاطر؟ شو مستوي ؟؟ لا مستحيل ......... مستحيل ........ عمي حميد يكون سار وخلاني .
دش فهالحظه نافع ) آآآآآآه متى بترمسين وتريحيين فوادي المحروق يالريم ؟؟ متى ؟؟)
الريم تغرغرن عيونها دموع ودمعت.
أحمد : نافع الريم ادمع ..........ادمع.
نافع لوى عليها : رياامي حبيبي اتصيحين ؟
الريم انفجرت مره وحده : لا لا لا لا .........ع......عمي بعده حي ... أنا أحبه .....لييش سار ؟؟؟؟ ليش ........ لا ياعمي ليش وين اللي قال أنا بوقف وياج إذا حد غصبج عشي ماتبينه ؟...... وين اللي قال ما عليج من اللي يطنزون منج ويقولج معقده لأنج تبين تدرسين عربي ؟ ........ وين اللي قال أنا أخوج العود اللي راح؟ .......... وين اللي قال بعوضج عن اغياب أخوج واختج ؟ ...... وينها هالرمسه كلها ياعمي وين وين ؟؟؟؟؟؟؟ ما بشوفك بعد اليوم .............. آآآآه يا دنيا عاللي تسوينه........ليش احتفلت بموته فيوم ميلادي؟؟؟؟؟؟ ليش كانت هديتي عذاب وألم؟؟؟؟؟؟
جدران البيت اللي مابكت بعد غياب حميد بكت من كلمات ودموع الريم اللي كانت تحرق الأرض اللي اطيح عليها .
البيت اهتز واللي نام قام عصراخها اللي زلزل العين كلها .
شهاب خذاها من حضن نافع ) الحمدالله إنها رمست وصاحت ) الحمدالله ) لوى عليها شهاب وقعدت تصيح لين مانامت من كثر البجي والتعب.
بعد ما قامت الريم سارت حجرتها وظهرت الورقه اللي عطاها إياها عمها ( الله يرحمه )
إلى الغاليه : ......................................... الريم
ريامي أدري الكلام اللي بقوله صعب عليج ,أنا ماعرف إذا هالورقه بتوصلج والا لا , بس أتمنى توصلج .
الريم كنتي أغلى إنسانه فحياتي وأغلى بنت أخ ( أدري فيلسوف لأنج بنت أخوي الوحيده لا تغترين ههه) ضحكت الريم عهالجمله ....... أباج تهتمين فمانع ونافع مع اني أعرف إني لازم أوصيهم عليج مش العكس بس إنتي بضحكتج ورمستج تنسين الواحد همه ...... إنتي اللي تعرفين شو بلانا من نظراتنا .........إنتي اللي مافي منج فهالعالم إثنين ......... أعرف إني لو لفيت العالم أدور إخت شراتج مابلاقي .... وإني لو درت العالم ألف مره أدور حظن وعايله أدفى منكم ما بلاقي ............ بس نافع ومانع والوالد والوالده لا تكدروهم وصيتي هاي هي وصيتي ..... سلمي عأمج وايد وقوليلها حميد يقول : ثرييتيلي ثو؟ أمج بتفهم الرمسه ....أحبكم وايد .......... ريامي قولي لساره : وفاتي ما تعني إنه العالم وقف لا نهايتي تعني إنها لازم توقف ....... الضربه اللي ما تجتل تقوي ......قوليلها إنه وصيتي فيها : تعرس بعدي . أحبكم وايد .
أخوج وعمج المحب دوما : حميد
صاحت الريم اليوم للمره الألف بعد المئه .
ملاحظه : العائله كلها عايشه فحوي واحد فيها أربع بيوت ثلاث فلل محوطه البيت الشعبي مال الوالد والوالده .
ملاحظه : حميد كان مالج على وحده من عايله ثانيه خذها بعد قصه (تنقع من الضحك بتعرفونها فالأجزاء اليايه (
نرد للقصه :
فهاللحظه أحمد دش الصاله : منو خذا عقل الحلوين ؟؟؟؟؟
انقطع حبل أفكار الريم وذكرياتها اللي عاشتها : رجعت سنه لورا.
أحمد بنظره حانيه : الله يرحمه .
الريم : الله يرحمه ويرحم الجميع
أحمد : موب كافي دموع ؟
الريم : شو تقصد ؟
أحمد : يعني لازم نفرح.
الريم استحت من هالطاري: بس.
أحمد : لا بس ولا شي عالأقل خطوبه.
دش شهاب الصاله : منو بيخطب؟
أحمد: أنا........بس ماعرف متى .
شهاب: منو تعيسة الحظ ؟
أحمد : تعيسة الحظ حرمتك يالجربان.
شهاب : أوكي ...هي من العايله ؟
أحمد ابتسم وهو يناظر الريم : هيه .
شهاب : أعرفها ؟
أحمد : صدج دمك ثجيل ... لا بتتعرف عليها .....أقولك من العايله.
شهاب : أها.
أحمد : لاغتمك تستخف دمك .
الريم قعدت تضحك عليهم وعلى خبالهم.
دشت أم الريم الصاله : علني ما خلا من هالضحكه .
قامت الريم وحبت أمها عراسها .
أحمد : عموه جوفي هالمزعج مسويلي تحقيق.
شهاب : ماكون ولد معضد وسعاد إن ما فظحتك .
أحمد : ليش تفضحني أصلا عموه أول وحده بتعرف.
أم الريم : شو بلاكم ياعيالي؟
محمد من الطابق الثاني : أماه
أم الريم : هلا يما أنا هني فوق تعال يما.
محمد دش الصاله : شو بلاكم ؟
شهاب : أقول .
أحمد : قول .
شهاب: عموه.
أم الريم : عونك يالغالي .
شهاب:ولد أخوج يبا يناسب .
أم الريم صخت .
أحمد : عمتيا شو بلاج؟
أم الريم : ماشي يايما بس تذكرت المرحوم وهو ياي يقولي إنت كنت تقوله بفضحك وهو كان يقول أمايا أصلا أول وحده بتعرف ( وغصت ).
محمد بغا يغير الجو :أف.
شهاب : مسود الويه عيب استح عويهك تتأفف جدام أمك .
محمد : طاعوا بس إنتو والله إني ماجفت غيور شراته ...... ليش يعني اخترت ترمس اليوم بالذات ؟
أحمد : بلا أي مناسبات .
محمد : جفتي يما هذا اللي أونه تقولين حسبة ولدج يجذب.
أحمد : بسم الله عليك اقرب هني بجوف حرارتك مرتفعه ولا منخفضه .
محمد : لا الحمدالله أنا مابلاني شي يالجذاب.
أم الريم : عيب يا يما اللي تقوله .
محمد : أوكي إنتو احكموا بانفسكم ........تبوني أقولكم ليش ناس رمسوا اليوم ؟؟؟؟؟؟؟
الكل: هيه نبا .
محمد: لأنه عيد ميلادي ال13 بعد باجر فهو يسرق الأضواء.
أم الريم : أشهد إنك ينيت وقعدت .
محمد متحرطم : كنت أباج عون اس......................
أبو الريم : سمعت طاري عيد ميلاد شالسالفه؟
محمد عطا الكل نظره حاره .
محمد : ماشي الغالي كنا نرمس عن أعيادالميلاد مالت النصارى.
أبو الريم : زين عيل بعد اشوي بييكم عبدالله .
الريم تغير لونها وانطفى" الله ينطبك .........أكره هالإنسان أكرهه"
أحمد اللي دش في القصه فجأه هل بيكون له دور مهم ؟
ليش الريم تكره عبدالله ولد عمها ؟

جزاكي الله خير
القصه مررا روعه كمليها نستناكي

مشكوره أختي يلا كملي القصه
لا تطولي علينا القصه روعه تراني انتظرعلى احر من الجمر

مشكورة في انتظار البقية...

القصة رائعة يأسماء الكويت
وسبق اني قريتها
يعطيك العافيه

تسلمين ويعطيك ألف عافيه

هاي اشلونكم شخباركم كل عام وانتو بخير هاكم هذي العيدية تكملة القصة ان شالله بحاول اليوم بنزل الاجزاء كاملة كلها
الحين وصلنا للجزء الثالث
أبو الريم : زين عيل بعد اشوي بييكم عبدالله .
الريم تغير لونها وانطفى" الله ينطبك .........أكره هالإنسان أكرهه"
أحمد اللي دش في القصه فجأه هل بيكون له دور مهم ؟
ليش الريم تكره عبدالله ولد عمها ؟
ما مرت دقايق إلا وعبدالله داش الصاله : بو أحلى مفاجأه لا ؟
الريم " ويهالويه " .
أم الريم : فديتك يا عبود يا ولدي .
عبدالله حب إيد خالته وراسها : يعلني ما خلا من شوفتج يالغاليه .
عبدالله يوجه كلامه لعمه سيف : مشكور عمي سيف .
أبو الريم : عشو ؟
عبدالله : منو قدي عمي ماخذ خالتي وأبوي ماخذ إختها ؟
أبو الريم وأم الريم قعدوا يضحكون عخبال عبدالله .
عبدالله : شحالج ريامي .
