ليش كل ما فرحت بشي اييني شي يخرب فرحتي لا انا ماني عارفه اشلون هالدنيا تمشي بموت

1. وين العدل وين العدل بموت من القهر ليش جذي


2. وكل ما ادعي يارب رده ذليل ومكسور يخليه يتمادى ويطغى


3. احس مقهوره مقهوره


4. مع اني قاعده استغفر وادعي


5. تكفون ادعوا لي بس ابي افرح ابي ارتاح ابي ارتاح


6. وانا قاعده احلم احلام والاغلبيه فسروها رده لزوجي


7. وان اهو وده وماوده

اشلونكم يا بنات
انا كنت كاتبه لكم مواضيعي وعن طلاقي يوم طلقني وانا حامل قبل لا اولد بشهر ورفعت قضيه على طليقي
انا انظلمت منه وايد
تخيلوا ما مداني افرح بانه ربي نصرني على مديري بالشغل وعطوني امتياز يوم رفعت عليه تظلم بس طبعا مايصير تكتمل فرحتي حرام جريمه اني افرح
وانا بالنفاس طليقي راح تايلند عشان يقهرني وقال لي انه بيرجع يسافر مره ثانيه وكنت ادعي انه مايسافر وادعي وادعي بصلاه الليل وخلاص تطمنت انه ماراح يسافر
بس كلمته يوم الثلاثا عشان يسوي جوازات اليهال لان بسافر بالصيف جان يقول اوكي صوريهم وييبي الصور باجر عشان بسافر باجر بالليل تايلند
والله انقهرت انقهرت حسيت ان ربي مايبيني افرح ولا ليش ما استجاب لي وخلاه يسافر
تخيلوا ابوه غضبان عليه علشاني شهرين مايكلمون بعض مع انهم حيل مع بعض يعني عاصي ابوه وظلمني وظلم حماتي الصغيره ولا يصلي ولا يذكر ربه وهم متوفق واموره زينه ويسافر ويستانس
وانا اصلي وادعي وابجي بالصلاه والدعاء بس لما ازعل امي ولا ابوي الله يرحمه ربي يسلط عليي والحين كاني ادعي واصلي بس متضايقه ومهمومه

وين العدل وين العدل بموت من القهر ليش جذي

انا حكموا لي المحكمه وهو مايدري بالحكم باليوم الي سافر فيه حكموا لي بمبالغ بتكسر ظهره وقالت لي المحاميه خليه يسافر بيتفاجا بمنع السفر وانتي الي بايدج تشيلينه او ماتشيلينه وهو ماعنده يسدد انا ادري يعني راح ينحجز على سيارته وماعنده امكانيه يشتري غيرها لان عنده قرض حتى انا سمعت من حماتي انه حاول يجدد قرضه عساس بيشتري غيرها بس ماوافقوا البنك لان ماخذ اعلى سقف وبس اجار الشقه ماحكموا لي فيه لان القاضي قال لمحاميتي ممكن يتصالحون بس اذا ماتصالحنا بالاستئناف راح يحكم لي باجار شقه وطبعا حزتها ماراح يقدر يدفع اجار مع ابوه وعمي قايل بيطرده حزتها او ياخذ اجار ثاني على قده اهو وخالتي وحماتي الصغيره والصبيان بره لان محد فيهم يساعده
راح تصير عليه نفقات مجمده تكسر ظهره وراح يصير عليه ضبط واحضار وسجن ومو هامه
وكل من كلمه عساس يردني بس معاند والمشكله انه يحقر مايقول اي ولا لا يسكت ما يعطي جواب
مقهوره والله مقهوره مقهوره اشلون اهو يرتاح ويستانس ويسافر وكل شي متسهل له وانا متحسره انا القريبه من ربي عيشتي كلها هم وكدر وغم
اشلون
ربنا مو يقول ومن اعرض عن ذكري فان له معيشه ضنكا
هذا انا اذكر ربي بس مقموته ومخنوقه وهمومي تهد جبال جنه الفرحه محرمه عليي احس ان جريمه كبيره لما استانس لازم اييني شي يخرب فرحتي
ماراح ارتاح الا لما طليقي اييني يترجاني اتنازل ويعتذر ويقول انا علطت بحقج سامحيني

وكل ما ادعي يارب رده ذليل ومكسور يخليه يتمادى ويطغى

والله اعرف وحده تكلم واحد سنين وماشيه معاه بالحرام جم سنه بس عساس خلاص قالت له يتزوجها ورفض وذلها ودعت بصلاتها ان الله يرده لها ذليل ومكسور ويترجاها وفعلا الله استجاب لها واهي كانت ماشيه معاه بالحرام وكاه الحين بيتقدم لها عليها بالعافيه
وانا الي كان زوجي في يوم من الايام وادعي ان الله يلم شملنا وبيرده لي ردا جميلا وهم دعيت انه يرده لي مكسور ويترجاني بس بدال ما يستجيب لي خلاه يعاند ويطغى ويظلم زياده
عيل اشلون الدعاء بصلاه الليل مستجاب
هالبنت الي زنت ربي عطاها مرادها وانا الي ماشيه بالحلال ربي ما عطاني مرادي

