ماشاء الله حامل ادخلوا اباكم في كلمة خصوصا بنات اليوميات

1. قصتي


2. انا طبعا كنت انتظر هالشي من بعد 4 سنين يابنات تتخيلون هالشي

السلام عليكم ورحمة الله وبركاته
اللهم صلي وسلم على سيدنا محمد
اولا حبيباتي اكتب لكم وانا بجد زعلانة وفرحانة
زعلانه عشانكمخصوصا بنات اليوميات دمعت عيوني وانا اقرى توني سوالفكم
وفرحانه لأني
حامل اخيرا عقبالكم يارب في الشهر الفضيل يعلكم تحملون يارب
اولا بنات قبل لا ابتدي ادعوا الله يثبت حملي امين

قصتي

انا طبعا كنت انتظر هالشي من بعد 4 سنين يابنات تتخيلون هالشي

كل شهر انتظر وانتظر لكن دون فايدة رحت العيادات يقولون لي ما فيج اي شي يعطوني ادوية اخذهم شهر بس بعدين امل ليش لأن ثقتي بالله اكبر بوايد لين هالسنة والله بنات لازمت على الاستغفار طول ما انا قاعدة اول اسوي اي شي استغفر بعدين من شهر تقريبا وانا شبه يومي اقرا سورة البقرة كاملة بددون ملل كنت استشعر الايات خصوصا لما اوصل عند( واذا قضى امرا فإنما يقول له كن فيكون)كنت اقولها بحرقة وادعي من بعد هذه الاية اول شهر ما حملت لكن مايئست سافرت وقررت انسى شي اسمه حمل وحتى ما حسبت موعد الدورة نهائيا مافكرت بالحمل لكن شي مهم بقولكم اياه الاستغفار ما تركته ولله الحمد وباذن الله ما بتركه وكنت اقرا البقرة بس مش كل يوم يعني كل 3 ايام ومرات يوميا المهم صرت ما اقدر لازم اقراها وكانت سبحان الله خفيفة على
المهم قبل كم يوم زوجي قال بييب لج التحليل المنزلي قلتله اوكي بس ابدا ما كنت اتوقع هالشي طبعا واثقة بالله بس عشان ما ابا احط في بالي
والمفاجأة الكبرى
طلع موجب وانا صرخت وتميت اصيح وزوجي يحسب اني اكذب وياني يركض وهو مب مصدق والله والله والله ربي كبير بنات ربي ما يقصر
والله مايقصر بس ارفعوا الايادي بصدق وثقة المهم زوجي حاول يهديني وعلى طول ذكرتكم وتميت ادعيلكم يابنات الحمدلله حمدا كثيرا طيبا مباركا فيه
هذه قصتي وانا كنت بخليها بيني وبين نفسي عشان ما اخسر اجر قراءة القران والاستغفار بس عشان اباكم تسوو ن اللي سويته وتستفيدون....
ملاحظة:قبل لا احمل بشهر الدكتورة قالت هرمون الحليب مرتفع وفيني تكيسات بس الله اكبر منها ومن كل البشر حبيبي يارب والله انه مايقصر فينا يابنات فديت وجه الكريم ابا منكم بعد تحملون ما تنسون سورة البقرة والاستغفار ونسيت اقول كنت اتسبح مرات بماي زمزم واشربه يوميا....
تدعون لي يثبت حملي ويبعد عني الحسد والعين ويحفظ لي البيبي