الريم (بظيج ) : بخير ... عساك بخير ؟
عبدالله استغل وجود عمه وخالته خاصه إنه عمره الحين 17 سنه ) وعرف إنه بنت عمه محيره حقه ) وعاد إنتو عليكم تتخيلون خباله يوم درى ): بشوفتج الغاليه .
أحمد كان متغيظ وخاطره يظهر عبدالله ولا يكفخه : شو رايكم ننزل حق عمي حمد .
عبدالله : أبوي قالي أقولكم اليوم العشا فالبيت العود في موضوع مهم يبا يرمس فيه ويبا الكل موجود .
أم الريم : عسا ما شر .
أبو الريم : لا ماعليه بتعرفون بعدين........المهم لا تتروعون مااستوى شي جايد .
بعد المغرب :
فلاح كان قاعد في الصاله اللي فبيتهم يلعب عالكمبيوتر ويا عبيد .
الريم دشت بهدوء وحطت إيدها ععيون فلاح ) وايد تعزه ).
فلاح بظحكه : لازم تفظحين عمرج بالعطر اللي حاطتنه ؟
عبيد ظحك : البنات مقصه .
الريم : محد مقصه غيرك .
الريم بطلت شعرها وانسدحت ) عادي عندهم أهل البيت تظهر لهم من دون شيله : شو اتسوون .
عبيد : ما يخصج .
الريم : أغبياء .
فلاح : ما عليه مشكوره الإخت ايي منج أكثر .
الريم بطرف عينها : اجلب ويهك وايد ماخذ مقصه فعمرك .
شوي صوت اصياح شال البيت بكبره .
عبيد : اف قام حشرة امه .
الريم : اف منك ومن رمستك .
وسارت تييب تيم .
الإسم وايد غريب بس حلو ) منو ما عيبه الإسم ؟).
الريم : فديتك يعلني ماخلا منك قول آمين .
تيم : آآآآآآآآآآآآآآآآنين .
فلاح : فديت هالصوت وراعيه .
تيم يضحك من دون مايفهم .
الريم : شواسمك ؟
تيم : إثمي تيم حند ال......
( يشد على الحرف اللي في الوسط من الأسماء )
الريم : لا لا غلط .
تيم : ناقيته ناقيته اثمي ام ام ) لا قيته ....لاقيته إسمي أم أم .
الريم : صح .
دشت أم عبدالله عليهم وقامت الريم تسلم وعطتها تيم .
أم عبد الله : وين أمج فديتج ؟
الريم : أكيد فبيتنا العود.
أم عبدالله: يالله قوموا فديتكم أنا بسير قبلكم لا تتأخرون .
الجميع: إن شاء الله .
في البيت العود :
عبدالله ) شكله كان ضايج ) : ريامي بغيتج فكلمة راس بكون فالحوي .
الريم ) بنظرة احتقار : إحلم أنا الريم بنت سيف ترمس واحد شراتك بروحها من دون حسيب ولا رقيب .
عبداله ) ميود اعصابه ) : الريم استحي عويهج يوم ترمسيني وبعدين ليش هالرسميه تراج تقعدين مع أحمدوه ورشود بروحج من دون حسيب ولا رقيب عقولتج .
الريم ) : لا تقارن عمرك ابهم .
عبدالله (بنبرة رجاء) :يابنت العم دقيت باببج طالب تسمعيني
الريم ) : ماودي أهينك وما أرضى لك بالذل والمهاني
عبدالله : دام ماترضينها علي تفضلي .
الريم مشت جدامه وهي منصدمه شو يبا بالضبط ؟
عبد الله قعد داخل الخيمه :ريام .
الريم : خير .
عبدالله : لين متى بتمين جي ؟
الريم : لين ماتفكني .
عبدالله : عايبنج الوضع ؟
الريم : إنت غلط يا أستاذ وتحمل اللي اييك .
عبدالله : ريام .........مر عالرمسه اللي قلتها سنه وشهرين وبعدج ماخذه فخاطرج ؟
الريم (تضحك باستهزاء ) : لا والله شو يخص المده بالجرح ؟؟ولا تتحسبني كنت ياهل ما أفهم شي ؟........ يكون في علمك عسب لا تنذل أكثر عن جي.......... إنساني يا ولد العم تعرف شو يعني تنساني .......... لا تتحسب إني ما عرف شي عن سالفتنا ..... الغبي بيفهم نغزات يدوه وأمايا وجملك الغزليه الصريحه من دون حيا ولا مستحا ومحد يروم يغصبني عشي أنا ما أباه .
عبدالله ) إنصدم منها بس مابين هالشي: ألف مره قلت آسف .
الريم : وين أصرفها هاي بعد ؟ أونك قلت آسف ....... بعد شو ؟ بعد ماهدمت اللي بينا سوري ............ ماأقبل مليون إعتذار . شي ثاني ؟( بتقوم )
عبدالله : ودري الكره اللي فقلبج .
الريم : مايخصك ( وسارت )
دشت الريم البيت وجافت أنه الوضع متكهرب .
الريم : فلاحو شو مستوي .
فلاح : ماشي بس بننتقل .
الريم " فكه من هالعبدالله اللي ابتليتبه ........ بس لا عمي حمد بيسير وخالوه عهود بتسير وأم أم فديته وفلاح وعبيد وأسووم ...... لا لا حرام "
الريم تشهق : ليش؟؟؟؟؟
سارت ركض عالميلس : السلام عليكم .
الكل : وعليكم السلام والرحمه .
سارت قعدت عند عمها حمد : عمي
أبو عبدالله : هلا فديتج .
الربم : ترضى حد يضايجني ولا يزعلني ؟
أبو عبدالله : لا فديتج ما أرضى ...... أرضاها ععيالي ولا أرضاها عليج.
الريم : عيل لا تسير بوظبي وتهدنا مع منو أنا بلعب ولا أضايج منو؟
أبو عبدالله : بتتعودين فديتج المسأله كلها مسألة وقت موب أكثر.
الريم : عراحتك عمي بس أنا مضايجه وما أباك تهدنا وتسير ) لوت غلى عمها ) ودموعها نزلت عدخلت عبدالله ).
عبدالله ) منو زعلها والله بذبحه كله ولا ادموعها )
أحمد ) فديتج ريامي بسج صياح ).
الريم : لا عمي لا تسير بعدين حمود وأسوم بيضايجون كيف انفرقهم حرام ............ وفلاحو أموت عليه أنا...... بوله عسوالفه وعبيد المزعج كيف بيستوي بيتنا بعده؟ حتى هالمفعوص هذا اللي صوته يوم يصيح يشل العين بكبرها بنوله عصياحه وصوته المزعج .......... وعبادي ) كانت هاي أول مره تقولها من سنه جدامه " ما كانت تعرف إنه وراها " منو بيصبر على طولة لساني شراته ؟؟؟؟؟ صح ينرفزني بس له غلا خاص شرات كل واحد .
عبدالله ) بغا يموت من الفرح وده يطير " ياربي الله يعينك يا قلبي ياللي ذبت فهوى بنت عمك آآآآآآآآآآآه ه ه ه بس بعق عمري من يبل حفيت .
أبو الريم خلونا نسير الصاله عسب نعلن الإعلان الثاني .
الريم : بس خلاص باباتي أخباركم إنتو الرياييل موب حلوه كلها احزان .
أبو الريم + أبو عبدالله : بيضيع عليج نص عمرج إن ماسمعتي الخبر الثاني .
الريم : أمري لله لمنو بعد بشكي ؟؟؟؟ يالله .
تقدمت الريم وسارت قبلهم للصاله : احم احم .
( دشوا الرياييل والشباب )
الريم : سيداتي ....سادتي ....... آنساتي ( أنا الوحيده البنيه عن ينتبهون بس ) .
عبيد : ههه حوه إنتي الوحيده الآنسه .
الريم ) أوه إنتبه هذا الله يستر عليه شو بيفججني من لسانه الحين ) .
الريم ) كملت جنها ما سمعت شي : أزواج نسائنا وآبائنا يريدون أن ينقلوا لكم القنبلة الثانية ........ تفضلوا ........ الدور عندكم .
أبو الريم : بيتنا اللي فالمزرعه جهز وباجر بنسير .
الكل قعد يستوعب الرمسه اللي انسمعت لأنه الريايل قالوا إنا البيت بينتهي بعد سنه .
الريم : ما صدق ............ واو إجازه حلوه .
شهاب : شوي شوي بليز .
ذياب : من الحين أقولكم اللي قلبه حديد إيي وياي لأني بخبلبكم .
الريم : ماعليه حلال باجر عيد وأنا أصلا ما أخاف .
عبيد : عمي طلبتك طلبه لا تردني يا عمي أرجوك.
عبيد كانت نبرته كلها رجاء وحزن .
أبو الريم : عسى ماشر ياولدي شو في خاطرك ؟
عبيد : يا عمي جان ماتباني أمووت باجر ما أبا أكون أنا وبنتك فنفس السياره ........... ثعبان متنكر بشكل إنسان .
الريم بطرف عينها : منهو الثعبان يالتعبان ؟
عبيد : إنتي منو غيرج ؟؟؟؟؟؟؟؟؟؟
الريم : متأكد ؟؟؟؟؟؟؟؟ ...........كلمة ريال ؟؟؟؟؟؟؟؟؟؟؟
عبيد : لا كلمة مره .
الريم ) سارتله ركض وهو أطلق ساقيه تسابق الريح ) عقولتهم ) .
