ما تخيلتك حبيبي قصة جدا رائعة وكاملة

&&&&&&&
في بريطانيا بدر و مروان راجعين من الجامعة بدر: لا تجلس يللا على المطبخ مروان :ليه بدر : حبيبي اليوم دورك مروان : حرام بدر خلني ارتاح بدر: لا بسرعه ساعة واحدة والغداء جاهز مروان : ما في غير البيض بدر: إن صلحته ع رأسك مروان : تعبان ابطلب من المطعم بدر بنذالة :لا على المطبخ مروان : أنا ولد عمك ماني بطباخ بدر : ما رحمتني أمس مروان :أوف منك
&&& &&&&
دخل طلال شاف أبوه وعمه أبو ماجد وسلم عليهم وجلس جنب عمر طلال : خير عمور أشوف أجتماع في البيت عمر: عمورفي عينك ما تعرف تقول عمي عمر طلال : بصوت كله نعومه أدلعك عمر : دلعك مثل وجهك ضف واسمعه أبوه وناظر فيه أبو طلال : أن شاء الله مو عاجبك عمر وأبو ماجد يضحكون وهو فاتحه عينه يناظرهم طلال : لا أنتو فيكم الخير أبو طلال : أحسب بعد وبعده بفترة دخل ماجد و مازن وسلموا و جلسوا يتكلموا بين الشغل والد راسه مازن :ماذا تفعل الشرطة في البيت طلال : أقول ممكن تتقلع ماجد: طاح وجهك مزون مازن: لا ما طاح ملزقه عمر : مليق رن تلفون المجلس وارفعه مازن مازن: الو شهد تعاتب نفسها على تصرفها قدام مرة أبوها اعرف إن تصرفي غلط من الأساس.. بس ما اقدر امنع نفسي وما أعرف أزين كلامي ماهو بقصدي والله بس غصب عني شهد: أقوم أبدل ملابسي وانزل تحت بدل الهذره الزايده
*********
دخل سعود وهو يسمع أخته هدى وهي تشتكي من شهد و خناقها مع طلال لفرح سعود : هههاي أقول ماهو بشئ جديد قديم هذا الكلام من مبطي فرح وهدى التفتوا إلى الصوت عند الباب سعود: السلام عليكم فرح و هدى: وعليكم السلام سعود بعد ما سلم جلس جنب زوجته فرح : سعود وش ذي الريحة سعود : حدك مافيني ريحة كلي عطور فرح : إلا فيك وقويه بعد ما جلست هدى : ههه سعود ألحق زوجتك تتوحم فيك سعود : لا حرام فرح ما فيني أشيل أغراضي من الغرفة هدى: ههه فرح : خلت أيدها على خشمها وهي تقول: سعود خلك بعيد سعود من قلب : أشوف فيكي يوم يا شهد فرح وهدى وهم يضحكون ليه سعود : تقول تخيل تتوحم زوجتك فيك وصار هدى: احم احم سعود أنا كلمت بو ماجد عن خطبت ولد خالك سلطان لشهد سعود: وش قال طيب هدى : خليني افكر وارد بعد كم يوم سعود : متي كلمتيه هدى: في نفس اليوم سعود: من أسبوع ومارد فرح :أن شاء الله تتوفق شهد هدى : ما ظن ترفض سلطان من صغار وهم مع بعض
*** ***
مازن : يأهلا يا أحلى البنات التفت الجميع له ظنوا آنه يكلم شهد أم ماجد : وجع يا مزون أنا بنت مازن : وأحلى بنت و ماما أبو ماجد ناظر مازن في عصبيه أبو ماجد : بنت في عينك قليل الحياء مازن : يبه اشفيك تراه مزوح أبو ماجد: أحد يمزح كذا مع أمه ماجد: هههاي ياولد العب بعيد مازن : أقول قيس خف شويتين الكل ضحك على تعليقه ... وأم ماجد على التلفون أم ماجد : الو .الو مازن مازن : أه نسيت أمي أم ماجد: أخيرا ولا نامت. .. قول لرجال يروحون يم غرفة الطعام مازن : حاضر ...الوالدة تقول يللا الغداء أبو ماجد : ما تعرف تقول تفضلوا مازن:أسف غلطه مطبعيه أبو ماجد: مافيه أمل منك تثقل .. تفضلوا بو طلال : أخر العنقود سكر خليه يدلع طلال : إلا أخر عنقود مر مازن : لا تحاول قال عمي أني سكر ماجد: عمي أصلا غلطان
