ليه يعني ايش السبب

راجيه رضاك ياربي

26-09-2022 - 03:38 pm

السلام عليكم ورحمة الله وبركاته
اخباركم يابنات ان شاءالله بخير
احب اخذ رايكم دايم لاني صرت ماارتاح للي حولي مالي الا ربي ثم انتوا
بقولكم شي محيرني
انا بنت والحمدلله جميله واغلب الناس يمدحوني ماشاءالله دايم اتسائل
يعني معقوله اللي تحضر زواج ترقص تنخطب واللي ماترقص ماتنخطب
اللي يخطبون يهمهم الرقص اكثر من الجمال
لان في بنات ينخطبون وهم جمالهم اقل من عادي واخلاقهم ماش
جاوبوني يمكن سالي سخيف بس ابي ارتاح
ممكن تقولون نصيب بس الخطبه مو مثل الزواج
على الاقل معنوياتي ترتفع لما احد يخطبني حتى لو ماحصل نصيب

التعليقات (9)

ندى الحياة..

26-09-2022 - 05:55 pm

ياعمري انتي لاتستعجلين
نصيبك ماراح احد يأأخذه
بس عندي لك نصيحه واناا جربتهاا شخصيا
اناا نفسك ماحد يشوفني وماينعجب فيني الحمدلله
بس ماحد خطبني
صدق مافكرت بالزوااج
بس ولو مثل ماقلتي رفع للمعنوياات شوي على اني مافيني نقص الحمدلله
استغفرت الحمدلله تقريباا اسبوع او اكثر متواصل وبعدهاا دعيت ربي قبل صلاة الفجر بقلب خاشع انو ربي
يرزقني الزوج الصالح اللي يحفظني ويستر علي ويوفقني معه في نفس اليوم العصر جاتني امي وقالت في ناس بيجون يشفونك
وماحطيت في بالي ابد اني اتزوج في هالفتره
وشافوني ويبوني اكيد احم احم
والحمدلله الرجال مو ناقصه ولا شي ماشاء الله اخلاق ودين ومال بس مابعد ربي يكتبه من نصيبي دعواتك
مثل ماقلت لك لاتستعجلين بس عليك تستغفرين وبيجيك اللي تتمنينه من غير تعب وتفكير
ولا تحاتين وخليك واثقه من نفسك
استغفري وان شاء الله خير

راجيه رضاك ياربي

26-09-2022 - 06:56 pm

ندى الحياة..
الله يجزاك خير
ياربي يتمم موضوعك على خير
وتعالي بشريني البنات هنا ماراح ينسونك من الدعوات
تسلمين على المرور

#غلا

26-09-2022 - 07:57 pm

والله ياحبيبتي كذا احسن ولا انك تنخطبين على طول وتنجرحين ومتحلمين ومايصير شس
انا مثلك مااشاء الله ماحد يشوفني الا يمدحني واغلب الحريم يقولون وين العرسان عنك خ بسم الله علي هع
بس وربي كرهت نفسي من كثر مانخطب ولايصير تعبت وكرهت شي اسمه خطوبه واسؤ يوم عندي اذا احد دق قال خطبه
بالاخير جاني واحد وماكنت مقتنعه مره استخرت واافقت وملكت بس قبل زواجي فسخت العقد
ومازال مسلسل الخطوبات مستمر مدري الين متى<<<ببكي
معليش تكلمت كثير بس ابي اقولك كلنا ودنا نحس اننا مرغوبات بس اتمنى ماعاد انخطب الا لابن الحلال الي بيكون زوجي
وربي يرزقك بالزوج االصالح عاجلا غير وانا وكل بنت يارب

غيداء الخدر

26-09-2022 - 08:58 pm

الله يسر لك ولد الحلال اللي يصونك ويعرف قدرك
يارب

غ ـيمة مطر**

26-09-2022 - 09:59 pm

والله ياعمري كلنا عالهوا سوا وانا متلك ماأرقص وفي 20سنة مارقصت غير 4مرات وانا صغيرة ونصيبنا جاي وماعلينا الا الصبر ومانستعجل وبيني وبينكم راح استخدم طريقة العسولة ندى الحياة
>>ماني مستعجلة..ملاحظة؟؟ ؟
ههه
أتفشلت بس مواضيعكم والله تحرك الواحد بالغصب..
ربنا يرزقنا اللي يخافو ربنا فينا ونخاف ربنا فيهم احنا وكل المسلمين..يارب..

راجيه رضاك ياربي

26-09-2022 - 11:00 pm

#غلا
وانا مثلك ياقلبي مو مسنعجله
بس علشان يرتاح قلبي
واعرف اني مرغوبه

ام وسسسن-

27-09-2022 - 12:01 am

ليه كم عمرك انتي .. معليش ع الحشريه
بس حسيت انك مره مهمومه من ناحية الزواج

راجيه رضاك ياربي

27-09-2022 - 01:02 am

لا مو مره مهمومه بس محتاره من ناحيه هالموضوع توني ببدايه العشرينات

غ ـيمة مطر**

27-09-2022 - 02:03 am

الله يطمن قلبك حبيبتي اليوم قبل بكرة واحنا معاك
أدعيلنا معاك ولا تنسينا...

والله من جد مشكلة←
فضفضه مطلقه→