أم سيف : الله لا حرمني منهم .
أبو سيف : عيل خلونا نزهب أغراضنا ونرتاح عسب باجر من الصبح نسري .
كل واحد سار بيته يعدل أغراضه والريم وعبيد بعدهم يلاحقوون بعض .
أحمد ظهرلهم بعد ما سمع جحة الريم تعلى : ريام ........عبيد تعالوا هني بسرعه .
الريم : كح كح ........ عبيدن كح كح أح كح كح أحمدوه يبانا .
أحمد معصب : دشي داخل اتسبحي وخذي دواج .
سارت الريم متروعه منه .
عبيد : ليش تزاعق ؟؟؟؟؟؟؟؟؟؟
أحمد : تبي تنفد بنت عمك يالغبي ؟؟؟؟؟؟
عبيد ) ياربي كيف نسيت ؟): السموحه أحمدوه ماكنت قاصد والله ......إني نسيت حالتها .
أحمد )ياخذ نفس ويتنهد من الخاطر ): لا ماعليه بس لاتنسى مره ثانيه .
الريم سمعت كل الرمسه ) يعني اللي ماباه فيني ).
سارت الريم تتسبح وبدلت ونزلت .
الريم : هلا عمي نافع ......
نافع : أهلين.
الريم : بلاك عمي .؟؟؟؟؟؟؟؟؟؟ منو ضايجك ؟؟؟؟؟؟؟؟
نافع : محد .
الريم عطته كوب نسكافيه : قص عهنديه موب علي .
نافع ) غصبن عنه ضحك من رمستها : ما شي بس ما أبا أسير ليوا .
الريم : أعرف ليش ماتبا تسير . ......... بالطقاق خلهم يولون لو أن فكرت ابهم ما كنت حياتي سرت .
نافع : ماخاف منهم بس ما أبا أغلط عحد منهم .
الريم : صراحه ........... أنا ما أهتم إذا حد ضايجني و غلط هلي بغلط .
نافع : بس أبوج يحرج وانا مأبا أضايجه.
الريم : توكل على الله وما عليك هونها بتهون .
نافع ) بابتسامه فيها خبث : بطلب منج طلب إذا كنتي ذكيه تعرفينه .
الريم : من دون تفكير إنت الحين لازم تسير تتليس وتتكشخ وتظهر تودع العين موول لمدة أسبوع وأنا أزهبلك أغراضك .
نافع : ربحتي مليون ريال ........ المقدم : نافع ال......
الريم : ههه إنزين سير ولا لابيحشرنا ربيعك سلطان .
نافع : باي .
الريم : بايات .
سارت الريم تزهب أغراض عمها) الله كم ترييت هالبيت ياعمي وما جفته ) نزلت دمعه ومشتها بسرعه ) الله يرحمك ياربي ) من زمان ما رمست سارووه الدبه برمسها قبل ما أرقد .
خلصت الريم أغراض أعمامها وأغراضها وحطتهم في الصاله .
سارت ودقت حق ساره .
ساره : السلام عليكم .
الريم : وعليكم السلام والرحمه .
ساره : هلا فديتج شحالج وشحال الاهل؟
الريم : الحمدالله كلنا بخير ... إنتو شحالكم؟
ساره : الحمدالله بخير ..إلا ننشد عنكم.
الريم : تنشد عنج العافيه فديتج ....... أقول ساروه مبروك.
ساره )غصت ) : عشو تباركيلي ؟؟؟ وصاحت
الريم ) يعلك الحش يا لسان الريم بيت سيف : ليش الصياح ساروه ؟؟؟؟؟؟؟ حرتم عليج عروس .
ساره : والله إنج ماتعرفينه ولد عمي جان تعرفين عنه وعن سواياه ما قلتي جي .
الريم : بيحشمج ويداريج إنتي من لحمه ودمه .
ساره : اللع يستر بس .
الريم : ما أروم أطول وياج الغاليه .......... بغيت أقولج إنه نحن باجر بنسير ليوا بيتنا جاهز .
ساره : تروحون وتردون بالسلامه سلمي من صوبج .
الريم : وإنتي بعد ...........تصبحين على خير.
الساعه 11:30 الليل .
الريم : ياربي هذيلا وين ساروا ؟
رقدت الريم من دون ما تنتبه .
الساعه 1:25.
ذياب : ريامي ........ريمو ...........الريم .
الريم : هلا عمي .
ذياب : قومي سيري ارقدي فحجرتج .
الريم : إن شاء الله .
الساعه 5:00
أبو الريم : ريامي ...زغناتي قومي صلاة الفير .
الريم : هلا باباتي ........ خلاص وعيت .
قامت الريم تمسحت وصلت .
الريم : مافيني رقاد شو أسوي ؟؟؟؟
سارت الريم تسبحت وبدلت وقعدت فالصاله بعباتها وشيلتها .
أحمد + مانع : بسم الله الرحمن الرحيم .
أحمد : شو تسوين هني من الصبح بعباتج وشيلتج ؟
الريم : أتريا حظراتكم ولا كنسلتوا السيره ؟؟؟؟؟؟؟؟؟؟؟
أحمد : لا ما كنسلناها بس توها 6:30 .
الريم : للأسف مافيني صبر أول سياره بتتحرك بسير وياها .
أحمد : أنا أول واحد بيسير بسير بعد نص ساعه .
الريم : عيل زهب عمرك .
أحمد : مايحتاي .
الريم : ليش ؟؟؟؟؟؟؟؟؟
أحمد : أبوج ما بيوافق.
الريم : why؟؟؟؟؟؟؟؟؟؟
أحمد : لأنه ربيعي بيي وياي .
الريم : السموحه أستاذ أحمد إعتذر من ربيعك وقوله عندي ظروف ما أروم آخذك وياي .
مانع : ريام بسج .
الريم : سكتت ( شو بلاه عمي .؟؟؟؟؟؟؟؟؟؟؟؟؟ )
تحركت العايله كلها صوب ليوا .
يوم دشوا المزرعه :
الريم : اله .
محمد : تشهدي عن تحسدينا " صدج إن قالوا ماحسد ماله إلا أصحابه "
الريم :أشهد أن لا إله إلا الله ........ لاتخاف عيوني موب حاره .
محمد : واضح .
يوم دشوا البيت : وين غرفتي ؟.؟؟؟؟؟؟؟؟؟؟؟؟؟
مبارك : السلام عليكم .......... الناس يسلمون أول .........
الريم استحت ووايهت عمها : مشتاقتلك وايد وايد عمي مبارك ومشتاقه حق المفعوص ولدك : سعدان .
مبارك : محد سعدان غيرج .............. اسمه سعيد .
مبارك .............. 26 سنه ............ كان معرس بس حرمته ماتت يوم ولة سعيد ولده ............ عاش إنطوائي بعد وفاتها ........... عاف الدنيا كلها بعدها ........... ولده أهم شي بالنسبه له .( عايش في ليوا ).
سعيد : هلا والله بهل العين هلا .
الريم : هلا بولد عمي وسلمت عليه .
سعيد ............. 5 سنوات ونص ............. ماشاالله اللي يسمعه يقول واحد عمره 20 سنه .
سلموا عالكل وكل ولحد سار يرتاح أما الريم كانت شعله من النشاط ) ماشالله ) .
سارت الريم ادور حد واعي ........... وجافت أحمد يرمس تلفون من فوق " وأخيرا حد نشيط "
الريم : هلا ولد خالي .
أحمد : ها هيه هيه أرمسك بعدين عيسى ...... إنتبه ععمرك .....مع السلامه الغالي .
الريم حست بالنار فيوفها ) يرمس منو ؟ ) : كنت ترمس ربيعك .
أحمد : هيه ماسمعتيني أقوله عيسى .؟؟؟؟؟؟؟؟؟
الريم : سمعت وسمعتك تقول وإنت متلعث ...هيه هيه أرمسك بعدين عيسى.
أحمد : شو رايج نحوط فالمزرعه ؟
الريم : أبا أتحوط فيها بروحي .
أحمد : كيفج .
الريم سارت تمشي في المزرعه وماانتبهت للوقت ) ليش ياربي حتى هو يرمس بنات .......... أوه ليش كل الأولاد جي ؟؟؟؟؟؟ أف وأنا شو يخصني ....... خله يرمس ألف وحده . منو كنت أنا عسب أحاسبه عأغلاطه ؟؟؟؟؟؟؟؟ كيف مايخصني وأنا بنت عمته ؟ كيف مايخصني وهو عايش وياي ؟؟؟؟؟؟؟؟؟ كيف ما يخصني وأنا أحبه ؟؟؟؟؟؟؟؟ شو ؟؟؟ أحبه ؟؟؟؟؟؟ لا لا لا ماأحبه هو شرات حمود وأسوم وفلاح وعبيد وراشد وكلهم مافي فرق بينهم .......... مافي فرق .... مافي فرق ........ كيف مافي فرق ؟؟؟؟؟؟؟؟ أوه أنا أكيد بديت أخرف أحسن لي أرد البيت .
ردت الريم البيت والوضع مثل ماهو ماتغير .
دشت الصاله لقت واحد قاعد .......
