ماذا كنتي تتمنين وماذا اكتشفتي

كنت اظن ان الزواج وناسه ولعب وضحك
بس طلع كل تعب وشغل وملل وروتين ممل وزهههق وانا توي بس 3 شهور
الله المستعان

كنت أتمنى..زوج رومانسي..متفهم لحاجاتي النفسية والعاطفية...
كنت أتمناه يجاريني في تفكيري ويزيد ثقافتي في كل شي..
كنت أتمناه يزيد ثقتي بنفسي ويخليني محور حياته وآخر آماله..
كنت أتمنى سعادة لا نهائية وحب أبدي لا يذوب أو يضمحل مهما طالت بنا الأيام..
ولكن...
الواقع أقسى........
يوم زين و3 شين..
برود..مهما بلغ بي العطاء..
وكلمات جارحه...
ويادووب وقت النوم يحس بوجودي..
لكني ما زلت أحاول..
لانه طيب.. وعارفه انه في من الأيام راح يتغير..
وفوق كل شي..يحبني موت..بس طريقته الله يهديه..صعبه شوي..

كنت مااتمناه جميل علشان لما تمشى معاه في السوق ماحد يطلع فيه من البنات
طبعاً غيري
وكنت اتمناه ضخم وطويل واكون وانا بقربه نمله
بس طبعاً دائماً الواقع غير الأحلام
اكتشفت ان زوجي جميل لكني مااقولها ليه ابداً
بالعكس دايم احاول اكشده
وطويل لكن مو ضخم
صادق وامين وشيوم وهذا اهم شئ في الرجال ؟؟هذا من نظرتي له في البدايه
بس الله يستر بعد الدخله بيتغير ولا ؟؟؟؟؟

اناا كنت اتمنااه روماانسي .. كنت اتمنى انه يحسسني اني اناا اهم شي عنده .. لكن تأتي الريااح بماا لاا تشتهي السفن واناا احااول فيه والله كريم

السلام عليكم مشكورة اختي على هذا الموضوع الشيق
بالفعل كل بينت لها فارس احلامها الي تبينه من الصغر ..........................
و كل بينت تتمنى تحصل على هذا الفارس الي داما تحلم به و لكن في بنات ما يحصلون على الي تمنوه و بعض الفتيات عادي يطفون الامر و لكن في بنات ينزعجون من هذا الشي و يحاولن يسون اي شي علشان يثيرون مشاكل...............
فارس احلامي ؟ من هو ؟ و من سيكون؟..................................
فارس احلامي تمنيته انه يكون طويل و ذو شخصية قوية و مثقف و حنون و طيب و متعاون و سموح و بشوش و رحب الصدر و بالة طويل و يحب السفر و محافظ و عارف ربه و يخاف ربه و بار بوالديه و ريال كد المسؤولية و يعرف واجباته و تكون وظيفته عالية .....................
و لله الحمد لقد تقدم لخطبيت وايدين و كل واحد ما يطابق مواصفات فارس احلامي يعني كل شخص يمتلك صفة و ما يمتلك عشرين صفة يعني ز لكن في النهاية تقدم لي شخص يمتلك معظم الصفات الي اتمناها و لكن في صفة واحدة الي خربت علي و لكن انا تنازلت عن هذي الصفة و وافقت على هذا الشخص و لله الحمد فيه معظم الصفات الي تمنيتها و لكن سلبياته اكثر من حسناته و لكن انا اتغضى عن هذي السلبيات لانه هو مسكينة يحاول بكل جهده انه يتغلب من هذي السلبيات مع اني لا اشتكي منه و هذا الي يخليه يحبني اكثر و اكثر لاني بالفعل لازم احنا البنات ما نحاول نذكره بعيوبة بالعكس لازم نحاول نمدحة و نمدحه فتلاقوين الشص نفسه تغير للاحسن و الله يخلي لي فارس احلامي الاسمر الي اموت فيه و الله لا يحرمني منه .............ادعو لي يا بنات

هلا أخواتي .. مشكورات على تفاعلكن بالموضوع وردودكن الكريمة ..
ابله سارونه .. طبيعي أختي تحسي هالشي ببداية الزواج .. كل المتزوجات بعد شهر العسل بيحسوا إنه خلاص انقلبت حياتهم مسؤوليات بس انتي وشطارتك تكسري الروتين .. وتخليه وناسة وقت ماتحبي .. حاولي لا تيأسي
رينا الجميلة .. كلامك كله تتمناه أي فتاة من زوجها .. لكن بالآخر تصطدم بصفات ما كانت تتوقعها .. بس حلو الواحد يركز على الإيجابيات أكثر عشان يرتاح بحياته .. وانتي ماشالله عليكِ واضح إنك بتحاولي تغيريه لصالحك بس شوي شوي .. والله يوفقك إن شاء الله
الحلولو .. الله يهنيكِ إن شاء الله وتلاقيه على طول بنفس الصفات .. بس لازم تحطي ببالك إنه بالبداية فيه صفات مختفية ماتظهر غير بعد الزواج شي طبيعي .. وإن شاء الله يكون كل شي فيه مثل ماتتمني وأكثر ..
**جورجي** .. تصدقي نفس اللي كنت أتمناه حرفياً .. بس نحاول ليش لا.. يمكن يتغير .. والله يسعدك أختي
انمول .. وعليكم السلام .. العفو أختي وسعيدة بمشاركتك بالموضوع وابداء رأيك .. وكلامك عين العقل ..
الله يوفقك ويسعدك إن شاء الله ..

مشكورة أختي على هذا الموضوع والصراحة مو كل الي نتمناه ونحلم فيه يتحقق ، كنت أحلم بزوج رومانسي بكل ما تحمله هذي الكلمة من معنى يسمعني الكلام الحلو وما يفارقني لحظه ، وزوجي الحمدالله زين وما فيه شيء ، قلبه طيب وأدري يحبني بس تتطلع الكلمه غصب منه ، أطلع معاه بالحنه ( يعني لازم أحن عليه ونطلع مع بعض ) غير جذي أحس مرات أنه غامض ما يقولي كل شيء وهم بالغصب يقولي ويسولف معاي ، أحاول أغيره والله كريم مع اني عارفه هذي أمور بسيطه ما تستاهل أهدم حياتي وممكن أتنازل عنها لأني عارفه انه يحبني

هلا اختي سكون
السلام عليكم
انا كانت فترة ملكتي طويله وكانت سنتين وكنت اسمع وعود كتيرة واشياء رومانسيه وهو في الحقيقه كان في الملكة جدا رومانسي
وكنت افتكر انو حأعيش زي الملكة دلع وحب وحنان يحس فيني قبل ما افتح فمي ويعرف ايش ابغى بدون ما اطلب وكنت متخيله ان الزواج خلاص نهايه تعاستي وشقائي ونهايه لجميع الالام اللي كنت اعيشها واللي انتظرتها
بس
بعد الزواج بفترة قصيرة جدا
انصدمت بقوة
طلع العكس
الرجل هو اللي يبغى يدلع ووحده تهتم فيه وهي اللي تسأل وتحن
عكس اللي اتمنيتوه تماما
والان احاول ان اتعايش مع الموقع واحاول احقق الحلم اللي حلمته وليش لأ ؟
تحياتي

أشكركم يالغاليات .. بس نبي تفاعل أكثر ؟؟؟