*** ***
مروان يحوس بذا المطبخ وبعد عشر دقايق خلاص مروان : بدر الغداء جاهز بدر يناظر الآكل ويناظر مروان مروان يضحك بدر : لبنه و جبن مروان : ههه هذا الي قدرني الله عليه
*******
على فكره الحريم ما يتغطوا بس يتحجبوا وجمعت العيله كل أربعاء مرة في بيت أبو طلال ومرة أبو ماجد دخل الكل وشافوا السفرة جاهزه وجلس كل واحد في مكانه ماعدا شهد متأخرة شهد : السلام عليكم جميعا وجلست جنب أبوها طلال: اتأخري أكثر شهد:ياربي سكتوه هذا أبو طلال : بكيفها تتأخر لغاية بكره شهد: تسلم يا عمي مازن :عمي أتكلم عن نفسك شهد : وأنت طلال وش قاهرك تب تأكل محدن بماسكك طلال : كيفي .. و في أحلامك أسكت شهد : طيب ما عليه مزون يا دب أبو ماجد بغضب: شهد أ كلي وأنت ساكته شهد تجاهلت نظرات أبوها عمر حبيبي أتكلم دافع ليه ساكت طلال : عارفن انه لسانك طويل شهد:أنت يا ضفدع محدن كلمك الكل يضحك طلال :أنا ضفدع يا كيس الدجاج مازن: هههاي حلوه طلال :اجل بوسها ماجد: ههه بايخه بو طلال : الواحد ما يأكل في هدواء ابد ماجد:طلال وراك على أختي عمر: مازن طلال مالكم شغل بحبيبتي بوماجد: مافي أمل يسكتون لمن يجتمع الثلاثي المرح شهد: أي ولله تقول قاتلتن احدن من أهله طلال : بل ماهي بكلمه قلتها شهد :عساك من الحالة ذي وأردى منها أم طلال وأم ماجد يضحكون على أولادهم طلال : شهد أنتي صه ......
شهد: أنت صه ماجد: خلونا نتغدى بو ماجد: استغفر الله العظيم.. وبعدين معكم شهد بتريقه: خلاص نسكت ..لكن .....؟ !
و بعد صراع بين طلال وشهد ومازن على خناقة أبو ماجد و أبو طلال عليهم وبعد الغداء انتقلوا للصالة
*******
بدر: المهم نعمه والحمد الله على الموجود وبدوا الأكل بهدوء مروان : بدر مشتاق لأهلي خاصة شهودي بدر : وأنا اكثر وش رأيك نروح أسبوع مروان: حلو تمام متى بدر بحماس : هذا الأسبوع مروان : اوكي خلاص تم بعدها كل واحد راح لغرفته يرتاح
*** ***
هدى تذكر كلام بوماجد لما اتصل من ساعة انه شهد رفضت وهو بعد ولد خالها وكانت تبي تعرف سبب الرفض انه واحد ثاني متقدم لها وهو موافق و تفاجئت لمن عرفت سعود : هدى وش فيك متآكلي هدى : تظن انه قال لها سعود: الحين لا ما ظن هدى: ما بتوافق سعود : بس هذي المرة غير هو رفض ولد خالي مثل ما قالت على شانه هدى: آيه هي تحبه مثل أخوها وشلون بتعيش حياته معه سعود: الله يهديها هدى : تتوقع راح يجبرها سعود باستغراب : هذا ولد أخوه فرح: القريب أولى من الغريب هدى: شهد هي رافضه الزواج ما اعرف حاسه بدوامه وبتبدى تبكي فرح: اهدي أنت وانتبهي على صحتك هدى وهي تبكي: شهد على هدوئها نار ما تحب أحد يفرض عليها شيء والله لا تقلب البيت فرح: أنتي حاولي انك تفهميها سعود يحاول يهدئ أخته:أنا معك راح نقنعها هدى :آن شاء الله يوسف يقنعها صدق أنى ما توقعت لما شهد رفضت ولد خالي حتى بدون ما تستشيرني فرح : وهي من حقها ترفض أو تقبل هدى : الحين أبوها بيفرض عليها واحد ماتبيه