الريم " أف ورانا ورانا حتى هنيه "
طلال: هلا بنت العم شحالج ؟
الريم " عدلت شيلتها " الحمدالله بخير عساك مرتاح ؟
طلال : الحمدالله ,,, إلا وين بقايا العايله ؟.( يقصد نافع ومانع )
الريم : الباب يوسع لالف وياك ...... يوم بدش بيت الناس حشم .... واثمن رمستك .
طلال : ماقلت شي غلط .
الريم : طلالو ........ يا ولد السوسه استح عويهك هاذيلا اعمامك.
طلال : سوري ما عندي أعمام من الشارع .
الريم : جب يالخايس ...يسونك ويسون أمك وكل أهلك .
طلال : قصيتوا عليهم وصدقتوا المقصه .ههه.
الريم : طلالو لا تخليني أسوي شي ماأباه .
طلال : خلينيي أخمن بتخبرين حد ........ عادي .
الريم كانت ميوده كوب ماي بارد وكان من نصيب ويه طلال .
طلال شهق من برودة الماي وعطاها كف .
الريم : برع ......برع بيتنا يالحيوان ,,,,,,, برع .
طلال ) أنا ليش ظربتها ياربي ليش ؟
( سار طلال وتمت الريم تلعنه وتتحلفله بيوم وفاته ) .
عبدالله نازل من فوق : ريام ما أروم أيود عمري ......... أنا أحبج .
ظنكم الشعور اللي تحسبه الريم تجاه أحمد أخوي ولا شي ثاني ؟
شو المشكله اللي بين عبد الله والريم ؟
شو بيستوي لطلال ؟
شو تتوقعون يستوي في الجزء الرابع ؟

الجزء الرابع
الريم كانت ميوده كوب ماي بارد وكان من نصيب ويه طلال .
طلال شهق من برودة الماي وعطاها كف .
الريم : برع ......برع بيتنا يالحيوان ,,,,,,, برع .
طلال ) أنا ليش ظربتها ياربي ليش ؟
( سار طلال وتمت الريم تلعنه وتتحلفله بيوم وفاته ) .
عبدالله نازل من فوق : ريام ما أروم أيود عمري ......... أنا أحبج .
الريم ) طاف : ويعني؟
عبدالله : شو اللي يعني ؟
الريم : عبدالله وبعدين معاك .....قتلك ألف مره أكرهك ..... ماأباك ليش تييب اروحك المشاكل ......... ليش بالذات أنا ؟
عبدالله) أستاهل كل حرف تقوله : كيف قلبي .....هب كيفي.... الريم أنا ما بهدج وبتم أحبج لين آخر لحظه في حياتي ولو أعيش طول عمري عذاب بسبتج بيكون أحلى عذاب وما بتمناه يبعد عني .
الريم ) إنت يبتها لعمرك ......... تحمل اللي بييك).
عبيد نازل من فوق : شو تسوون .
عبدالله) بطرف عين : شو تشووفنا نسوي ؟؟؟؟؟ نرقص؟؟؟
عبيد : لا .................................. تغنون.
الريم : عبيد وينه فلاح ؟؟؟؟
عبيد: بعده راقد .
الريم : بقوم بسويله ريوق ما كلا شي وبعد شوي وقت دواه .
( سارت الريم تسويله الريوق وسارت فوق ).
الريم ) توعي فلاح ) : فلاح فديتك قوم .........فلاح الغالي .
فلاح ) بابتسامه يغلب عليها خوف مراهق عرف نهايته قبل ماتبتدي حياته ) : هلا ريامي .
الريم : يلا بنتريق .
فلاح : عشر دقايق وانا عندج .
الريم : أترياك .
قعدت الريم في الصاله وبعد خمس دقايق ظهر أحمد من حجرته .
أحمد : يوعان .
الريم : تفضل ..........
أحمد : عادي .
عبيد )طالع : لا خصوصي .
الريم : ههه .
أحمد : عنلاتك أرمس بنت عمتيا كيفي .
عبيد: بنت عمي أنا كيفي .
أحمد : غبي .
عبيد : إنت أغبى .
أحمد : دمك ثجيل .
عبيد : إنت أثجل .
الريم : بس ........... حشا ولا جنكم رياييل بسكم حشرتوونا .
أحمد ) عاقد حياته : شو مسويه بعمرج ؟؟؟؟؟
الريم : ماسويت شي .
أحمد : ليش غزج منتفخ جي ؟
الريم حطت إيدها عخدها ) آآه منك يا طلال والله إنه عورني بس مش أنا اللي بصيح جدامه ........... ما عليه بترد له فيوم : لا ماشي ظرسي يعورني .
أم سيف ظاهره من حجرتها : السلام عليكم
الجميع : السلام عليكم والرحمه .( وقاموا يسلمون عليها )
أم سيف : عيل وين الباجيين ؟
الريم : بعدهم رقود .
أم سيف : سيري وعي اعمامج خلاص خاسوا الساعه الحين 11 ونص .
الريم : إنشاءالله .
( سارت الريم توعي أعمامها )
ردت الريم عندهم وجافتهم يتريقون .
فلاح : الحمدلله.
الريم : دواك .
فلاح : الحين باخذه .
سارت الريم وياه الحجره .
فلاح قاعد عالشبريه وياخذ الأدويه مالته .
الريم : الله يشافيك ..
فلاح بحزن : آمين .
الريم : شو بلاك فلاح؟
فلاح : ماشي بس خايف.
الريم: خايف من شو ؟
فلاح : خايف أبعد عنكم عن أمايا وابويا عنج وعن عبود عن الكل بدون استثناء .
الريم : ليش هالتشائم ؟
فلاح : موب متشائم بس النتائج كلها ما تبشر بالخير ونسبة الحياه بسيطه .
الريم : إحمد ربك يا فلاح غيرك يتمناها هالنسبه .
فلاح : الحمدالله على كل حال .
الريم : شو تقول عن اللي عندهم أمراض ما تخوز عنهم ؟؟
فلاح : الله يعينهم ويصبرهم .
الريم : جوف عالأقل حواليك ...... أمايا عندها الصرع ...... أبويا عنده مشاكل في النظر ..... راشد عنده الربو ......... أخوك عبدالله عنده إلتهاب في الصدر .......... أنا ) وسكتت ) ( رفع عينه فلاح ) .
فلاح : شو بلاج الريم ؟؟
الريم : فلاح إنت أول واحد تعرف إني أنا أعرف.... أنا فيني السل .
فلاح : شو؟؟؟؟؟؟؟؟؟؟؟
الريم : فيني السل سمعت عبيد وأحمدوه يرمسوون .
فلاح : صدج إن قالوا جوف مصايب غيرك تهون عليك مصايبك .
الريم : ما أجذب عليك ودي أصيح بس شو بيفيدني ؟؟؟؟؟؟ ماشي .
فلاح : ريام بسألج سؤال؟
الريم : تفضل .
فلاح : شو سالفة عمي نافع وعمي مانع وعموه علايا؟
الريم : منو قالك إنه عندهم سالفه ؟
فلاح : أمس توني إكتشفت إنهم موب عيال يدوه .
الريم : غباء بينهم وبين عمي شهاب وعمي ذياب ثمانيه شهور .
فلاح : وانا شو دراني ؟؟؟؟ بعدين أنا دومني قاعد فبيتنا عالنت أو عالتلفزيون .
الريم : تستاهل بس بقولك .
فلاح ) سأل هالسؤال عسب يغير مزاج الريم ) .
الريم : يوم كانوا أعمامي عمرهم 8 شهور سار أبوي دبي بطلب من يدوه لأنه بنت إختها ولدت فتبا توديلها أغراض لكنها كانت تعبانه .......... المهم أبوي وابوك ساروا ويوم ساروا المستشفى جافوا ريلها ظاهر من حجره سلموا عليه وقالهم بكل برود هالاغراض ما بتوصلها لأنها متوفيه من 10 دقايق والعزا بيكون فبيتنا .....أبوي وابوك انصدموا من رمسته ......... دشوا الحجره ولاقو حرمه عوده تصيح وهي ( أم ريل بنت خالة يدوه ) .
فلاح : وبعدين ؟
الريم : الله يسلمك سألها أبوي " ليش تصيحين ياعمتيا ؟ " قالتله : أصيح اليهال اللي ما جافو أمهم وانحرمو منها والأب والعم اللي بلاهم ابهم ربنا . أبوي وابوك ما فهموا شي بس أبوك قال: الله يرحمها وإن شاءالله غانم ما بيقصر وبيربيهم أحسن تربيه . قالتله : قتلك ياوليدي ما يباهم حتى حميد مايباه . أبوي إنصدم : واليهال وين بيسيرون ؟" ردت الحرمه تصيح وتقول : ماعرف أنا مره كبيره لا حول ولا قوه أربي فيها أربع يهال والحرمه ما بقالها فهالدنيا غير ريلها وعيالها والحين هدتهم وهي مرتاحه بس مع من؟؟ الله يستر بس . المهم وبعدين رد
أبوي البيت وياهم أما عموه علايا فقالوا إنها سمعه وبتضيع العايله إن ما ربت بينهم .
فلاح : عنلاتهم والله موب أهل بس الحمدالله إنا عايشين ولا حد حتى حاس بانه في فرق بينه .
الريم : الحمدالله .
دق عبدالله الباب : منو الحلوين اللي داخل ؟
فلاح : دش فديتك .
