مآدري وين المكآن الانسب للموضوع هنا ولا افتح قلبك لكن وربي إنه طفح الكيل

السلام عليكم ورحمة الله
رمضاان كرريم عالكل
بدخل بالموضوع ع طوول لاني وربي مالي الا الله ثم انتم ’ دايم سبحان الله ادخل مواضيع البنات هنا
واقرا مشاكلهم واحاول اساعدهم بحلول او اضعف الايمان ادعي لهم
الحين جاء الوقت اللي انا احتاج فيه لمن يوقف بجنبي بعد الله
المهم بنات انا متزوجه ولله الحمد صار لي سنه وعندي بنت عمرهاا شهرين ونص, زوجي من النوع الحنون والعاطفي ولله الحمد
موضف ويداوم شفتات من ناحية التمشيات اوكي نطلع بين فترة وفترة واحيان نتعشى برى ونغير جوو
يعني بصرااحه في ايجابيات لكن سلبياته للآسف اكثر
اولها مايصلي ويعترف انه مايصلي ومقصر بحق ربه ودايم يقول لي ان شاء الله اني بصلي مع اني ليومكم
ماشفته يصلي يعني وش غير هالشهر الكريم تخيلو انه يصووم لكن صلاة مافيه ومتعب عمره وربي سبحانه مايقبل صيام بدون صلاة تقولون وين دورك؟ وربي تعبت وانا انصح فيه مابقى اسلوب ماجيته فيه لكن مافيه فايدة!!
والشي الثاني واللي دايم يسبب مشاكل بيني وبينه الصررفيه... انا ادرس آخر سنه الحين بالجامعه طيب لاحظت من يوم تزوجنا انه مايمشي لي مصرروف شهري ثابت,, وهو من حق الزوجه صح ولالا؟؟؟ لكن لما اطلب منه شي يجيبه ويشتريه لي ماايقصر لكن فلوس مصروف شهري مايعطيني الا شي من مزاجه و ناادر ناقشته بهالموضوع قال ماقدر ع صرفيتك لانك لسه تدرسين وادفع لسواقك لما تتخرجين بعطيك تحملت وقلت مو مشكله بصبر!
المهم انتوا عارفين الحين اننا ع وجه عيد جاء وعطاني للعيد 1000 ريال وانا في بيت اهلي بحكم اننا ندور لنا شقه ثانيه لان شقتنا الي ساكنين فيها محتاجه صيانه ومطوله ,تفآجأت انا قلت له الف ريال انا وبنتك فيهاا!! وشو يعني تراها ماتكفينا!! قال انا ماقدر ميزانيتنا ماتسمح والشقه اللي بآخذها محتاجه ادفع لها مقدم 10000 ومدري ايش لما اخلص منها يصير خير.. قلت يعني قبل العيد بتزودني؟قآال مدري وراح..
ثاني يوم كلمني كنت وقتها متضايقه من موضوع بيني وبين اهلي وجلست اسولف معه لكن ماقلت له وش فيني لاني ماحب اسولف له عن مشاكلي معهم ابد وحس انه فيني شي, قال اسمعي بقولك اجل شي حلو ؟ قلت وش؟ قال شريت لي بلاك بيري بسعر خيآالي,, انا وقتها تفآجأت انصدمت وسكت!! قلت ايش ؟؟ مو تقول ماعندك فلوس مدري ايش.. قال منتي مبسوطه قلت ع ايش افرح وسكرنا(مع العلم انه عنده جوال ومو محتاج يشتري جديد وقبل دايم كنت اقوله ابغى بلاك بيري يقول لآ مافيه مايصلح لك)
مع العلم ان ابوه بخيل من قبل مايتزوج وهو مخلي صرفية بيتهم عليه والفواتير وكل شي
حلفت اني ما اشتري للبنت ولاحاجه كلها بشتري لنفسي فيها الا ماشاء الله عشان يعرف يصرف زي
الناس
مااقول غير حسبي الله ونعم الوكييل
شرايكم ؟كل وحده تحط نفسها بمكاني وترد بكل صدق