ماهى احلى ليلة مع زوجك مستحيل تنسيها وانت كذلك يا الرجل ا

وينكم مشاهدات بدوم ردوود....

ههه أنا أكثر موقف ضحكني لما قعدت أبكي كل العشر الأواخر عشان يشتري لي تايور للعيد وهو كل يوم يقول بكرة
وبعد مشاكل وصياح ونياح ودرى كل الشرق الأوسط اني أبكي عشان ثوب للعيد جاني ليلة العيد الساعة عشر ونص ومعاه مية ريال ولا يوم وداني للسوق مر محطة البنزين قال عطيني أبي أعبي منها بنزين للسيارة وبشتري دخان الله يحرقه بالدنيا وأشوف دخانه خ وطبعا كرشته ولاعطيته هي كلها على بعضها مية ريال مدري وش بيبقى منها وللعلم هذا بشهر العسل أمحق عسل ألا خيشة بصل خ
الحمدلله تطلقت منه بخيل وفقري ومعفن ويهاوش بعد خ كل ماتذكرها أنا وامي واخواتي وصاحباتي نفطس ضحك

انا اكثر موقف ضحكني فيه زوجي يوم اشوفه شوفه السنه كان ابوي جالس وانا كنت شايله العصير بالصينيه ودخلت عليهم علشان يشوفني الطاوله اللي بالنص كان فيها مفارش زينه وتحف ماعرفت احط الصينيه فظليت واقفه بالصينيه الغبي المفروض مايقوم يساعدني سلامات ابوي جالس قام واخذ الصينيه مني وطالعني وقال الله انا ضحكت ابوي عصب ههه سلامات وابوي مو مالي عينك قاعد تغازل وانا مادري وش فيني مومصدقه اني مخطوبه خ

دموع اليأس
عسى ربي يعوضك خير ياقلبي ...
اللهم وفق اختي دموع بزوج تقي نقي يعرف الله ويأدي حقوق ربه وحقوق زوجته ويسعدها بالدنيا ويعينها على طاعتك يار ياقادر ياكريم...
انا موقفي ...
بعد زواجي ب4 ايام الفجريه تعبت صرت انتفض من البرد خ وجسمي حار نار هو خاف علي مرة قال قومي اوديك للمستشفى قلت له لا قال الا لازم بتطمن عليك المهم رحنا المستشفى عطوني دواء وطلعنا منه وحنا راجعين للبيت قعدت ابكي بالسيارة
قلت ابي امي ههه اول مرة اتعب وماتكون امي عندي خ<<قمت الدلع وحركات البزران ههه
هو ضحك وقال لا وش يبي يقولون اهلك لاشافوك جايه الحزة بيقولون فيهم شي قلت الا ودني ونياح الله لايبلانا خ
وداني صارت امي نايمه واخواني صاحين رحت افطرت عندهم ورجعت البيت خ
ايهين الحين اقوله متى مابغيت ودني اهلي ياسرع الطفه تروح خ
....
الايام الاولى من اجمل ايام عمر الازواج الله يديم علينا السعادة ويسخرهم لنا
مشكورة صاحبة الموضوع
<<تحس انها طولتها خ وسلامتكم

ياحياتي يامروة الله يوفقك دنيا وآخرة على دعواتك ويسهل أمرك ويحقق لك كل أمنياتك
ويسخرلك زوجك ويرزقكم الذرية الصالحة ويعطيكم من خيري الدنيا والآخرة
بصدق أشكر لك طيب ونقاء قلبك ياغالية

والله ماذكر شي صرت عجوز يالله العافيه ويااخت دموع الله يرزقك الزوج الصالح الي يسعدك يارب

الله يسعدك يارب ويوفقك الكل .... ومشكرة على تفاعلكم تحياتى...

دموع اليآآآآس ان شاء الله تلقى الزوج الصالح الى يسر قلبك ويحفظك يارب ياكريم ..

نورا وأحبك الله يوفقكم دنيا وآخرة يارب ويسعدكم مع ازواجكم ويسخرهم لكم اليوم وصلتني ورقة الطلاق بعد زواج شهرين من المعفن الحرامي الكذاب
أول مرة أشوف عروس ثالث يوم يسرق زوجها ذهبها وفلوسها ويجحدهم
لكن الحمدلله طلعت نص قيمتهم من عيونه لما طلق صدق رجال آخر زمن
مشكورات ياأغلا خوات على الدعوات
والله يخلف علي بالزوج الصالح اللهم آمين