دش عبدالله : عايبتكم القعده هني ؟ نحن مايينا ننحكر هني يالله بنسير .
الريم : ببدل وبيي.
عبدالله : بسرعه.
الريم ) ليش جي يرمس من طرف خشم " ماعليه ياعبود يا أنا يا إنت") : أوكي.
فلاح ) يقهروني هاييلا الاثنين شو بلاهم ؟ يتحسبونا أغبياء ؟؟ الغبي بيفهم إنهم متضاربين) .
الريم في حجرتها ( إن ما كرهتك فيني يا عبود ما كون ريام ) .
كلهم ساروا العزبة مالت حمد ( أبو عبدالله ) .
أم الريم : ريام .
الريم : هلا أمايا .
أم الريم : سيري زقري عبدالله خليه ايي يشل الأغراض .
الريم : إن شاءالله .
سارت الريم وجافت عبدالله قاعد بروحه .
الريم : عبدالله .
عبدالله : نعم ....... شو تبين ؟
الريم : مابا منك شي أمايا تباك .
قام عبدالله وهو ضيجان حده.
الريم " ممل المهم ما يخصني بكرها فيني بكل الطرق ".
أحمد وراشد : ريام .
الريم : هلا .
أحمد : ليش بعيده ؟
الريم : يايه صبر .
وسارت الريم صوبهم وقعدت عند عمها شهاب .
شهاب : فديتج والله من زمان ماجفتج .
الريم : موب عليك عاللي رضا يعطيك ليسن .
الكل : ههه.
نافع : ريامي تعرفين عمج ليش نجح من أول مره ؟
الريم : ماحصلي الشرف ممكن تعلمني .
نافع ) بصوت واطي " لازم العرج يبان " )
الريم : قلت شي .
نافع : لا لا سلامة راسج ماشي .... رشا الإستاذ اللي يعلمه .( كلهم سووله طاف).
مانع : تعرفون إني يايب خبر وياي .
نافع : الله يستر بس من أخبارك شكلك موب وايد مطمني .
الريم : تفضل عمي إرمس .
مانع : ابصراحه أهل بوطلال بيون .
الكل : لا.
نافع : يايين نتكشت موب إنجابل وحوش .
الريم : خلهم ايوون .
الكل كانت أنظاره صوب الريم .
الريم ) تعدل الموقف : خلنا نفتك منهم اليوم عسب الأيام الباجيه ما ندبس ابهم .
ذياب : صح والله .
شهاب : يعني اليوم بتستوي ظرابه ...... بس بين امنو ومنو مانعرف.
الريم ( بيني وبين طلال ).
قعدوا يسولفون وبعد نص ساعه يو قوم طلال .
مريم + فاطمه + طلال + خالد + أم طلال + أبو طلال .
سلموا البنات والأولاد على الكبار وساروا صوب خيمة الشباب مريم انجلبت من بيضه لحمره في وجود أحمد لأنها تحبه وتموت فيه .......الكل يعرف هالشي حتى أحمد نفسه .
الريم ) لازم أفضحها ): ثقلي اشوي علينا .
مريم ) من صدج حست غنها تبا تموت واللي قاهرنها إنه أحمد يرمس أخوها خالد ولا حتى سأل عن حالها .
بعد الغده :
أحمد : ريام ....... ريامي .
مريم قامت : هلا أحمد .
أحمد ) أوه شياب هاي بعد قلت ريام ما قلت مريم ): لا ماشي بغيت الريم .
مريم : آمر شو بغيت منها ؟؟؟؟؟
أحمد : كندورتي عند عموه أباها .
مريم : إن شاء الله .
الريم يت بعد ماجافت مريم اللي كانت مع أحمد .
الريم : أحمد شو كانت الخبله هاي تسوي هني ؟
أحمد ) بابتسامه ...... فديت اللي يغارون.......... ليش ما أتأكد منها الحين ): والله غامظتني تعرفين إنتي شكثر اتحبني قلت ليش ما أعطيها ويه .
الريم : لا والله الحب ماايي بالغصب الحب يدش القلب من دون إذن .
أحمد : بس حليلها .
الريم : لا حليلها ولا شي .. حلها حلول إن شاءالله .
وجافت الريم مريم يايه ويايبه كندورة أحمد وتمشي بطريقه " أرف عقولة الريم " : شو هالأرف ؟
سارت الريم صوبها : شو تسوي كندورة أحمدوه وياج؟
أحمد يطالعها وميت وناسه ) أحبها وما يخصني فاللي يقولولي أحبها لأنها أصغر عني بست سنين بس أنا أموت عليها وعلى ترابها .
مريم : هو طلبها مني .
الريم : مشكوره كثر الله خيرج (خذتها عنها) .
وسارت الريم صوب الخيمه ادور كندورة ثانيه .
طلال كان قاعد اروحه فيها : ه ...... هلا ريام ..... اشحالج ؟
الريم : غزي وارم بس .
طلال ) الله ينطب العدو :ريام أنا آسف ما قصدت .
الريم : تعرف شي طلالو ؟؟؟؟؟ مافي منكم فايده طول حياتكم تغلطون أغلاط ثجيله وتقولون نحن آسفين والسموحه .... وأنا تعبت من هالحال مابخبر حد بس تعرف أنا ماهمتني الصفعه ولا حسيت بألمها تعرف ليش ؟
طلال:ليش؟
الريم :لأنك ولا شي بالنسبه لي ولد عمي بالإسم حتى أسامينا ما تتشابه يعني وايد اختلاف إذا اللي ظربني راشد ولا عبدالله ولاعبيد ولا أحمدوه لأنهم يهموني وأنا أعزهم .
طلال ) صدج إن قالوا شرات هالسان مافيه .
سارت الريم صوب أحمد واللي ذبحها ....... شو ذبحها؟ .......... صح ....... وجود مريم وياه .
الريم : أحمد .
أحمد : عونج .
الريم : عانك الرحمن ,,,,,,,,,,,,, أبا دواي من السياره .
أحمد باستغراب : فسيارتي ؟
الريم : منو يذكرني ابدواي ويهتم فمواعيدي غيرك ؟؟؟؟
أحمد ) فهم نغزت الريم ومات عليها والله إنه عندها أفكار ذهبيه : إن شاء الله فديتج .
مريم ) آآه الغبيه باذبحها لو قعدت هني أكثر عن جذي.
أحمد : تعالي وياي عسب أبا أعطيج شي .
مريم ) شبيعطيها بعد )؟؟؟؟؟؟؟؟؟
الريم : إن شاءالله ( قامت سارت صوبه ).
الريم وصلت عند أحمد وتمت ادور أي شي طويل عالأرض .
أحمد : شو ادورين ؟
الريم : عصاه .
أحمد: ليش ؟؟؟؟؟؟
الريم : عسب أظهر حرتي فيك .
أحمد : حليلي شسويت ؟
الريم : اقطع رمستك لا ترمس طالع كيف قاعد وياها جنها حرمتك .
أحمد ) يا دورك يالذكي ) وشو يعني ؟؟؟؟؟
الريم : شو شو يعني ؟؟؟؟؟؟؟
أحمد : مثل ماإنتي بنت عمتيا هي بعد بنت خالي .
الريم : بس في فرق بينا .
أحمد : واللي هو .
الريم ) شو الفرق ياربي أصلا أنا ليش رمست من صدج غبيه ؟).
أحمد : تغارين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الريم تخبصت وما عرفت راسها من بنكرياسها .
الربم : أنا .
أحمد : لا بنت الييران .
الريم : ماأغار ليش أغار أصلا ؟
أحمد : وليش تعصبين إذا جفتيني وياها ؟
الريم : سكتت اشوي وبعدين قالت : لأنها خفيفه وأنا أكره هالنوع من البنات راميه عمرها رمي .
أحمد : بس اتعرفين...........هي طيبه.
الريم ) بنفاد أعصاب ) : أحمدوه حسك عينك ترمس عنها فوجودي .
أحمد ) يعني أعطيها 70% تحبني المشكله إنها مزهبه إجابات عالأسأله تظهرها من الموضوع جنها عادي ماتحب بس وينج عني يا بنت عمتيا وراج وراج والزمن طويل .
ردت الريم وقعدت عند عمها مبارك : عمي وين سعدان ؟
مبارك : فحديقة الحيوان .
الريم : عندكم حديقة حيوان هني فليوا ؟
مبارك : يالخبله ولدي إسمه سعيد موب سعدان .
الريم : ههه إنزين وينه؟؟؟؟؟؟؟؟
مبارك : عنده رحله اليوم .
الريم : حليله ليش تخليه يدرس في الصيف ؟
مبارك : هو مايدرس وبعدين هو اللي يبي وأنا صراحه ما أعارض دام الشي موب غلط .
الريم : الحمدالله إني خلصت المدرسه .
مبارك : ههه بعده بقالج سنتين .
الريم : مش شرط اتذكرني الروحي أعرف ....أقول عمي .
مبارك : قولي .
الريم : ليش ما اتيي تعيش عندنا إنت وسعيد ؟البيت ما شاء الله كبير .
مبارك : الريم خلاص أن عايش في ليوا من زمان وعايبتني واحس فيها بالراحه والأمان وما ودي أبعد سعيد ......
الريم : ما ودك تبعد سعيد عن خواله وتظلمه .
مبارك : الله يرحمها .
