ليش هالتشاؤوم

1. يعني مابي اتزوج عشان بس قريباتي يحسسوني بهالشئ__


2. يعني ماابي لتزوج اي كلام بس عشان كلام الناس____

بسم الله الرحمن الرحيم
يافراشات الله يسعدكم..
لازم ماننسى اشياء اساسيه قبل لانرد على اي موضوع مطروح في هالقسم ((من وجهة نظري))):
1 = التفاؤول فوق كل شئ .....الناس مو ناقصه هموم ونكد....وكل فراشه ماطرحت قصتها لكم الا انها تبي حد يشجعها ويواسيها ,,والكثيير منكم مايقصر والله شاهد..
2 = مافي شئ اسمه (مستحيل حد يجي يخطبك وانتي بهالعمر). .تعالي قوليلي..ليش مستحيل بالله ؟؟
انتي سرتي تحكمين كانك عالمة الغيب ؟؟؟؟؟ انتبهوا لالفاظكم لاجيتو تردون الله يهديكم ..كلنا جهلة بعلم الغيب .... ولا احد منا يعلمه ولانحكم من منظور المحيط اللي حولنا ..هذا رد شفته في موضوع واحده من الاخوات هنا بالمنتدى..لانتألى على الله ونحن البؤساء الضعفاء عنده..
وحده عمرها 28 تقولين لها مستحيل حد مو متزوج يتقدم لك؟؟؟!!!!!
من اي باب حكمتي؟؟ومن اين لك هذا الاستنتاج؟؟من محيطك الصغير؟؟؟
انا خواتي ماتزوجوا الا وهم بسن ناضج ..
الكبيره تزوجت عمرها 30 سنة ومع العلم جميله جدا وخطابها قد شعر راسها لكن النصيب يصيب خذت واحد عمره 40 ماتزوج من قبل شوفوا سبحان الله النصيب وين..
والثانيه تزوجت 28 سنه عمرها من واحد من نفس العمر والحين عندهم ولد الله يحفظه يارب..
فلاتحطمون بنات الناس وتزيدون همها ...قل الخير او اصمت ..
3 = لايوجدقاعده عامه ممكن الوحده تمشئ عليها في الحياه...يعني:
المعدد يريح الزوجه او المقتدر وناضج عاقل واللي ماتزوج طايش ومصفوق ؟؟؟
من وين هالقاعده...الانسان كل يوم بحال سبحان الله مقلب الاحوال..
ياما رجال تزوجوا وهم ملتزمين وانحرفوا بعد الزواج والعكس ايضا ..........ياما حريم خذته دينه اهون من غيره وخلته يترك الدخان ويلتزم....مافي قاعده عامه ..
4 = الناس والمجتمعات قناعاتهم تتغير وعاداتهم .. والمفروض كلها تحت جناح الدين والخلق ورضى الله اولا.....
يعني بمعنى اخر ..في الزواج في ناس مايخطبون لاولادهم الا بعد مايكون نفسه ويجمع مهر و و و ... لدرجة بعضهم يكمل ماجستير ودكتوراه من غير زواج فممكن يدق بابكم 30 وفوق و40 وباقي ماتزوج وهذولا كثير ...ز
وفي اللي فرحانين بولدهم ومزوجينه وهو صغير واهله ماينقون له الا البنت الصغيره اللي في نظرهم طبعا ماتدري وين الله حاطها وعشان ولدهم يربيها((((هذاتفكيرهم لمن ياخذوا ام 17 و18 و20 والولد 24 او 27 او 30((( في الخير يمل من بزارتها و اكثرهم ما يمشون ..لان الولد لمن يكبر وينضج يكتشف انه متزوج بزره والمصيبه اذا ماكملت تعليمها ..يسير مستوعب لهالشئ..
من واقعي لمن كنت بالجامعه على اخر سنه بزواج اختي شافوني حريم كثير انخبلوا علي ولمن اتصلوا وكلموا امي كل اولادهم مطلقين ....تعالي شوفي الاسباب:
اللي زوجته يقول جاهله مع العلم انها مخلصة الثانوي بس هو يصفها كدا وماانسجم معاها مع العلم ان عندهم ولد..
واللي زوجته جسمها اسمر هذا كلام الام ويبي بيضاء ...نع العلم ان عنده بنت..
واللي زوجته ماتعرف تتكلم وغبيه هذا كلام الام ...
واللي يبي وحده متحضرة واهلها هاي....وزوجته بدويه واهلها بدو,,,هذا كلام الام....
وطبعا امي كرشتهم كلهم (((((((لاني مابي مطلق وعنده عيال ..والله كريم رزقي عنده ..))))))
5 =يابنات الزواج لازم يكون عن قناعه تامة ورضا تام منك...
يعني مابي اتزوج بس عشان عمري مشى__