احس مقهوره مقهوره

مع اني قاعده استغفر وادعي

بس خلاص لدرجه اني قمت اقول الظاهر انه ربي راضي على زوجي لو مهما يسوى من معاصي مايصلي ولا يذكر ربه وظلم وعق ابوه بس ربي راضي عليه لو شنو يسوي ولا شنو تفسير ان جذيه متوفق ومرتاح ولا عشان اهو انخلق ريال لازم يعيش مرتاح لو مهما يسوي من معاصي وانا انخلقت مره لازم اعيش متكدره ومهمومه
ليش الريال حتى لو كان ظالم زوجته الله ما يعاقبه ويخليه متوفق ومرتاح والمره اهي الي تضحي وتدعي وتصلي وتعيش بهم ونكد ليش واخرتها النساء اهم اكثر الناس في النار
انا دعيت ربي قلت يارب اذا هالسفره وراها شر وخرابيط لا تكتبها واصرفها بس كاهو سافر
لا تقولون طلاقي خيره ماشفت خيره بطلاقي الاولي منه عشان هالطلاق يصير خيره مادام انه خيره ليش ربي ردني له بطلاقي الاولي
دايما ادعي ربي لاتشمت الناس فيني لاتفرق بيني وبين زوجي ولا تشمت الناس فيني بس خلاني عرضه للشماته معقوله ربي مايحبني ولا يحب يشوفني مرتاحه اي ليش انا شسويت والله ابدي الكل على غيري حتى حمواتي يقولون لي الي بايدج مو لج
معقوله انا اسوي خير وربي يرده لي بشر
ليش ياربي ماتنرحمني وتسعدني انا شسويت
طول عمري اساعد غيري وابديهم على نفسي الي يطلب مني مساعده ما اخليه واتصدق حتى لو ماعندي وايد
بس ما احب اشوف احد متضايق
بس ماني لاقيه تفسير حق الي يصير لي
والله اكتب وابجي دموعي تصب تصب
انا ماراح ارتاح الا لما اييني طليقي مكسور وذليل يترجاني عشان الرده هذا راح اعتبره اكبر نصر لي
تكفون ادعوا لي ان الله يهديه ويسخره عيالي نفسيتهم تعبت انا اوديهم كل ويك اند عشان عمي يبيهم ويكسرون الخاطر ماودهم يردون وعيزوا كلموا ابوهم رد امي بس معاند مساكين خايفين لا اهو يتزوج وانا اتزوج
والمشكله لو ماردني لا سمح الله ماقدر اعيش من غير زوج اخاف على نفسي من الحرام
امي مسكينه ضايق خلقها عليي تحاتيني زادت امراضها والسبب انا ومشاكلي تحاتيني وايد كل يوم تدعي لي ان يردني
مو الام دعاءها مستجاب عيل اشلون ما استجاب دعاءها
مادري تعبت تعبت تعبت تعبت تعبت تعبت تعبت
ياربي ابوي متوفي وخواني مو سند وريلي الي كان شايل عني طلقني وعلى اسباب تافهه
المشكله ان اهو مو سيء ليهدرجه

تكفون ادعوا لي بس ابي افرح ابي ارتاح ابي ارتاح

وانا قاعده احلم احلام والاغلبيه فسروها رده لزوجي

من شهر حلمت اني دخلت خيمه صغيره على ايدي اليمين وقاعدين فيها طليقي وولدي الكبير وان كان يلعب ولدي وقلت له ليش ماتبي تردني انت عندك وحده ثانيه وقال لي اي شتبين عندي وعطيته طراق على ويهه ومسكني يبي يطقني ومو قادره افلت منه وقمت
فسروه لي انه الخيمه ستر وان الطراق معناه اسعى للصلح ويوم اهو مسكني انه اهو بعدين راح يسعى للصلح واكون متردده

وان اهو وده وماوده

وهم حلمت من يومين ان كنت اتناقش معاه بموضوع الرده ورحت دخلت حمام وانتوا بكرامه بمكان عام وكنت لابسه عبايه سوده ووسيعه ورافعتها شوي عن الوصخ وشفت بنت خال زوجي ماسكه بنت صغيره وكنت مستانسه عليها وسلمت عليها وكانت تسلم عليي بنفسيه وشكلها تعبان وعقب طالعت ويههي بالمنظره لقيته صافي وشوي بشرتي فتحت
بس سمعت ان بنت خال ريلي انها حامل لان قلت الحلم لبنت خال ريلي الثانيه
والاغلبيه قالوا لي العبايه ستر ورجوع لزوجج باذن الله
والله اعلم
ياربي محتاره محتاره تعبانه