الريم :ويرحمنا كلنا بس هذا ما يعني ماتزورنا وايد وترقد عندنا .
مبارك : آسفين ولا تزعلين يا بنت يبف بقعد عندكم أسبوعين يوم يخلص سعيد .
الريم ) لوت ععمها : فديتك .
عبدالله داش : ليش مستانسه؟
الريم : مايخصك ؟
مبارك ) عاقد حياته ) :موب جنكم مظاربين ؟؟؟
الريم وعبدالله بصدمه : لا نحن لا .
مبارك : شبلاكم تخبصتوا .
الريم : من سؤالك الغريب ؟ ان وولد عمي حمد متظاربين هاي شوي قويه الناس كلها تضارب ونحن ما نتضارب .
فلاح : واضح .
مبارك : قلت شي فلاح ؟
فلاح : هيه متوله على أم أم .
عبدالله : فديت روحه .
مبارك : وينه ؟
الريم : راقد .
مبارك : وهالحشره كلها وهو راقد لو يبعد عنكم يوم واحد شو بيستوي ؟
الريم : عن عمري بانتحر .
فلاح : لاتنسيني .
الريم : أنا أولا .
عبدالله : أكيد .ladies first .
فلاح : شو سالفة هالجمله ؟
عبدالله : أنا أقولك........
الريم : لاتقوله الحين الله يخليك كل مره تخترع قصه مختلفه عن الثانيه .
ذياب داش : يالله قوموا بنرد.
الريم : فكه من بعض الناس .
وقاموا كلهم بيردون .
في البيت :
قعدوا كلهم في الصاله .
الرياييل عصوب ........ الحريم عصوب والشباب عصوب .
الريم : نبا نسهر على فلم.
عبيد : ماشاءالله الأرض واسعه ليش يعني على فلم ؟؟؟ عالأرض اسهري.
الكل : ههه.
الريم : ماعندك سالفه .
أحمد :بسك عبيد يوز عنها .
الريم طلعت لسانها .
عبيد : مالت .
ذياب : ريام خذيتي دواج ؟
الريم : لا .............نسيته .
أحمد : لاتنسينه مره ثانيه.
الريم : وانت ليش تعصب؟
أحمد : لأني خايف عليج .
شهاب : شوبلاك أحمد كلنا نخاف عليها؟
أحمد ) ماتعرفون هي شو بالنسبه لي ؟؟؟ هي روحي اللي أعيش وياها........ دمي اللي يعيش في شراييني ........ حياتي ...... روحي .......... أنفاسي ........
ذياب : حوه قوم .......... الي خذا عقلك يتهنابه .
أحمد : طول حياته .
شهاب : الريال شكله استخف .
أحمد : أحلى استخفاف .
راشد : ما عليكم منه أكيد وحده من اللي يرمسهن خبلتبه .
الريم ) ليش هو أصلا كم بنت يرمس ؟
أحمد انتبه لنظرات الريم واستانس : خبرك عتيج ودرتهن .
الريم : الله واحد كان خبل وعقل فبيتنا .
شهاب + مانع + نافع + راشد : يعني نحن متخبلين؟
الريم : وانتو شو تشوفون ؟ بسير باخذ دواي وبييب أم أم وفلاح وياي .
أحمد ) أترياج وبترياج طول العمر .
.....
شو تتوقعون بيستوي فالجزء الخامس ؟
وكيف الريم بتكره عبدالله فيها ؟
وليش عبدالله اتغير عليها ؟
مريم ظنكم بتكسب قلب أحمد وإذا ما كسبته فيوم تتوقعونها تأثر أو تستوي شخصيه مهمه في القصه

الجزء الخامس
شهاب : الريال شكله استخف .
أحمد : أحلى استخفاف .
راشد : ما عليكم منه أكيد وحده من اللي يرمسهن خبلتبه .
الريم ) ليش هو أصلا كم بنت يرمس ؟
أحمد انتبه لنظرات الريم واستانس : خبرك عتيج ودرتهن .
الريم : الله واحد كان خبل وعقل فبيتنا .
شهاب + مانع + نافع + راشد : يعني نحن متخبلين؟
الريم : وانتو شو تشوفون ؟ بسير باخذ دواي وبييب أم أم وفلاح وياي .
أحمد ) أترياج وبترياج طول العمر .
الريم صعدت الدري : اماه ............ خالوه.
أم الريم : قصري حسج هب عايشه اروحج إنتي .
الريم )لوت عأمها) : فديت روحج أنا أحبج واكيد تحبيني أكثر وحده في الدنيا بنتج الوحيده بعد أمون الله يرحمها ......تحبيني وايد ماماتي لا؟
أم الريم تظحك ) : مافهمت غير كلمه وحده اللي هي لا .
الريم : ماماتي .
أم الريم : اص ماتفهمين الرمسه قلت قصري حسج .
أم عبدالله : علني فداج ياالريم والله إنج روح هالبيت .
الريم ) تلوي عخالتها ) : فديت خالتي أنا والله أحبها ماروم أنا بسير بنتحر .
أم الريم : ويدي .......... استخفيتي إنتي تبين تكفرين؟
الريم : أمااه أطنز تراني........... ليش معصبه ؟
أم عبدالله : ما عليج تراها أمج وايد تحبج وتتفداج بس من وراج عسب ما يكبر راسج .
الريم ) ترمس سعودي ) : ايوا هذا الحكي اللي أريد اسمعه من الفجر .
أم عبدالله ) ترد عليها سعودي ) : الحين قولي لي ايش اللي جابك ؟
الريم : جايه لأني اشتقت لأم أم مره وأريد أجوف ولدك المسطل فلاح شو يسوي لوحده فوق ونحنا كلنا تحت شكلها عاجبته غرفته .
أم عبدالله ) لا إراديا ردت ترمس إماراتي لأنها اشتطت ): ياسواد ليلج يابنت سيف وأسيل برويج نجوم الظهر لو وعيتوه .
الريم ) تحرطمت ) : أوه ماماتي شو ها أبا أخو ياهل شراته أنا بعد ييبيلنا واحد .
أم الريم اشتطت : ريام لو ما قمتي صدقيني بذبحج يابنت أبوج اسميج فاصخه الحيا شهالرمسه من وين بييبه أنا من السوق .
الريم ) قامت وهي تضحك )..........دشت على فلاح ولقته راقد ......... حبته عراسه ( لو حد جافني بيذبحوني بس والله إني أحبه شرات حموود وأسوم ........وصكت الليت ولحفته .
نزلت تحت .
عبيد ) إن ماطفرتها ما كون ولد عمها ): ها ريام وينه أم أم وفلاحو .
الريم : أم أم راقد وفلاح فديته فسابع نومه .
عبيد : جذابه ليش ما تفولين تقفطت سمعنا الرمسه بينج وبين أمايه وخالتيا .
الريم : عبيد بسك مافيني عصدعتك .
عبيد : ويو قفطه امايه هزبتج هزبه معتبره فديت روحها يارب .
ذياب ) بطرف عين ) : لسانك ها بقصه .
عبيد : عمي دومك ادافع عنها الدلوعه .
شهاب ومانع : تستاهله الدلع .
الربم : فديت اعمامي ياربي.
راشد : بس بصراحه عاشق الريم شي ثاني .
الشباب كلهم تناقعوا ضحك إلا ذياب ...... والريم مليوون علامة استفهام عويها .
مبارك ) كانت هاي أول مره يضحك بهالطريقه وميود بطنه ( استانس من الخاطر ) : ريام فديتج تبين تعرفين شو سالفة هاللقب ؟
أحمد ) ريته كان راكبني ).
الريم : من دون ما تسأل .
مبارك : يوم كان عمرج خمس اسنين كان أخوج أحمد واختج أمون عمرهم 7سنين .
مبارك : سرتوا كلكم الدكان وبعدين اظاربتوا عالحساب هذا قال هاي حلاوتي والثاني لا مالتي المهم إنا عبود خذا عنج حلاوتج وشرد إنتي قعدتي تصيحين فذياب عطاج حلاوته الجالكسي وانتي تعرفين عمج هالحلاوه الوحيده اللي خلته يستوي زطي إلا معاج انتي فربيع راشد قاله عاشق الريم والله يرحمه توفه وهو 13 سنه بس كل اللي سمعوه يقول هاللقب استوا يزقرونه عاشق الريم لين ماعمج استوا اسمه عاشق الريم بينا وابو الريم عند الشباب .
الريم ) لوت ععمها ) : فديت روحك ياربي هذا كله وتقولون ليش أحبه أكثر عنكم ؟؟؟؟لأنكم موب ويه حد يحبكم .
ذياب ابتسم : فديتج يابنت أخوي .
الريم : وينه عمي نافع ؟؟
مانع : سار يتمشى فالمزرعه .
الريم : بسير عنده حد بيي وياي ؟؟
راشد : يالخبله الدنيا ظلام وين بتسيرين ؟
الريم : ماغيرها الخبله إلا اللي بتظويها ..... وشو يعني مزرعتنا وفحدودنا .( وسارت تركض عسب ماتحصل جمله حلوه من عمها مبارك ).
عند الشباب ........
مبارك : تعرفون إني تولهت عليكم يالاغبياء .
راشد بطرف عينه : إنت الغبي الي متفيرز هني بروحك وماتيينا فديتها العين ياربي وفديت رملتها واهلها .
