الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
27-07-2022 - 01:22 pm
السلام عليكم ورحمة الله وبركاته
لي فتره وانا افتش بالنت عن ماركات مكياج كويسه وسعرها مناسب والبنات في المنتديات الله يجزاهم خير
ماقصروا معايا ودلوني على سنتر بوينت والماركات اللي فيه وفعلا امس رحت
سنتر بوينت - الاندلس مول جده - اول مره فحياتي اروحله عشان المكياج
كنت فرحانه مرا >>> اول مرا تشتري ميك اب
المهم اني رحت وياليتني مارحت البياعين اللي هناك بهذلوني بشكل ماتتصوروه
يتضاربون علي كل واحد يبغاني اشتري من عنده حق برجوا يتضارب مع حق ماكس فاكتور و
ماكس يتضارب مع نيكس و الخ وانا لإني اول مرا اشتري ميك اب باين علي اني
هبله وكل واحد يقولي الزين عندي ، صدعوا رأسي بمهاوشاتهم
وحيروني كمان وكل واحد يناديني ويسب
بالثاني من وراه وانا ضايعه وسطهم وربي كأني فحراج اسلوب بعيد عن الرقي
بشكل ماتتخيلوه !! يعني مهما حكيت ووصفت مرح اوفيهم حقهم بسوء تعاملهم مع الزبون وكيف يتضاربواعلى الزبون لدرجة انهم يهينوا فبعض ويفضحوا بعض وكل واحد يقولي ترا الثاني يضحك عليك اهانوني بصراحه المهم اني قضيت من عندهم وتحديدا برجوا ونيكس وماكس فاكتور ونيفيا ومليت كيسين لكن بسبة البياعين ومشاكلهم وتفضيحهم ببعض وضحكهم عليا
لعبوا براسي ابدل بعض الاشياء اللي اشتريتها من برجوا بأشياء من نيفيا ورحت بدلت وياريتني
مابدلت لاني وقت التبديل ضيعت كيس مليان مكياج
شاريته من عندهم والفاتوره داخل الكيس
وماانتبهت الا بعد ماطلعت من المحل لكن المحل كان على وشك انه يسكر بس لحقته ولقيت بس
موظفين الامن واللي من اليوم يتهاوشون - البياعين - مو موجودين راحو ،
موظفين الامن فتشوا لي على الكيس وماحصلوه واخدوا رقم اخويا وقالوا لي لما يجوا البياعين بكرا
نسألهم عن الكيس ونردلك خبر .. وللحين مااتصلوا وشكلهم ماحيتصلون ..
مااقول غير الله لايسامحهم قسم بالله تصرفاتهم بعيده عن الامانه في تعاملهم مع الزبون
وحتى في تعاملهم مع بعض - اقصد البياعين - ..
عشان كدا قررت اشتري مكياج من اول وجديد لكني محتاره مرا لان ميزانيتي قليله شوي بعد ماطارت
فلوسي على الفاضي عندهم >>> الله يعوضني خير يارب
فأبغاكم تدلوني على ماركات رخيصه وكويسه وانا بصراحه نفسي بماكس فاكتور ونيكس
احسها كويسه واسعارها ناسبتني بس البياعين الله لايسامحهم خربوا علي فرحتي ..
المهم وين احصل ماركة ماكس فاكتور ونيكس بجده غير سنتر بوينت ؟ بس اهم شيءء تكون
اصليه ..
واذا تعرفون فرع لسنتر بوينت بجده تعامل بياعين المكياج فيه راقي دلوني عليه .. مع ان اقرب فرع
ليه الي في الاندلس مول بس تعامل البياعين فيه سد نفسي وكرهني بالمكياج بس مظطره
التعليقات (7)
حبيبتي الله يعوضك بس اقول لك شي عن خبر ماركة ماكس فاكتر في سوق جمله في جده اسالي عنه في جهة محلات خاصه مكياج وعطور واسعارهم احسن من السوق اشتريت منهم يوم تزوجت ولقيت ماركة ماكس فاكتر ونيفيا بعد عندهم واسعارهم قابله للتفاوض احسن من المولات بس اسالي عن سوق الجمله هذا انا مااتذكر موقعه وين بالضبط والله يوفقك ان شاء الله تقبلي مروري
انا عن نفسي احب الكحل حق مكياجي والجلوسات حقته كمان خفيفة وحلوة
وسنتر بوينت موجود قريب من سوق الجمجوم وكمان موجود في مجمع العرب وموجود في شارع الامير سلطان
وسنتر بوينت موجود قريب من سوق الجمجوم وكمان موجود في مجمع العرب وموجود في شارع الامير سلطان
كثيره فروع سنتر بويت فى فى التحليه وفى شارع الستين بس بصراحه نفس الماركات اللى فيه موحوده بره وبسعر ارخص بكثير زى البوادى محمود سعيد للمكياج والعطور سوق المرجان والله لايفوتك المكياج فيه خيال وفيه كل الماركات اللى زى ماكس فكتور ونيفيا وبرجوا وغيرهم اتمنى اكون افدتك
مكيإأآج رهيب للمناسبات→
الله يعوضك خير