ليلتي الرومانسيه مسخره لول

سعوديه بقوه

15-01-2022 - 07:32 am

ليلتي الرومانسيه مسخره لول
قررت اني اسوي ليله رومانسيه مليئه بالتغيير
اول شى قلت لهوسبندي يوديني بدري للمشغل
وماحصل هناك التالي
جت الكوافيره تتبختر وتتمخطر
قلتلها ياحرمه اخلصي علينا ابي صبغه حلوه وشرحتلها اللي ابي
وتقعد هالكوافيره تمدح بنفسها ساعه (طوني مندلق على غفله)
والسؤال المعتاد اول ماتشوف شوشتك من الغبي اللي صبغلك هالصبغه؟ ومن الغبي اللي ماعرف يقص؟
حركات الكوافيرات البايخه
بس انا حطيتلي رد واحد لهم كلهم الا وهو
سويته بمشغلكم وان كان ولابد انتي اللي سويتيه (وانا اكذب بس عشان تعتقني)
انصدمت وقالت اجل من زمان مسويته عشان كذا طال وخرب صح صح صح
وعلقت عشان في ناس؟؟؟؟
المهم جت حرمه بدويه متبرقعه ودخلت علينا بغرفه العمليات ( قصدي غرفه الصبغه)
وقالت ابي شى يخلي شعري حلو
قالت الكوافيره النصابه وريني شعرك: وتفك المره شعرها طويل لتحت الركبه وثقيل وناعم حرير
ماشاءالله بحياتي ماشفت زي هالشعر
واندس وادس شوشتي المتكسره من الصبغه
قالتلها النصابه روحي انتظري بره وبجيبلك زيت يجنن ب 120 ريال
وقدام عيني تفتح الدولاب وتطلع زيت السمسم ابو عشره وزيت الخروع وتخلطهم بقاروره مويه صحه
وتطلع تعطيه المسكينه؟؟
بغيت اروح انصح ذيك بس خفت النصابه تحقد وشوشتي عليها صبغه تحت يدها
المهم طلعتلي لون بايخ مو هو الي ابي
وزي عاده الكوافيرات اذا قلتي مو هذا اللون اللي ابي؟
تروح تنادي كوافيرات المشغل وتغمزلهم يقولون حلو الله روعه (حركات مكشوفه ممثلات مو كوافيرات)
المهم استشورت وحطيت ماكياج
وطلعت وانا اجر الخيبه التقيله
رحت البيت وطلعت فستان سهره حلو ولبسته ولبست كعب وصرت يقالي نجوى كرم
ورحت طلعت شموع قديمه من المطبخ نصها متعجن مع الزمن والحر
وشبيت الغرفه قصدي ولعتها بالغرفه
وكانت الساعه العاشره مساء
الا والجرس يدق وتوقعت زي العاده عيال الجيران طايحه كورتهم كان وقت عطله وهم سهرانين
وهوسبندي راح يشوف
واروح انا نجوى كرم واجلس في غرفه التلفزيون اشوف وش فيه لحد مايجي هوسبندي
الا والاقيه داخل ومعاه اصوات
تروعت وقلت خليني اروح الغرفه بسرعه اكييد في احد جاي
اول ماطلعت واطقطق بحزائي على السيراميك خ
والاقي بوجهي 7 بنات وامهم وزي العاده انفتح الكراج
اهل زوجي زي عادتهم يجون من غير مايقولون قالك عشان مايكلفون علي
توهم جاين من سفر وتعبانين ولابسين بجايم عشان الطريق
وانا تقل مهرج ماناقصني الا حبل امشي عليه
سلمت عليهم ودخلت بسرعه من الفشيله بدلت ولبست تنوره وبلوزه (بعد ايش يابنت كرم)
الا ووحده من بناتهم ولدها عمره خمس سنين؟ يقول حريقه حريقه
ويفتح باب غرفتي النوم ويقول يامى تعالي شوفي نار نار
(حركات ورعان السعوديه التفتيش ماركه مسجله خ")
وتجي امه وهي تضحك وتروح تصك باب غرفه النوم وتطلع ولدها
وخزياه
ونامو عندنا والصبح مشوا
بس موقفي مسخره وزباله
بلا ليله رومانسيه صارت ليله ……………..؟؟
منقول

التعليقات (9)

*&كرزه&*

15-01-2022 - 10:42 am

ههه
من جد صار لك كذا
الله لا يلومك اذا كرهتي الليالي الرومنصيه خ
الا زوجك وش تعليقه على شكلك والاهم لون الصبغه
بعدين قوليليه يا عمري اذا اهلك بيجون علىالاقل يعلمون قبل يوصون ب10 دقايق البيوت اسرار
والا هم على العين قبل الراس
بس من جد موقف يفطس من الضحك الله لا يحطني في مثله
ايه نسيت اقولك مزديه(يعني بالعربي تعجبيني)في ردك على الكوافيره ونصبها

مسجله عندكم

15-01-2022 - 11:43 am

ههه
انا منها اتهاوش مع رجلي هع هع هع
واحط حرتي فيه ههه

الهدية1

15-01-2022 - 12:44 pm

ههه
بجدك انت يو الله معك

فداكـ الروح

15-01-2022 - 01:45 pm

ههه والله من جد فشيله
بس حلوه السعودين التفتيش ماركه مسجله لول

جوجوالحلوة111

15-01-2022 - 02:46 pm

ايش الحظ هي من اولها خربانه وكملو التاقص

LmOoOo

15-01-2022 - 03:47 pm

ههه ياعمري انتي والله ماتسوى عليك كوافيره وصبغه ومكياج لا لو انا منك هم دخلوا من باب الجراج انا البس عباتي من الباب الثاني واطلع ادرو لي عرس اي عرس والا رجعت حطيت حرتي بولدهم وكرهته بحياته واقترح عليكي بعد تحطين على ابواب بيتك كلها الجراج والعادي نظام البصمه مايفتح الا ببصمتك انتي وبس حتى رجلك لا مهب موثوق لين يتأدبون اهل رجلك اقول كنت افكر اسوي ليله رومانصيه بس عقب قصتكلا ا ا

دلع طفوله

15-01-2022 - 04:48 pm

واي قويه ههه
الله لايحطني بهالموقف
كلامش لول وسع صري خ

حلم بنيته وطاح

15-01-2022 - 05:49 pm

الله يسعدك ضحكتيني وانا كنت طفشانه من جد ليله رومانسيه ماتتعوض الا ماقلتي وش رده فعلك على زوجك

منال 099

15-01-2022 - 06:50 pm

اول شي اهلا وسهلا فيك سعودية بقوة بس اللي صار لك حركة واللة لو انا بصيح قهر لاكوفير زي الناس ولا لليلة رومنسية واللة قهر ههه

زوجك طيب بس مو رومانسي←
علمينا كيف يعتذر منك زوجك→