مبارك : آآآآآآآآآآآآآآآآآآخ بس استح عويهك عمك أنا .
راشد :بيني وبينك 3 سنين .
مبارك : ويعني ؟
راشد : ماشي ............ السوحه .
مبارك : غصبن عنك .
الكل ضحك عشكل راشد وهو مسوي عمره خايف .
محمد + أسامه داشين يضحكون من الخاطر وسعيد يسولف وياهم أول مادش سار وسلم عأبوه توايهواا وبعدين حب إيده وراسه : هلا الوالد شحالك ؟ تولهت عليك .( سلم عالباجيين )
مبارك ) بابتسامته اللي تعود عليها سعيد : بخير يعلك الخير شحالك ؟
سعيد : دامك بخير فانا بخير .............. أقول ابوي بسير ويا بطي ولد خالي جمعه وولد خالي مايد محمد عادي؟
مبارك : وين بتسيرون ؟
سعيد : بنسير عزبة يدي مع قوم خوالي وخالاتي .
مبارك : بيباتون مناك ؟
سعيد : هيه يومين .
مبارك : مايصير فديتك ويدك ويدتك تخليهم وهم متعنيين يايينا من العين عسب يجوفونا .
محمد + أسامه) صفروا وزاعقوا وتموا يصفقون ........ محمد مايعرف ايود عمره سار ايبس عند ريول سعيد وشاركه سعيد .
الباجيين تخيلوا أشكالهم منصدمين شقاعد يستوي ؟؟؟؟
أسامه : صراحه عمي مبارك لنا الشرف يستوي سعيد ولد عمنا .
هني محمد قعد تحت عند ريول عمه مبارك : وانا اشهد .
مبارك : شبلاكم ؟؟؟؟؟؟؟؟؟
أحمد + راشد : يهال شتبون من رمستهم ؟
محمد ) بطرف عين : محد غيرك الياهل .
أسامه : أنا أقولك السالفه .....الله يسلمكم ونحن يايين جفنا سعيد واقف ويا واحد عمره 7 سنين والثاني أكبر عنه بشوي قناله منو هاييل ؟قالنا عيال خوالي وقفنا نسمع شبيقولون .... محمد كان يقوله: سعوود أبويا قال نخبرك انا بنسير صوب العزبه باجر وبنتم فيها يومين فإذا تبا تخاوينا دق ... سعيد قاله: السموحه ماروم أسير عمومي كلهم يونا وانا الرحله سرتها لأني إجبار أسيرها ترا عليها علامات وصور وجي لو بيدي تميت عند يدي وما سرت وانا من زمان ماجفتهم ووايد متوله عليهم والعزبه إنشاء الله اليايات أكثر عن الرايحات وبعدين ماتملون مني كل مكان أسير وياكم ؟...........المهم إنا نحن قعدنا نقوله ماكان لازم يضيع هالفرصه لأنا نحن ماعندنا يهال بعمره فوناسه لو سار وياهم هو قالنا : عادي أنا بكبر عمري عسب أستوي بعمركم .
مبارك تم يطالع ولده بفخر وحس إنه راضي عالحياه اللي هو عايشها ومش صدق إنه مابيعرف يربي ولده اروحه من دون ما يعرس.
عند الريم وعمها نافع
الريم : عمي ............ حياتي ............. قلبي .
نافع )ضحك مع إنه مضايج ): ريلج يوم بياخذج بيغار منا حشا كل ها حب ؟
الريم : يهبي ويخسي يوم بياخذني بقوله إنه مستحيل أحبه شراتكم يبي حياه الله مايبي الباب جدامه .
نافع ) تنهد : آآآآآآآآآآآآآآآآآآه.
الريم : بسم الله عليك من الآآآآآآآآه بلاك عمي حد ضايجك ؟
نافع : هيه .....................غبائي ضايجني .
الريم : ليش تقول جي ؟؟,,,,,,,,,, لا تسب عمرك ما أسمحلك .
نافع : مع الأيام بتعرفين شكثر أنا غبي .
الريم : عمي لوسمحت آخر مره تقول عن عمرك جي أوكي؟
نافع : جدامج بس مابقول .
الريم : ووراي ؟
نافع : طبيها السالفه هاي وخبريني .
الريم : شو أخبرك ؟
نافع : بلاج إنتي وعبدالله من فتره موب عايبني حالكم .
الريم : ماشي عمي بس أنا أحب انرفزه .
نافع : آآآآها جي يعني .
الريم : شو اللي جي يعني ؟
نافع : يعني ولا واحد فيكم يبا يرمس عراحتكم .
الريم سرحت بعيد ..........
نافع : ريامي يالله قومي بنرد البيت وايد متأخر .
الريم وعمها ردوا البيت لقوا البيت هادي .
الريم : أكيد قاعدين فالميلس بسيرالهم .
نافع : وانا بسير الحمام بتسبح وببدل وبييكم .
سارت الريم الميلس والاخت لابسه كندوره وردي فاقع الأعمى بيجوفها وفاله شعرها وحاطه الشيله عالجتف ( ماخذه راحتها الاخت ) : صدق ماعندك. . . . . . . . . . . يبست يوم جافت اثنين قاعدين يسولفون .
واحد منهم قام وصك الباب .
والريم ردت البيت تربع ودعمت فاحمد ولد خالها .
الريم : آآآآوتش .
أحمد : بلاج تتنافضين ويايه تربعين ؟
الريم : ها لا ما شي .
أحمد : ريام بلاج ؟
الريم بتصيح : فضيحه .
أحمد : بلاج روعتيني ؟
الريم : كانوا في اثنين قاعدين فالميلس وابصراحه دشيت عليعهم جي من دون شيله قام واحد وصك الباب وأنا رديت البيت خفت حد يجوفني .
أحمد قعد يضحك .
الريم : وياويهك ماعقيت نكته عسب تضحك .
أحمد زادت نوبة ضحكته .
الريم : احمدوه يالهيس والله بكفخك .
أحمد : ريام ( ويرد يضحك ) ....... ما عليه حطي شيلتج عراسج .
حطت الريم شيلتها عراسها وهو يودها من ايدها ودشوا الميلس عاد هي هني بغت تموت .
أحمد وايه الشباب .
أحمد : ههه روعتوها علني بلاكم وحوش هب بشر.
غيث : ههه والله ماسوينابها شي اروحها دشت تزاعق علينا .
الريم بس آذان صاغيه وما تشوف إلا أحمد .
أحمد : حوه هذيلا عيال عموه.
الريم رفعت راسها : خالوه ؟ خالوه منو؟
غيث : لين .
الريم : إنته وهو عيال خالتيا لين ؟؟ما كنت أعرف إنها ماخذه إماراتي .
غيث ) بطرف عين : موب مازرين عينج ؟
الريم ) استحت : لاوالله بس ماعرفتكم .
غيث : تراج ماتعرفينا موب منج من هالغبي اللي عدالج ما يمر ولا يسأل ما يقول ويتهم عيال عمتيا وينهم ما ظهروا من زمان .
الريم : حدك عاد إستاذ ..........
غيث : غيث .
حدك عاد إستاذ غيثووه كله ولا أحمدوه .
سهيل )أول مره يعلق : ويو سوتلكم غيثوه وأحمدوه .
أحمد انصدم بس ما بين هالشي .
غيث : حلال عليها بنت الخاله .
أحمد : وينكم ياريال حشا ست اسنين ؟
الريم تشهق : ست سنين ماجفته والحين هو متعني وياي عندنا .
غيث : ههه والله إنج تحفه ريام تراه هو ست اسنين وانتي اثنعشر سنه ..وبعدين شوي شوي عن يطيح نصج نحن واصلين البلاد من يومين ويينا ليوا فدام إنكم هني يينا .
الريم : وشو تسوون برع البلاد ست اسنين ؟
سهيل : نهيت ......... شو بعد ندرس .
أحمد + غيث ) صدق منصدمين منه لأنه مايرمس أي بنت حتى بنات عمه مايرمسهن ولا يرد عليهن ومش من النوع اللي يعلق .
الريم : هييه .............. تلعثوبها إنتو الدراسه والله لو أعمامي وأحمدووه أو عيال عمي يبون يدرسون خاري ما خليتهم والله بيستويبهم حش رقاب .
غيث + سهيل ) تناقعوا ضحك .
أحمد : ماشاء الله توج من دقايق كنتي مستحيه منهم .
الريم ) ماتبا تبين إنها انحرجت ): تراك قلت من دقايق وانا بالضبط من ست دقايق ماكنت أعرف إنهم عيال خالتي .
غيث : والله إنج وناسه شرايج تيين بيتنا وبعدين نردج .
أحمد : هد اللعب يا ولد عمتيا وين تبيبها مصدق عمرك أجوف بيتكم كله شباب شله تييكم ؟
غيث : بل بل بل بل انزين ما قلت شي انا بنات عمومي موجودات في البيت .
أحمد قام وقاله براويك شي ....... حليله غيث قام وياه .
أحمد نزله لين نص الحوي ورد الميلس ركض وصك الباب بالمفتاح.
الريم + أحمد + سهيل ناقعين ضحك .
وحليله غيث عند الباب قاعد جنه طرار .
نافع يا صوبه وجافه ما عرفه وبعدين سلم .