*** ***
جالسين يشربون القهوة ومشاورات دايرة بين شهد ومازن وطلال مازن جلس جنب شهد هو يغلس عليها وهي تعصب وتضرب فيه عمر عصب: أنت و إياها ما تستحون مازن بحماس : ما صدق عمي عمر يخانق شهد طلال يرفع يده مبسوط: الحمد الله شهد فاتحه عينها و بدلع : عمي صدق عمر يضحك و يرقع :أنا ما قصد حبيبتي أقصد ناس شهد باستهزاء: لقط وجهك أنت مع ولد عمك وطلال: ترى إذا ما سكتي راح تندمي أبو ماجد يضحك: عندك هي شهد: لا والله بايعني أبو ماجد يبتسم :حق طلال بس طلال : دام عمي رخص لي ما علي من أحد شهد بتريقة: بأحلامك التعيسة ماجد بكل جديه: ورعان بجد بوماجد وهو يوقف: شهد تعالي لمكتبي شهد: تبي تكلمني بموضوع مثل هذاك اليوم ماني برايحه معك ومنيب موافقه بوماجد يصرخ: شهد إذا قلت كلمه اسمعيها وراح لمكتبه انصرع الكل من صرخة بو ماجد أم ماجد: شهد الله يهديك بسرعة روحي شهد بتردد:طيب...تعال عمي عمر معي عمر: أسف مازن يضحك عليها: مو مكتب داخله حرب شهد بتوتر: وأكثر من كذا مازن تعال معي مازن هو يتمدد على الكرسي:آسف طلال باستهزاء: مبروك مقدما شهد منقهره: أنت حط لسانك يا ضفدع دخل فمك ماجد مبتسم: وعليك أنت بعد طلال طلال خلاص وصل حده : احترمي نفسك لاقوم أتوطى بطنك شهد تخصرت: ما تقدر عمر وهو متضايق: طلال شهد خلاص و روحي عند أبوك شهد وهي تناظر طلال بحقد : أن شاء الله واخذت مخده صغيره تضرب فيها راس طلال وتهرب طلال يتألم: طيب اوريك بعدين والتفت على ماجد وآنت أش تقصد وهي رايحه تقدم رجل وتأخر الثانية وتفكر في وش يبي فيها؟؟ عمر في خاطره: الله يعينك يا شهد
*******
جلس يفكر كيف يقنعها بدون ما يعصب وهي رأسها ناشفة وهي رفضت أكثر من واحد و ما راح يسمح لها هاذي المرة ....
ودق الباب ودخلت شهد وجلست أبو ماجد: بدون مقدمة رجل خطبك وأنا موافق ها وش قلتي؟ شهد باستهزاء : مبروك ومتى الملكة أبو ماجد: شهد شهد فقدت أعصابها وهي تصرخ و تقول
: بأي حق تقرر بشيء يخصني وبحياتي أبو ماجد انصدم و ما توقع ردت فعل شهد كذا أبو ماجد: شهد من حقي أتصرف إلي في مصلحتك والملكة الخميس الجاي ...
شهد بكل كره وهي بعيد عنه و انحرمت من حنانه شهد: عن أي حق تتكلم أنت مالك حق في شئ وعن وانت منت بداري عنا من بداية حياتي وتو تجي وتتكلم عن حقوقك !!
انت لك مني الاحترام والتقدير واكثر من كذا لاتطلب يبه مع احترامي حياتي أنا أقررها
*** ****
الكل ما هو متفاجئين من صوت شهد العالي ماعدا طلال ومازن طلال مستغرب : هذي أنجنت ولا ايش ؟ !
مازن خايف على أخته : وشفيها أم ماجد وهي خايفه على شهد تجرح أبوها... عمر روح لها ادخل هديها عمر متوتر : أنتي تعرفين يوسف ما يحب أحد يدخل طلال: فهموني ماجد : أقوله طلال: عن ايش عمر يناظر أخوه مستغرب: ما تدري..فهد أنت ما قلت له؟ أم طلال : عمر بعدين عمر : اجل متى لمن يطيح الفأس في الرأس... طلال أم طلال:لا لا لا يا عمر طلال بغضب : ما احب يحصل شئ من وراي أبو طلال بهدوء: طلال تعال معي
***********
أبو ماجد بغضب: شهد ..أنتي انجنيتي
7
7
7
7
إن شاء الله ينال إعجابكم

