مادري ودي افضفض مشكلتي

السلام عليكم ورحمة الله وبركاته
كيفكم اخواتي ان شالله طيبووابات
المهم بطرح لكم مشكلتي اهي مومشكلة كبيرة ولا صغيرة مشكلة مضيقة خلقي
بقول لكم قصتي من الاول
انا صار لي سنة متزوجة وعندي ولد بو 8 شهور
طبعا اول ماخطبني زوجي وملكنا قال انه بيسوي لي شبكة وبيبني شقة ببيت اهلة
الحمد لله سوا الشبكة وكان تووة متخرج من الكلية التقنية تخصص هيدروولك
وجا يوم من الاياام اعرض عرضين
العرض الاول انه مابيني الشقة لي ونسكنت بغرفة وحمام ببيت اهلى وهو راح يدرس بكلريووس بالكلية التقنية بالريااض عشاان لاخلص دراسة الزيادات تجية بسرعه بالخصوص راح يكون مهندس
والعرض الثاني اللي عرضة لي انا يا يشتغل ب 7000 ويبني لي الشقة واتنهى الموضوع
انا قلت له لا خلاص كمل دراستك ووافقت انه يكمل بكالريووس بالخصوص اذا اشتغل راح يكون له ول راتب مايقارب 9000 وبعها يوصل اكثر من 20 الف
طبعا هي سنتين هالبكالريووس خلص سنة بقى هالسنة يعني يخلص انشالله شهر 4 السنة الجاية
وبالخصوص ان اهو بالرياض وانا بالاحساء يعني ما اروح للغرفة الا الخميس والجمعه يعني طول السبوع ببيت اهلي وهذا اللي مصبرني
المشكلة او الخلاصة
بعض الاحيان تحز بنفسي وبخاطري موعاجبني وضعنا كذا اجلس اكدر زوجي واضايقة بسبب هالشي
بالخصوص لاسمعت وحدة من اهلي انخطبت او عندها شقة اوو ازعل واتضايق
مو حسد ولله بالعكس بكرا لاشتغل بيشتري لي بيت على طول بس نفسي ابي احس اني زوجة اطبخ على كيفي البس على كيفي اسوي كل شي بشقتي وبراحتي النفسية
بالعكس اهو يقول لي ولله ماراح انسى لك هالشي شكثر انتي صبرتي عشاني وتحملتيني
وانا كل ما اسمع طاري شقة ولا بيت اتنكد وازعل
وبالخصوص جات فترة اخوي بنى في بيت اهلي وكل يوم اطلع لشقة افرفر في الغرف والمطبخ واتمنى وادعي ان يصير لي نفسة واحسن
وخوفي مو على انه ماراح يتوظف بالعكس اهو لاخلص على طول تبيغية الشركات القوية لانه راح يصير مهندس
وجا يوم من الايام تهاوشت معاه اقول له موهذي عيشة واصيح قال لي خلالالاص انتي تامرين حياتي بطلع واروح اشتغل على شهادة الدبلووم 7000
جلست افضفض لخوي قال لي انتي غبية خلية يكمل شوفيني انا اشتغل على شهادة الدبلووم 6000 ومتضايق خلية زوجك شاطر ويحب الداسة لاتحرمينة من اللي يبغية ولله زوجك يحبك ويبغي يسوي لك كل هذا عشانك
وفي الاخير وش تشروون علي صح اللي سويتة ولالا
واسفة على طول كلامي العريض واللي مومنسق
دعواتكم ان ربي يصبرني بعد هالسنة مثل ماصبرني السنة اللي فاتت