ليش ما نحب حمواتنا

1. ايش تظنون السبب؟؟


2. موضوع للنقاش خاصة بعدما سمعت هالقصة من وحدة صديقتي واستغربت:

منذ بداية البشرية وهناك حرب شعواء مستشرية بين طرفين: الزوجة والحماة أو الأم وكنتها!
تظن كلاً منهما أن الأخرى ضدها أو تكرهها أو تحاول متعمدةً أن تُنقِص من شأنها!
حتى حين تكون الحماة غاية في الطيبة
فليش يا بنات؟

ايش تظنون السبب؟؟

موضوع للنقاش خاصة بعدما سمعت هالقصة من وحدة صديقتي واستغربت:

تقول صديقتي المتزوجة من سنة إنها تكره حماتها وما تطيقها بينما تحب حماها -أبو زوجها- وتقدره أكثر من حماتها. هي مو دايماً تكره حماتها يعني لما تشوفها تسلم عليها وتحب يدها وراسها بس تنغث لما هي تتكلم وتحاول قدر الإمكان تتجنب الاحتكاك معاها. والوضع مختلف مع حماها ونفس الوقت مع أخوات زوجها الي تحبهم كثير. تقول إنها في فترة الملكة كانت تحب حماتها وما تشوف أطيب منها يمكن لأن ما كان في احتكاك بينهم.
بس بعد الزواج صارت ما تطيق تجلس بمكان هي تسولف فيه وإذا سولفت تلف راسها أو تنزله عشان ما تسمعها ولا تجاوبها! تقول إنها لو بدت تتكلم ما بتسكت، وسوالفها مملة ومكررة وكلها فشرة: أنا سويت وأنا لبست وأنا شفيت من مرض كذا وكذا!
وتقول إنها أول ما تجلس وسط أهل زوجها أول شيء حماتها تطالع لبسها من فوق لتحت وبعد كذي صوغتها وساعتها!
وما في مكان ما تقول لهم ودوني معاكم، ولا قالت مرة خذوا البيزات؛ كله عطوني وعطوني.
والي يقهرها إنها تسحب زوجها -يعني زوج البنت الي تتكلم- وتحضنه وتقول تعال أعطيك حنان، وتبوسه وتقول حبيبي حبيبي.
البنت مقهورة حدها من حماتها!
ليش تعتقدون؟ ويش السبب؟؟؟؟؟؟
بانتظار تفاعلكم