$$ الجزء الخامس $$
. علمتني انتظرك كل يوم بس ما علمتني كيف أداري وحدتي في غيابك شهد هي تبكي:أيه..محد له حق يتخذ قرار عني أبو ماجد: ليه أنتي بنتي فاهمة شهد برجاء: إذا أنا بنتك ارفض المتقدم أبو ماجد بصرامة :خلاص أنا معطي الرجال كلمة وأنتي وعطيتك أكثر من فرصه شهد تصرخ : فإذا رجعت لكم بكره وأنا مطلقة ثاني يوم الزواج لا تلوم إلا نفسك أبو ماجد : لا أنا واثق فيه. .. ما تبين تعرفين المعرس شهد وبصوت عالي :لا لا أبو ماجد بحازم: لا ترفعين صوتك...طلال شهد :من طلال أبو ماجد: ولد عمك شهد بيأس: ما دريت أنك تكرهني
*** ***
أبو طلال بصيغة أمر : أنا خطبت لك شهد طلال وهو يصرخ: وشلون يبه وشلون ؟ أبو طلال بأمر:خلص.. والملكة يوم الخميس طلال بقهر:يبه أنت ما أخذت موافقتي ولا حتى رأي بالموضوع أبو طلال:يعني بتكسر كلمتي جلس طلال على الكرسي يفكر ... وقف وهو يقول اجل خناق شهد مع عمي لجل الموضوع هذا؟ أبو طلال :أيه بس ما تعرف من المتقدم يمكن بو ماجد يقول لها الحين طلال :يبه هي ما عرفت كذا ..اجل عرفت أبو طلال : الخطبة بين الرجال وهي مالها رائي طلال بقهر: يبه أنت ما ترضى أخذ وحده بالغصب و أنا مآبي شهد أبو طلال : إذا ترضى إنزل رأسي وكلمتي قدام أخوي الصغير وأقول له انه ولدي ما يبي بنتك روح قوله طلال حس انه في موقف ضعيف خصوصا انه ما فكر في شهد كزوجه له
*** ***
أم طلال:عمر روح شوف وش آلي حصل عمر بقهر : عارفين شهد وطلال ما يبون بعض أم طلال: كلم أخوانك أم ماجد: ما تبي طلال هي بكيفها وهذا زواج أم طلال : ومن يسمع ماجد: بس طلال ما يرفض أم طلال :إذا هو طالبها مازن بدهشة: يعني غصب عن الاثنين ماجد :أي والله ..ربي يعين هم مازن: طيب ليه عمر يشرح : أبوك لما حاول من باب النقاش مع شهد عن سلطان إذ خطبها توافق وهي رفضت ولد خال أمها وهو عصب مازن بغرابه : طيب ما فيها حاجه أم ماجد : هي ما هيب أول وحده ترفض عمر بغضب: لانه كل واحد احسن من الثاني ليه ترفضه؟ وهو حلف أي واحد يجي يخطب شهد ويكون مناسب يوافق بدون رائي شهد و في نفس اليوم عمك خطبها لطلال وقف عمر وين يروح عند شهد ولا طلال فاختار يروح المكتب رفع أيدها يفتح الباب آلا انفتح