يعني مابي اتزوج عشان بس قريباتي يحسسوني بهالشئ__

يعني ماابي لتزوج اي كلام بس عشان كلام الناس____

يلتتزوجين واحد مقتنعه فيه لنفسه ولشخصيته ولاهله ولكل شئ والناس تمدحه واتزوج زواجة العمر ....او ماتزوج ابد ((لان البنت مو كل يوم بزوج واللي مرتاحه ببيت اهلها ومتدلعه ومتهنيه مااعتقد تبي تتزوج اي زواجه مو مقتنعه فيها ويمكن تعيش بنكد وهم ويمكن لا بس يكفي انها مو مقتنعه بتقعد تلوم عمرها على كل شئ.....(((والله في بنات كثير متزوجتات يحسدوني لاني ماتزوجت وذا كلامهم لي ..مع انهم احيان يمثلون ويتضاهرون بالسعاده...الله يصلح حالهم
6= بعدين يابنات ..نسيتوا الموت؟؟؟؟؟ يمكن يجي فجأه...!!!!!!!!!!!!!!!!!!!!!!!!هذا واقع ماهو تشاؤم ..وماراح تنسالين لاعن زوج ولاغيره
هل استعديتي له ؟؟ اثثتي قبرك ونورتيه ...
او غرتنا الدنيا؟؟؟
حطي ببالك ان الزواج شئ ثانوي ..((وماخلقت الجن والانس الا ليعبدون))
اولا واخيرا العباده ارضي ربك ارضي ربك ارضي ربك ووالدينك ..
وبس وعيشي براحة نفسيه...
ولايهمك كلام احد ترا الناس مايجي منهم الا الهم والقلق مااعندهم الا مراقبة غيرهم ولو اشتغل كل واحد من الناس في عد ذنوبه وتصحيحها وانشغل بالعباده ولسانه اشتغل بالذكر ..ماكان احد تدخل باحد..
والله فكري بالموت وعيشي يومك بيومه يعني افرحي واضحكي لا التفكير ولا الحزن بيقدم شئ..
فقط سوي اللي عليك صلي الفروض والسنن..ادعي استغفري تصدقي ..وارتاحي ترا ماراح يسير الا اللي الله كاتبه..
من واقعي اقولك يوم كنت ماافكر بالزواج كان يجيني خطاب بالهبل ...فلاتفكرين ...احيان يكون عدم الزواج خيرة ورحمة بك من الله ولاتنسين ان الله عالم الغيب ويعلم المستقبل..
ياما بنات كان الزواج تحطيم لهم وفي بنات كان خير لهم ..
فلاتفكرين بالزواج ويصبح شغلك الشاغل ..
عمرك 26 او 27 او 28 او 29 ...؟؟؟؟ او 30 ؟؟ واذا؟؟؟؟؟
الله سبحانه يرزق الطير في السماء فهو المتكفل برزقك وادعي دائما في سجودك بالخير فقط
اطلبي الله ان يكتب لك الخير ويبعد عنك الشر ....
وقال الرسول صلى الله عليه وسلم: تفاؤلوا بالخير تجدوه...
اللهم وفقني واختي والفراشات بالازواج اللي يعينونا على رضاك يارب العالمين
اللهم يسر لاختي خطبتها وزواجها مع العلم ان عمري 27 وهي 28 الان ...
والله سبحانه ماخيب حسن ظنها فيه ولاخيب رضاها لامي ..,الله يسعدها ويسعد قلوبكم بالخير عاجلا غير اجل..