ليلة صيفية باردة لزوجك من ابداعي

اخواتي المتزوجات العزيزات...
بصراحة انا كنت سابقا قبل سنيتن او اكثر انتمي لمنتدى مختص بالحياة الزوجية
وطرحت لديهم بعض المواضيع المهمه من ابداع قلمي,,
فحبيت اشاركم فيها’’’’’ وان شاء الله تعجبكم,,,,,,,,
]بس انا لما كتبت هالمواضيع كنت مخطوبة فقط :11_1_111[
أما الآن انا مقبلة على الزواج بعد 3 اشهر بالكثير
وفكرتي تتكلم عن قيامك بليلة صيفية رومانسية لزوجك عزيزتي...
فشرايك اختي الزوجة تسوين لزوجك ليلة صيفية باردة على البحر ..
بس في بيتكم بعيدا عن كل العيون...
طيب ليش قلنا باردة لانهك اكيد بتكونوا فاتحة التكيف...
طبعا نوعا ما القائمة كثيرة بس بسيطة ..
اختاري وقت مناسب لشراءها .. يعني مع بداية الشهر( صرف الرواتب) ..
الاشياء الي بتحتاجينها لليلة الزرقاء ..
1/ مايو سباحة مع وشاح يتربط على الوسط موجوود في كافة المحلات وحاليا غالبية المحلات عاملين تحفيضات فلا يفوتك..
واهم شيء يكون لونه من درجات الازرق.. يعني فيروزي او تريكواز او سماوي ..ويكون حلو لو جمع كل هالالوان..
2/ شورت مع تيشيرت لزوجك ينفع لبسه في البحر...
3/ قماش ستان تقريبا 10 امتار .. لونه مثل لون الرمال ..
4/ ورد طبيعي مصبوغ باللون الازرق .. او مجفف..
5/ شموع طافيه على الماء باللون الازرق متوفرة في ايكيا .. في كيس وتجي مجموعه ملونه . وسعرها جدا رخيص..
6/ طاولة طعام معدة لشخصين ومجهزة بمفرش من قماش الستان الي اشترتيه..
وايضا بقنينه مستديرة تضعين فيها ماء والشموع الطافية ..
وتجهزين الذ واشهى المقبلات البحرية .. ( سلطة جمبري.. جمبري مشوي.. استاكوازا,, الخ)
ويفضل طلبها من مطعم تجنبا لرائحة الطبخ في المنزل ....
وايضا جيبي عصير بلو كوكتيل الفوار .. طعم ولونه ازرق شفاف ..
7/ شريط عبارة عن صوت امواج البحر .. تجدينه في محلات الاشرطة الاسلامية..
8/ إضاءة زرقاء خافته .. توحي بليلة مقمرة .. على الرمال ..
9/ مفرش سرير بدرجات الازرق .. الفيروزي والتركواز ..الخ..
10/ رغوة للبانيو برائحة عبير المحيطات من بودي شوب..
تملئين البانيو بالماء وتحطين الرغوة .. مع الشموع في الحمام..
11/ عطر للجسم بعبير المحيطات متوفر في بودي شوب..
12/ طوق ورد طبيعي .. مثل الورد الي يحطونه الحريم (هاواي ) بالجزر..
13/ وان امكن مسبح اطفال يباع في كافة محلات العاب الاطفال الكبرى..
اذا كان لديكم حديقة منزلية ,,,
المهم ياعزيزتي الحين بنقول الترتيبات وشلون...
طبعا القماش الستان افرشي في ارضية غرفة الطعام .. وغرفة نومك .وانثري الورد فوقها بطريقة متناثرة . خليه كانه مثل البساط الرملي ... وكرمشيه من بعض الاماكن ..
.. بعدين جهزي طاولة الطعام .. ورتبيها بشكل حلو وجذاب ..
حطي في النص القنينه الزجاجية .. وفيها مويه والشموع .. ولعيها ..
وحطي صحنين فيها الاكل واحد قدامك واحد قدامه .. مع تزين الاكل بطريقة شهية ومبتكرة زي المطاعم الفاخرة ..
وحطي على جوانب الطبقين الشوك والملاعق .. وكاسات العصير .. وفيها بلو كوكتيل ..
..ادهني جسمك بكريم عطري وبالعطر الي يعجبك... واسدلي شعرك .. وخليه بطبيعته ناعم .. او مموج..
..وحطي على شعرك طوق الورد الي اشتريتيه..
البسي المايو .. واذا ماحبيتي فكرة امايو ممكن تلبسين اللبس الي يناسبك.. شورت .. بنطلون. قميص نوم.. بس بنفس الالوان ..
طبعا جهزي الحمام لزوجك بطريقة رومانسية .. عشان يدخل يستحم قبل العشاء..
ولعي له فيه شموع .. وفواحة بزيت عطري.. وجهزي له المنشفة او الروب ..
وحضري ملابسه بالغرفة .. عشان لما يطلع من الحمام يلاقي لبسه جاهز ..
بلبس ويجيلك في غرفة الطعام ويلاقي احلى جلسة على احلى شواطي منزلك...
..شغلي المسجل بالشريط الي جبتيه صوت الامواج...
ورحبي بزوجك وادعيه للعشاء الفاخر الي جهزتيه ..
..طبعا اتعشوا وعينوا خير ..
وبعدين اذا توفر لديكي المسبح,,, استخدميه بالطريقة الي تناسبك..
ومارح اعلمكم بعد وش ممكن يصير بعد العشاء ...
الله يوفقكم جميعا ويسعدكم دوم..
واذا عجبكم الموضوع,,, رح اطرح لكم اغلب مواضيعي الي لاقت صدا ممتاز وتفاعلوا معاها الاعضاء,,