*** ***
بوسلطان متوتر ما هو عارف كيف يقول لسلطان أن شهد ارفضت سارة مستغربه: ليه بوسلطان : ولد عمها طالب ايدها سارة : وشهد موافقة بوسلطان : أكيد وليه ترفض ولد عمها سارة : طيب أي وحد فيهم بوسلطان يفكر : أظنه طلال سارة منصدمه : مستحيل وهي توقف دخل سلطان وهو يغني سلطان : السلام عليكم ..ويقبل راس أبوه سارة و أبوها : وعليكم السلام سلطان : ام ما كأنهم تأخروا بالرد بوسلطان اعتدل في جلسته : أنت عارف أنه الزواج قسمه و نصيب سلطان بتوتر : يعني بو سلطان : مالك نصيب عندهم سلطان عصب وطلع وبو سلطان ما قال له شهد خطبها ولد عمها ما حب يزيد على أولده
**********
أبو ماجد مستغرب من تفكير شهد بدون شعور أنزلت دمعه من عينها وشلون تفكر أني أكرها بنتي وأنتي أول فرحتي أبو ماجد: شهد أنا أكرهك أنا شهد بغضب وحقد : آيه أبو ماجد جلس منصدم : ليه ليه شهد تبكي: لو كنت تحبني ما تخليني أعيش بعيده عنك حتى لو عند خالي ما قصر لكن أنا كنت وهي تأشر بيدها عليه آبي أبوي هو أول ما أقوم من النوم أشوفك قدامي تضمني وننزل مع بعض وبعدين توصلني المدرسة وترجعني وبعدها تسألني عن المدرسة وعني ولا مرة سألت ولا فكرت انك تأخذني لحضنك أو تخذني من داخل المدرسة إلى الكلية أنت عيشتني بوحده رغم ألي حوالي تفكيرك كله بالولد وأنا وين وين ؟؟؟؟؟ أبو ماجد بدهشه : كل هذا في قلبك شهد تصرخ : وأكثر أبو ماجد بألم: ما كنت أبى أبعدك عن أمك شهد منهارة :ما تبي تشيل همي وتعيش أنت وزوجتك و أولادك بدون هم آبو ماجد يحس بتعب: يكفي شهد يكفي وقراري ما راح ارجع فيه شهد تركض عند الباب وهي طالعة تلتقي بعمر بوجهها
*** ***
هدى تشرب شاي وتفكر بشهد مستحيل تتزوج طلال لأنها تظن انه نفس شخصية أبوها بلا مشاعر سعود: طلال رجل بمعني الكلمة هدى تطلعها :ماهوب المهم رائيي المهم رائي شهد وإحساسي أكيد أبوها راح يغصبها فرح :ليش ما هو بكيفه سعود : أبوها يبي مصلحتها هدى :أنتي ما تعرفين يوسف إذا عاند وشهد طالعه عليه الله يا ستر عليها ودق جوال سعود وشف رقم عمر و هدى شفت الرقم كانت جالسه جنبه

واذا لقيت حماس راح كملها لكم..

حبيبتي تكفين كمليها من شاان أقرااها كااملة
زأنتم تعالوا ويين الحماس

غيووم المحبة
هلا والله ابشري حبيبتي..

توني ببدي اقرا يالله عاد كمليها عشان لو لتها الليحن اسهر عليها الليله
تموت بقصصش تكفين كل يوم ابي قصه حلوه مثل مريم وسلمان -------متاثره للحين فيهم ههه

دلع طفوله
ههه فديتك والله ابشري من عنوني..

مو عارف اندمج لانه الحروف متشابكه بالكلمات---وش الحل

حبيبتي تكفين كميلها بسرعة أرجووك يا الدلووعة