ماابغا اكون كالعامله لكن كيف لو احوجني

بالعكس ... الراتب الشهري هذا جزء من حقوق المرأه على زوجها
وما فيها اي خجل انها تطلب منه راتب شهري يخصصه لها ويعطيها اياه
انا وعن نفسي بدون ما اطلب كل اول شهر يتحول من حسابه مبلغ وهو مصروفي الشخصي
وخصوصا انه هو اللي معارض فكره العمل يعني بروحه يتكفل ويدفع لي الراتب اللي كنت اخذه كامل

اشكرك اختي على مشاركتك للموضوع
الله لا يقطع له عاده ان شاء الله ...... ادري انه من حقوق المرأه الشرعيه بس عاد لما يكون الزوج متهاون على اساس انك اذا احتجتي شي تقولي له ولازم تقولي ليش تبغي المبلغ وصراحه ما يقصر في اكثر الاحيان لكن لو اني ماابغا اقول او ابغا اسوي له مفاجأه او اشتري له شي يعني حلو يكون مع الزوجه مالها الخاص

يعطيك العافبه بصراحه انا مااشتغلت ولا يمشي لي مصروف شهري لكن اذا بغيت شي اقول له مع انه مارفض فكرة الوظيفه لكن في نفس الوقت ماكان متحمس

اختي زهور الشام سعيده بمشاركتك والله يسعدك
حتى لو كان مو رافض انك تتوظفي على الاقل بس يخصص لك المصروف واذا كان حالته الماديه ما تسمح اقبل بالقليل مو مهم لكن يحسسني انه مهتم وعلى فكره مو كل النساء يقدرو على الوظيفه والبيت في وقت واحد

اول شي بالنسبه للموضوع موضوع جميل وشيق نظرا لانه يلامس واقعنا الذي نعيشه في الاّونه الأخيرة
( احس اني قلت كلام كبير مدري ليه)
نرجع للموضوع:
من وجهة نظري الشخصيه ومن خلال خبرتي المتواضعه في الحياة اعرف انه للضرورة احكام
فالعاطله عن العمل او (( ربة المنزل زي ما يقولون ))
لها مزايا وهي اهتمامها باطفالها على اكمل وجه
لكن ماراح تساعد في المصاريف المعيشية
ومن حقها يعطيها مصروف حتى لو كان بسيط >>>>>ضريبه الجلسه في البيت...
,, اذا كان الرجل يمتلك مصادر للدخل( راتب وافر ومصادر دخل اخرى) اقدر اقول ان الزوجه لها نصيب من دراهمه ...
والشغله يااختي يعود لطبيعة الزوج واحتياجات الزوجة ...فأ اذا كان راتبه ما يساعد فتحاول بقدر الامكان تكون له عون مو فرعون والطلب وقت الحاجه احلى و يخليه يعطيك بلا حدود...
اما المصروف الشهري يخليه يقول في باله : خلاص انا عطيتها ويحس براحه منها ومن عيالها لان الدفع مقدم ههه
اذا كان الزوج مسرف ودائم الصرف خارج البيت على سهراته ونفسه واصدقائه !! فالافضل ان تطلب الزوجة مصروف شهري لتضمن ان ترى من اموال زوجها الشيئ اليسير..!!
...صحيح إنه مو ملتزم يعطي كل شهر(لكن القرش الابيض لليوم الأسود " ..
اما اذا كان الزوج يصرف بالعقل ودوما يلبي طلبات زوجته , وطلباتها في حدود المعقول دون اصراف فلا مانع ان تطلب منه عند الحاجه ..
وهناك كثير من زوجات يخجلن من كثرة طلب المال من الزوج ويشعرن بحساسية من مد يدها لزوجها لتطلب لشراء ملابس او غيره من أحتياجاتها وهنا انصحها ان تطلب مصروف شهري فتتجنب الاحراج الذي تشعر به و تاخذ من زوجها إللي تحتاجه ..وهي لاتعتبر مثل الخادمه..بل هذا حق من حقوقها..
والرجال المفروض يعطيها دبل..وهو مبتسم بعد!!<<<<<<<<<أجباري مو أختياري..ههه
في نهااية كلامي احب اهدي اغنية لأمي العزيزه وهي خلاص من حبكم يازين عزلنا
<== وش تبي ذي
ولي عوده أشوف باقي الأقتراحات مشان نستفيد..
والسلام خير ختام

بالعكس ماتعتبرين كانج عاملة هذا واجبه انه يعطيج مصروف تشترين به اشيائج الخاصه مو للبيت ... مصروف البيت شي ومصروفج الخاص شي والعيال شي ثاني ... من ناحيتي انا موظفة بس مااحط شي بالبيت لان زوجي متكفل بكل شي اللهم الا اذا انا سويت شي من خاطري ... هذا اذا كان زوجج مقتدر ... بس اذا كان الزوج حالته الماديه شوي صعبه المفروض الزووجة ماتغثه بسالفة المصروف بس على الاقل تاخذ شي حتى لوقليل يذكره باجر لو عنده فلوس يعطيها اكثر ... وتذكري المصروف شي واجب مو صدقة ولا احسان ...
يعطيكم العافيه

اشكركم على تجاوبكم مع الموضوع
صح لسانك يا هومي كلامك صح ومنطقي جدا اكيد الوحده ما تكون فرعون المشكله ان هذا رأي الازواج فينا لكن والله مو كل الحريم بهذه الطريقه بالعكس في بعضهم والله عزة نفسهم حتى على ازواجهم
هو غلط بس عاد المفروض الزوج يخلي عنده شوية ذوق ويعطي من غير لا تطلب والله حتى لو عشره ريال راضيه
>>>>>> مو مره عاد
ميلي اشكرك على رأيك وفعلا المفروض مااعتبر اني عامله بس انا حساسه في هذه النقطه شوي

انا احكي لكم عن نفسي انا ما بخذمصروف لي لاني اذ طلبت منه شئ مايقصر احيان اكون بحاجه لمبلغ كثير اشوي مثل هديه
عروس اووالده فمره تختلف عن مره واحس فيها احرجات اذ كان ميكفي المصروف وقلتي له ابغئ ازياده فخليه
مفتوح احسن لك

فعلا المصروف حق من حقوق الزوجه....واحلى شي لما تكون تبغى تفاجئو بهديه...او تهدي لصديقاتها براحتها...لكن اذا كان الزوج مو مقصر وقايم بكل شي فالأفضل انها (تسكت وتحمد ربها وتبوس ايدها وجه وقفا) لأن المصروف حيحاسبها عليه اذا نقص عليها غرض...ويسأل _ليه وين الفلوس راحت؟!!! وتبدأ المشاكل..
انا عن نفسي ما يعطيني مصروف ...واعاني بعض الأحيان في الهدايا بالذات اذا الناس مو مقصرين معايا ...كنت في البدايه زعلانه لأن كل اللي حولي ومثلي ياخدو مصروف ما شاء الله شي وشويات...لكن شخصيته القويه ماعاد خلتني اطلبه بعد كدا لأن الجواب معروف...والحمدلله..