ليه القساوة والاسلوب الرخيص تعالوا

هلا أختي
عزيزتي عدم ذهابك في مناسبة العيد تصرف خاطئ
وكان من الواجب عليك أن تذهبي من نفسك بدون توصية منه
عزيزتي الوصول لقلب الرجل هو تقدير أهله وإكرامهم جامليهم ومن أجل عين تكرم مدينة
ولا تستوعب بعض النساء أنها من الممكن تهدم بيتها حينما تعاند زوجها في الذهاب لاأهله
ولا داعي أن تستغني عن زوجك لانه مهتم بأهله
طيب أنتي ضعي زوجة أخيك مكانك وأعتبري أن المسافر أخيك وجاء العيد وزوجته لم
تأتي للعيد ولم تحضر لمعايدة أمك ياترى ماموقفكم ؟؟
هل تلتمسي لها العذر ؟
حاولي أن تكسبي زوجك وحاولي أن تراضيه ولا تدعي مجال للجفاء والزعل بينكما
حتى لايعتاد على ذلك وصدقيني الرجل لاينسى المعروف الي تقدمه الزوجة لاأهله حتى ولو نسوا ومرت السنين
لن ينسى وسيتغير ويكون كما تحبين وستدركين أن زيارتهم وتقديم الهدايا الرمزيه لوالدته
من أسرع الطرق لحبه وعندها لن يستغني عنك وسيحبك أكثر
تعوذي من الشيطان وأدركي زوجك قبل أن يضيع من بين يديك
وفقك الله وألهمك الصواب

طيب انا ماطنشت وعدم روحتي ماكان فيه احد يوديني وانا وضحت له وثالث يوم رحت لهم بس هو الى الان طناش ولايكلم ولااتصل

هلا حبيبتي كل سنه وانتي طيبة : )
وأن شاء الله الأمور تتصلح بينكم بأذن الله .. القمر الحائر ماقصرت ربي يسعدها ويجزآها كل خير
ياليت حبيبتي تقرأي ردها كم مره وبهدوء .. وحاولي تفكري كيف تجذبي زوجك عن طريق أهله
لأنه واضح ماشاء الله انه زوجك متعلق بأهله ..ومو هو لوحده أغلب الرجال كدا
وزوجك حابب أنك تكوني قريبه منهم اكتر وشايف قلة زيارتك لهم عدم احترام ومحبه من طرفك
ممكن ماتكوني قاصده الشئ دا ..بس هادا الي واصل له
شوفي حبيبتي أنتي يبغالك تتصرفي بحكمه وبصبر أكتر كدا.. ولاتتسرعي بالتصرف
انتي غلطتي يوم العيد .. كان بأمكانك أنك تبلغيه وتتصلتي عليه قبل يوم العيد ..
وتتفاهمي معاه علي ظروفك وان مافي أحد يوصلك
وتظهري له أنك تبغي تروحي تعيدي عليهم .. بس الظروف منعتك ..
وتسأليه أيش رأيك ..كيف أتصرف ؟؟!!
صدقيني كان موقفك راح يكون احسن من انك طنشتي واستنيتي لحد ماهو أتصل وسألك ..
مشكلتك مع زوجك انو أنتي علي الرغم من أنك بتحاولي انك تتواصلي مع أهلو
زوجك مو واصل له لحد الآن !!! أنك فعلآ مهتمه بأهله وتحبيهم وأنك حابه تتواصلي معاهم أكتر علي الأقل عشانه
وعشان كدا بيقولك الي مايبغي أهلك ماأبغاه !!! ؟؟؟
.. فكري أكتر بكلآمه ..
أيش رأيك مثلآ .. لو مره لما تكوني رايقه وفاضيه .. "أنتي" مو هو .. اللي تقوليلو أبغي أروح عند اهلك حبيبي
وتكوني مجهزه معاكي حلى وقهوه أو شئ بسيط كدا
مثلآ تكونو خارجين بمكان عام أو مطعم وتقولي لزوجك أيش رأيك نعدى علي أهلك ناخدم معانا
أو بلاشي ممكن تقوليلو نجيب عشا معانا ونروحلهم ..أذا مو حابه يخرجو معاكم
ممكن تكونو في السوق بتشتري شئ ..حاولي تفتكري امه او اخواته قوليلو أيش رأيك بهادا لفلانه أو لمامتك
الي أقصده من كلامي ياغاليه وضحي له انك فعلآ تبغي تتقربي لأهله
مو تنفّري منهم وهو الي يدفّك دّف لمحبتهم ..أتمني تكوني فهمتي عليآ ..؟
انا متأكده من كلامك انك ماشاء الله عليكي أنسانه ذوق وطيبة وبتروحي لهم وتوجبي معاهم
بس ممكن زوجك بيجي يقولك روحي أو يله اتصلي بأهلي
بوقت غير مناسب لكي تكوني تعبانه او طفشانه ولا مافحالك
حبيبتي نصيحه مني ..
احنا بأيام عيد وهو بعيد عنك لاتطولي أكتر ببعاد ووزعلك وخصوصآ لو كنتي انتي الي غلطانه
ماهقولك أتصلي عشان شكلك زعلانه مره !! .. أرسلي رساله دحينه
تحاولي تتأسفي منها بطريقه حلوه غير مباشره ..أنك زرتي أهلو ووجبتي معاهم وكانو مبسوطين فيكي وانتي مبسوطه معاهم
وماحصل شئ لزعله دا كلو .. وذكريه أنك كيف مشتاقه له ولبيتك ولقعدته معاكم
وكلمتين حلوين كدا لطفّي الجو بينكم : )
ويارب يصلح حالكم ويسعد قلبكم عاجل غير أجل
اللهم آمين

علي فكره حبيبتي حبيت أوضحلك شئ نسيته
وتعليقآ علي انك تقولي ..
"انا متضايقه من ذا الشي انه لاسمح الله لو صارت مشكله كبيرة مثلا اكيد ماراح يوقف معي وبيهيني كيف اخليه يفهم ويوازن بيني وبين اهله"
وقت ماتكوني انتي وزوجك زعلانين مع بعض
وانتي تكوني طيبه مع أهلو وقريبه منهم
هما الي راح يمنعوه عن أي شئ يضايقك ويحاولو يصلحو الي بينكم مهما كان
حبيبتي مافي شئ أسمه كيف أفهمه أنو يوزان بيني وبين أهله ..
أنتي غير وهما غير !!!
لاتحطي حالك بمساواه معاهم .. انتي اللي راح تكوني خسرانه لا قدّر الله !!
انتي الي تحاولي توآزني بين ظروفك وبين ظروف زيارآتك وأهتمامك لأهله
زي ماتهتمي لزيارتك لأهلك ..
أعتبريهم زيهم وبغلاوتهم ..عشان تحافظي علي مشاعر زوجك وحبه لكي
وأن شاء الله ماراح تندمي

والله مشكلتج م اتوقع انها معقده
وحلها بيدج
بالذات اذا كانت امه طيوبه وخواته كذلك اما اذا كانو عكس ذلك
فالله يعين
وغير كذا رتبي جدولج وخليهم من اولوياتج

الله يسعدكم
وكلامكم من جد مفيد

الاخوات ماقصرو الله يعطيهم الصحه والعافيه