ليش تعاشرني

ليش تعاشرني ؟!
سؤال تطرحه كذا زوجة
الزوجة اللي يسافر عنها زوجها و ما يكلف خاطره يتصل يسألها عن حالها و إذا اتصل كلمتين و سكر و كأن واجب عليه و أداه و انتهى
لكنه لما يوصل البيت ولهه ما يطلع إلا على الفراش و هاذي هي تحياته و سلامه
و الزوجة اللي ما يشتهيها زوجها و لا يقرب منها و لما تلبس له و تتكشخ و يفهم حضرته المقصود من بعد الحركات و الإشارات
و ينفذ الطلب و تحس زوجته كأن تنفيذه كان جبر بالخاطر
و الزوجة اللي زوجها معدد ماخذ هنتين و ثلاث و أربع و عدله مبينهن يعبر عنه بالمعاشر
لازم الليلة اللي تكون من حق أي زوجة لازم تنتهي بالليالي الحمرا حتى لو ما كان طالع ببالها واحليلها
و الزوجة اللي تزعل و تعصب من فعل معين أو موقف بدر من زوجها و قطعته فترة و ما سألت فيه
ينتهي تفكير الزوج بالفراش و يقرر إن هذا هو حل المشكلة
كل هالحالات تبري ذمة الرجل تجاه زوجته
لكن هل سأل واحد فيهم مرة إذا هي فعلا حست بشوقه و إلا بعدله و إلا بتأنيب ضميره اتجاه الغلط اللي بدر منه ؟!!
هل الرجل له حق باستغلال فحولته كحل مهم و فعلي لكل أزمة يمر بها مع المرأة ؟!!
أنا ما عندي إجابة أقدر أجاوب بها عن معشر الرجال
لكن عندي الإجابة عن سؤال هالحريم
ليش يعاشرها زوجها بهالحالات
الرجل إنسان عملي ما يحب يضيع الوقت بمحاولة طرق و دروب يمكن تأدي النتيجة و يمكن لا
و لازم تحط الحرمة ببالها إن الزوج إذا كان نافر من زوجته و كارهنها مستحيل بعاشرها
هاذي مقولة تناقلوها الناس على مر القرون و الرجل ما حاول يدافع عنها
أنا ما أنكر إن شي شريحة كبيرة من الرجال اللي ما يهمهم غير غريزتهم
لكن شي شريحة لا بأس بها من الرجال الحقيقيين اللي لا يمكن يعاشر مرا مب داشة خاطره أو منجرح منها بفعل أو موقف
يعني المرأة اللي تمر بأي حالة من هالحالات أول شي تحطه ببالها إن على الأقل شي نسبة من الحب بقلب هالإنسان تجاهها
شيلي من بالج فكرة أن يعاشرج لمجرد الجنس
هاذي وساوس الشيطان
و بعدين لا ننسى إن نسبة كبيرة من دماغ الرجل يسيطر عليها التفكير بالجنس
يعني هذا من خلقة ربي
و الله سبحانه حكيم لا يمكن يخلق شي إلا لخير
و بس
كلمة كانت بخاطري من زمان لما شفت موضوع انطرح في غير منتدى و كان يعيب على الرجل تعبيره بالجنس عن حنانه و شوقه أو احساسه بالذنب اتجاه زوجته
ليش نعاند الطبيعة اللي الله سبحانه خلقها فينا
ليش نفرض على الرجل و نطالبه إن يعبر بنفس طريقة الأنثى
و سلامتكم منقول