ماذا لو كنت في هذا الموقف كيف تكون ردة فعلك

السلام عليكم..
حبيت انقل لكم موقف صار لصديقتي,, وانصدمت منه وابي اعرف ردود افعالكم في هذ الموقف لاني لو اطيح فيه ماادري وش اسوي,, اترك الكلام لصديقتي...
حبيت اعمل مفاجئه لزوجي خصوصا بعد ازمة مرض بنتي واللي وقف فيها معي بكل حنيه ,, وبعدين لاني مليت وانا محبوسه في البيت 5 شهور عشان بنتي ما اقدر اخرج بسببها الا اروح عند اهلي او اهله بس,, وحاولت اقوله مليت وزهقت خلنا نسافر نغير جو والبنت بخليها عند اهلي وهو يقول بعدين حبيبتي ,, واخيرا حجزت في فندق راقي جدا جناح عرسان.. وكتبت له الدعوة قبلها بيومين على اساس دعوة عشا ,, وديت بنتي عند اهلي وخذت الشنطة تبع الفندق وخرجنا تمشينا وروقنا ولما جا وقت العشا قلت يلا عالفندق وانبسط بالمره ويوم دخلنا الجناح وجانا العشا ,,, بدت المواويل كيف تتركين بنتك ,, بكم حجزت الجناح وغيرها الين صك راسي من الحنه والغريب انها موعادته ابد يسأل عن الفلوس اذا كانت في وناستنا وهذا اللي مستغربه منه ولما اصر انه يعرف كم كلفتني الليلة انصدم وقال معقوله انتي صاحيه تدفعين هذا في ليلة عندها انقهرت وولعت
انتهى كلام صديقتي وما بقى الا ردة فعلها الطبيعية جدا واللي بكتبها باذن الله.. عاد لو كنت في مكانها وش بتسوين؟؟؟