مالذي يحصل في قصور الافراح وقاعات مكه

بسم الله الرحمن الرحيم
مسموح نقل الموضوع
الكل يعلم اهمية حفلات الزفاف وكيف يتم التخطيط لها وكم يتكلف فيها
لكن هناك بعض الخفايا التي ربما تخفى حتى على اصحاب القصور والقاعات
فكل قاعه يدفع مالايقل عن 13 الف ريال ال 18 الف على اساس وجود العاملات وغرفه للعروسه وغرفه لاهل العريس وخدمه ممتازه والواقع ...
غرفة اهل العريس لاتفتح الابعد ان تدفع للمشرفه على القاعه وغرفه اهل العروسه كذلك
كذلك المكيفات تخضع لاهواء المشرفات حضرت فرح ولد قريبتي ورتبنا ضيافتها في غرفة اهل العريس وفوجئنا بعد دخولنا بخمسة دقايق ان التكييف اتعطل نادينا المشرفه
وشغلت بالريموت وكذلك اتقفل بعد ربع ساعه الشوكلاته ساحت في هذا الحر يعني الشغله استلطاخ فلوس على اهل الفرح غير العاملات الي يسرقو الضيافه فالعاده ماتتوزع صحون المباشره غير بعد مايجلس المعازيم على الطاوله والباقي تتوزع كل ماجلس ناس على طاوله -اكتشفنا ان العاملات ( عاملات تكارنه وجاوى بدون اقامات ييسرقون في صمت وتكلميهم ولا احد جنبك مره ) يسرقون مايوجد داخل الصحون وتعبا في اكياس بعيد عن عيون اهل الفرح يعني تتفشلي مع الناس الي عزمتيها لماتنمد لهم صحون مباشره ماكول منها اوناقصه وماعندك وقت تتابعي كل طاوله ولاترحبي بالناس ولا تناحلي المطربات الي كل واحده جايه وماده بوزهاشبرين كانك جايبتها بلاش ماكيفت مزبوط واذا جت الزفه ماحط شريط الزفه غير بمبلغ وشريط الضيافه كذلك واذا في اغاني خاصه كذلك واذا قلتي زفي قالت بكمسمايه دوبها تنطق عربي وطايحه صلخ وتتمني انك جبتي لحظتها دقاقه ؟؟غير القهوجيات ماما سكر خلص شاهي خلص بن خلص مافي هيل وانتي شاريه اللي يكفي ديوانية واكثر يعني الشغله نصب في نصب غير العاملات في القاعه عدم ذمه قلة امانه حتى الملاعق والله تنسرق كاننا في مافيا وهذا حال اغلب القاعات ان موكلها غير العاملات لماتقدمي شي زياده اوحركات ياكلون نصه وهوماوصل للناس غير الحمامات اللى دافعه لصاحب القاعه وحماماته بلا صيانه ولانظافه ولامتابعه حتى الصابون والمناديل توزعينها قبل العشاء فجاه ماتلقين شي كله اختفى سرقه في سرقه ليه وين عايشين ؟؟؟ ماعاد فيه فرق بين حلال وحرام حتى العشا والله العاملات اول من يبسط عليه وليتهم ياكلون بالعافيه لالالالالالالا غرف في اكياس غرف ولاكلمتيهم تطالعك من راس خشمها انا جيعانه جيعانه تعبين كيس خلى الناس ياكلون بعدين اغرفي لاتسمع ولاترد واذا غفلتي عن المباخر حقتك راحت مع الريح غير البخور الي يدرون فيه على الناس بوصله تشمين ريحة احتراقها وتقولين لهم حطو من الي عطيتكم ... امي كلص اوه كلو ناس ناس هط
والسبب سكوتنا عنهم ليه مانفضح كل قصور الافراح والقاعات في المنتديات علشان نتعظ وليه ماتقوم البلديه بحملات على ردالسجون الى مشغلينهم بس يبلعون فلوس على الفاضي لاراحه ولافرحه غير ركض وراهم حتى المطربات الي اخلاقهم شينه وشايفات انفسهم على بالهم احلام ولا مااطربت على اسمهاولا تاخر ماتجيك غير بعد 12 وتاخذ عشره وفوق على 3او4 ساعات نسدح اسمها ماهم طايحين فينا والمصورات بعد حكايه ثانيه
اسمع تجاربكم وونبغي حل