غيث : ماظني عرفتني أنا غيث ولد خالة عيال اخوك .
نافع : هلا والله شحالك ياريال ماتنشاف والله تولهنا عسوالك إنت وسهيلووه وولد عمك علاو .
غيث : بعدك تحيد ؟
نافع : مانساه علي كان يطفربي لين ماتظهر قروني .
غيث : ههه دق فينا خيانه وعرس .
نافع : من صدقك ؟
غيث : ههه حتى نحن موب مصدقين .
نافع : الله يوفجه .......... إنت ليش إن شاء الله ما تتصل ولا خلاص الشقر نسوك .
غيث : ههه لا والله علني بلاهن الحمدالله خلصت ورديت ماصدق إني مابرد الحمالله أسميني بسوي رحله وبعرضها فالتلفزيون وبسميه حول الإمارات .
نافع : ماأنصحك بعدين بيتحسبون إنه هذا المحل مال الأثاث .
غيث : وياويهك تنكت بعد .
نافع : لا أحاول .
ظهروا الباجيين من الميلس .
أحمد : أقول بلاها ليوا ماستوى فيها زلزال من اصياحك ثره نافع عندك .
غيث : ماعليه ولد الخال ايي منك أكثر .
أحمد : كله ولا زعلك وأونه ياي بيحبه عخده جان عضه وتم غيث يلاحقه لين ما عظه .
الريم + سهيل + نافع : ههه.
غيث : يالله عيل نجوفكم على خير .
نافع : فداعة الرحمن .
سهيل : فوداعة الكريم تصبحون على خير .
نافع + أحمد + الريم : وانتوا من هله . سلموا .
غيث : يبلغ ........... ( ودشوا البيت )
الريم : أول ما دشت البيت ضربت أحمد عراسه : احلف بس احلف والله لو عدتها يا ولد خالي بذبحك .
نافع : بلاج ريام شمسوي .
الريم : إسأله الخايس كيف وصلي معلومة إنه هاييل عيال خالو لين .
أحمد ضحك : والله سوري .
نافع : كيف خبرتها يالخام .
هني أحمد ما عرف يمسك عمره من زود الضحك.
سارت الريم حجرتها وهي تتحرطم ونافع شرات الأطرش فالزفه .
اليوم الثاني الساعه 11 الظهر .
الريم نزلت وحصلت أمها وأحمد قاعدين فالصاله والبيت هادي .
الريم : وين الباجيين ؟
أم الريم : ساروا العزبه .
الريم: لا ليش ماخذوني .
أم الريم : إنتي متى بتتعلمين وتصطلبين ؟
الريم : ماماتي حرام أنا ماييت هني هسب أتم في اللبيت أبا أسير صوبهم .
أم الريم : محد قالج تمي راقده لين الحين .
الريم: عيال إختج ماماتي أمس يايين الساعه وحده باليل ظيعوا المذهب فاعدين ست سنين برع .
أحمد : والله لخبرهم أمس كيف كنتي واليوم كيف والله لخبرهم .
الريم : ويو أتنافظ من فوق لين تحت من الزيغه خبرهم .
أم الريم : عيب صكتي عنهم علني فداهم من ومان ما جفتهم البيت بيتهم متى مابغوا ايوون ايوون .
أحمد : ويو قفطوها .
الريم : بس واللي يرحم والديك جب .
رن التلفون عند أحمد .
الريم تزاعج : يالله هالنغمه مالت ........ لالالالا حرام .
أم الريم ) ظهرت عصا وتمت تروغ الريم ابها : قصري صوتج لا اكسرها عظهرج .
الريم بتصيح : أوف كرهت المستشفيات مرضي ماله علاج وبعدين يعني شبتفيدني المواعيد والادويه. وسارت عند أمه .
أم الريم عندها كله يهون إلا دموع بنتها فلوت عليها .
أحمد ) فديتج ياربي آآآآآآآآآه يالريم الله يصبرنا ): عموه بدق حق الشباب إذا ماظهرنا الحين صوب العين بنتأخر عالموعد وايد .
دق حق الشباب بس محد فيهم يرد .
أحمد : عموه محد فيهم يرد تعالي إنتي ويانا .
أم الريم : والله يا ولدي إنه ألم ظهري بعده ماخاز سيروا إنتوا وان يوا بخبرهم .
سارت الريم تلبس عباتها وشيلتها وسارت ويا أحمد صوب العين .
في السياره :
الريم تصيح .
أحمد : ريام بلاج تصيحين ؟
الريم : أونك ما تعرف ؟
أحمد : صدقيني ماعرف .
الريم : أنا أع ..رف .. إن . . ي ... إني مريضه بالسل هالمرض ماله علاج ماتعرفون ؟
أحمد : ريام إنتي مؤمنه بقضاء الله وقدره ترومين تغيرين شي؟ لا عيل ليش ماتحاولين تتعالجين عالأقل إنتي أحسن عن غيرج منو دايما يقول حق فلاح الدكتور قالك إنه في نسبه للنجاح وغيرك يتمناها هاي النسبه وانته عندك اياها وماتحمد ربك عليه .............. خبريني منو يقول جي؟
الريم مسحت دموعها وابتسمت لاحمد أعذب ابتسانه : أنا .
أحمد : هيه .............. هاي بنت عموه اللي أعرفها .
خلصوا من الموعد .
أحمد : عندي لج مفاجاه .
الريم : شو هي ؟
أحمد : بنسير السينما وبنسير نتغدى برع وبعدين بحوطج وبنسير نلعب وشو انتي آمري بس شبيكي لبيكي أنا أحمدووه بين إيديج.
الريم ضحكت من الخاطر : مابا شي بس اللي قلته .
أحمد : لوتيه أونا مابا شي بس اللي قلته .
ساروا ومانتبهوا للوقت .
أحمد : بل بل بل الساعه 10 ونص .
الريم : أويه والله بيذبحونا .
أحمد : لا تخافين عادي بقولهم واحد من الربع طلب مني فايلات ومادروا شو عسب بيسافر وانا ظهرله كل اللي يباه من النت وشرحتله كمن شي في الكمبيوتر .
الريم : توني أكتشف إنك لواص درجه أولى .
وفي طريق الرده كان في سياره مجلوبه نزل أحمد لأنه كان فيها ناس وبعد ما شلوا السياره والناس ساروا المستشفى من بعيد كانوا يجوفون سياره بس وايد قربت منهم وماكانت سياره سيارتين وأحمد والريم كانوا منصدمين من السرعه الريم كانت واقفه عطرف الشارع أم أحمد نصه .
الريم : أحما اد انتبه .
السيارتين لفوا فبغض وشلوا وياهم استيشن أحمد ودعمت فنخله ............. الحادث كان مروع والريم كانت زايغه عأحمد .
أما هو فسار صوبها وقالها لازم تقوي عمرها لأنه يباها تساعده .
أحمد : ريام بتساعديني ولا لا ؟
الريم : هيه ........... بساعدك المهم مااستوابك شي والا كنت بموت .
أحمد ) فديتها تخاف عليه ...... استغفرالله موب وقته .
ساروا صوب السيارة اللي كانت فيها الشباب .
بعد ما فجوا الباب ظهروا ثلاث شباب وكانوا كلهم متوفيين والريم كانت تساعد أحمد وهي تصيح .
أحمد : ريام ........ في الدبه في شنطه سوده ظهري منها كل الوزارات والكنادير .
الريم : إن شاء الله وسارت .
ردت الريم وغطت الشباب بالكنادير والشرطه وصلت وسيايير الإسعاف كانت ثلاثه طبعا استجوبوا أحمد اللي بلغهم إنه الحادث سببه كان سباق ما بين السيارتين .
السياره الثانيه كانت عايله متكونه من شاب كا يسوق السياره والأم والأخوات ,,,,,و الشاب في غيبوبه ووحده بنيه عمرها 7 سنين نجت من هالحادث أما البجيه توفوا.....الأم التحمت إيدها مع باب السياره وكانت متوفيه فاضطروا إنهم يقصون إيدها.. هني الريم مارامت تتحمل وسارت عطرف الشارع تصيح .
أحمد سار صوبها حاول يهديها بس كانت منهاره بالقو ......
الريم : الله ............. الله يرحمك ياعمي .
أحمد نزلت دموعه وغصبن عنه لم الريم فحظنه وقعدت تصيح أكثر .
الريم : أحمدوه .
أحمد : هلا .
الريم : مشكور .
أحمد : لا عادي .
الريم : اكتشفت إنك غالي وايد .
أحمد : إنزين دام إني غالي اهدي وامسحي دموعج .
ويوم وصلوا ليوا .
أحمد : ماتقصر ياسيف .
سيف : لا لا حضرة الضابط أنا موب سيف .
أحمد : مشكور بس حضرة الضابط ما بقولها .
ويوم دشوا كان الكل قاعد في الصاله .
أم الريم وام عبدالله واليده صاحوا .
أحمد : شاللي موعيكم للحين .
نافع : يانا منك إتصال عتلفون البيت كل اللي سمعناه الريم تزاعج وبعدين سمعنا صوت ضربه قويه وبعدين عطانا إنه هالرقم مقطوع عن الخدمه .
أحمد : أكيد البطاقه إنكسرت ........ مابلانا شي بس خلونا نسير نتسبح وبعدين بنخبركم .