ليلة الحنا صارت دموع وقهر

مرحبا اخواتي العزيزات اتمنى ان جميعكم تكونون بخير
انا بغيت انقل لكم تجربتي مع احدى اللي يسمون نفسهم خبيرات التجميل للعبره واخذ الحذر والله على ماسألقوله شهيد ولو ما أني ماابيكم تطيحون في الشي اللي طحت فيه كان ماسجلت وكتبت هالموضوع
انا يااخوات رحت حق صالون ليلو اللي في الرفاع علشان تمكيجني الاخت الله يسامحها صابرين كمال
دخلت عليها لقيت الصالون مليان على الاخر وكلهم زبونات حاجزين ودافعين ويبون مكياج وشعر وفيهم عرايس وغير العرايس المهم دخلت قالت لي ان لانج عروس بخلصج من وقت وقعدت انتظر من 3 لي ست ماسوو لي شي اخر شي قالوا لي تعالي نحط لج الفونديشن وحطوا لي اياه اله لايرويكم لونه رمادي وبعد فتره حطت لي المكياج اخضر وذهبي لما شفت ويهي بالمنظره انصرعت قلت وين كل هالصور الحلوه اللي نشوفها في النت طلع كله كلام فاضي الاخت الله يسامحها ماتصور الا الناس اللي تمكيجهم وهي رايقه وفاضيه عشان تطلع الصوره مضبوطه اما ايام الاعراس في الصالون فهي تاخذ 10 وحدات ويمكن اكثر وتقعد على الوحده تقريبآ ساعه ساعه الا ربع تخيلوا 10 شلوون بتخلصهم وهي وايد بطيئه وتخلي وحده ثانيه تحط الفونديشن يعني عشان اسرع والثانيه شكلها ماعندها خبرره والله مكياجها دمار .. وبصراحه اهي وايد تعاملها سيء مع الناس وماتعرف تتفاهم مع الناس وتمتص توترهم بالعكس وتقعد تصرخ وتهاوش الناس .يعني عشان اهي تبي كم دينار زياده تقبل حجز اكثر من 10 في اليوم واهي تدري انها مابتخلصهم وبتخليهم يطلعون معصبين . وكان جو الصالون مأساه كل البنات اللي فيه حالتهم صعبه لي الساعه 10 11 بعضهم ماخلصوا وانا فوق مارحت متأخره كان المكياج قبيح لان حطته وه مستعجله عشان تخلص الباقي وانا قلت في هاليله باغير اللوك لكن انقلب علي مع اني دايمآ اروح صالونات ثانيه ومااجوف منهم الا كل معامله حسنه يعني ماشاء الله في اماني وابتسام كمال وصفيه شويطر ونوره الكعبي وعايشه البلوشي وايد غيرهم والحمد لله اني لحقت عمري وحجزت حق العرس عندوحده اعرفها عدل .. انا والله اقسم بالله اني مابي شي من ورى كلامي غير النصيحه لوجه الله (( اللهم قد بلغت ,, اللهم فأشهد )) والله على مااقوله شهيد