ماهى صفات زوجك السيئه

تقريبا نفسي انا انصدمت لما شفته يصلي بالبيت
ودايما يرجع من الشغل كل تعبان
مع اني ماروح بيت اهلي الابالسبوع مرة الحمدلله احسن من بلاشي بس في الاعراس كل يقول مايحتاج تروحي الصالون مايحتاج تسوي فساتين مايحتاج تصوري
بس الله يعيني والحمدلله على كل حال والصدمة الكبيرة اني انا لما اكلمج انتي تسكتي والله تفكيره اللي في العصر الحجري البنت تقعد بالبيت وتخدم زوجها وتشوف طلباته

اختى شوق العمر مشكوره على المشاركه وتذكرى دائما ان تحمدى الله على كل حال ودعوة لزوجك بالهدايه لعل الله يصلح حال ازواجنا

والله انا مثلكم واعظم يجي من الدوام وينام ويجلس ماله خلق له خلق بس حق الربع
انا لما اقوله وصلني او خل نروح السوق بالموت يوديني
نفسي بموت ابي احس يوم انه رومانسي معي
بس مو لاقيه شي بس مالي الا اقول الحمد لله هذا الي الله كتبه لي
(وعسى ان تكرهو شئ وهو خير لكم)

شكرا اختي على الموضوع جدا رائع
انا الحمدلله ماتغير كثير بس الشي الوحيد اللي مطفشني واحاول اغير فيه هو اني احب اخرج واتمشى لو بالسياره ابغى اتعشى بمطعم يعني بحس اني بالدنيا طبعا الاخ رافض هالاشياء ليش ماادري
روتين يقتل

ام انا بعدني ماتزوجت للحين مخطوبه
بس بشارككم الموضوع وبقولكم الصفات السيئه اللي في خطيبي
والله يستر اخاف بعد الزواج تزيد
المهم انه خطيبي في صفات كثير حلوه منها انه حنون مره وطيب ولبق في الكلام وملتزم والاهم من هذا كله انه يحبني
بس لازم يكون فيه صفات سيئه مثلا ....
اولا : انه مره يستحي من الناس
واذا انظلم قليل مره اذا طالب بحقه
ثانيا اذا زعل مايرضى بسرعه
واذا كنت انا الغلطانه لازم انا اللي اصالحه
يعني مستحيل يجي هو يصالحني اذا كنت انا الغلطانه
ثالثا : دائما يفتح له مشاريع تجاريه وتفشل ... بالعربي ماينفع يصير رجل اعمال بس ماني عارفه كيف اقولها له
رابعا : قليل مره اذا جاب لي هديه
واذا راح السوق مستحيل يفكر فيني ويجيب لي شي معاه
مع اني دائما اذا رحت السوق لازم افتكره ببلوزه او عطر واحيانا حتى كيكه
و بس واتمنى انهم مايتكاثروا بعد الزواج خ
و وفي النهايه بذكر صفة في خطيبي مرره حلوه
انه يحب امه كثير وهي اهم شي في حياته
وانا مرره فرحانه بهذا الشي
لاني ادري انه اذا خاف الله في امه يعني راح يخاف الله فيني

اليوم انا صاحيه بدري وحاسه بنشاط مو طبيعي والله يستر ..
وانتو تشكو معاناتكم يا خواتي الحلوات الجميلات حسيت اني بضحك ... على قول الشاعره هم يبكي وهم يضحك
عاد انا معاناتي شايعه عند الاغلبيه وماهي بجديده واكيد الجميع يعرفها وهي عدم وجود الزوج في البيت الا
وقت النوم ولا وقت الضروره .. حتى لدرجه اني قمت احس اني رجل وامراه وخادمه ومدرسه ومربيه في وقت واحد
يعني خمسه في واحد ههه باقي اصير سايق
وفي البدايه كنت اهاوش واعصب وازعل واحتج واعترض و و و و ...... الخ هذا طبعا سنه اولى وثانيه زواج
بعدها جاتني حاله لا مبالاه من الله سبحانه صرت مره وحده وبدون اي سبب تقولو ضربتني الساحره بعصاها
السحريه .. قام زوجي يدخل البيت وياكل ويتفرج عالتلفزيون الين يتعب ينام ويصحى ويداوم ويرجع البيت وياكل
ويتفرج ويتعب وينام وهكذا الحياه تقدري تعتبرين حياته زي حياه البذره ههه وانا لا اعتراض
ولا نقاش ولا شكوى لاني مليت وتعبت ولقيت راحتي بالسكوت واقنعت نفسي بالرضى على حالي عشان
لا يتكهرب جو البيت ويتعبو الاولاد خليت عيالي اكبر همي .
وانا عايشه حياتي ومنشغله باطفالي الثلاثه الله يخليهم وقايمه بواجباتي وما انكر انه يوقف معي وقفه حلوه اوقات
الشده ..جزاه الله خير ===== شي احسن من لاشي ولله الحمد
واوقات اشوفه يناظرني ولما اساله اشفيك يا معجب يقولي لو حريم الدنيا زيك كان العالم بخير ههه
وانا اقله في خاطري احلى يا نصاب وبلساني اقول ولو ان رجال الدنيا زيك كان على الدنيا السلام ههه
وهذا جزء من حياه زوجه مستسلمه للواقع .... وسامحوني ما كتبت الا سطرين بس والمره الجايه احاول ازود الكتابه >>>> تقصد العكس خ

انه الشئ السئ في زوجي انه مايقعد معاي كله مع الربع
او في بيتهم عند اهله وقليل جلس معاي والصراحه مايقصر علي انه وبنته في شئ
احمد ربي على هذي الصفه وهو حنون وطيب بس انه ابغيه يجلس معاي
حتى لو 3 ساعات متواصله...............
يسلمو
على الموضوع

اكثر صفتان اكرها في زوجي
اولا كان التدخين وحاولت جاهدة لحد ماسابه >> لكن المصيبه صارت اعظم انه صار يروح القهوه ويعسل الله يأخذ القهوة واللي فتحها
ثانيا الصلاة في البيت يعني مايروح المسجد الا من الجمعه للجمعه اه اه اه ثم اه
تعبت والله من هذي الصفتين مافيه شي الا سويته والا فيه طريق الا سلكته امانه الي عندها حل تفيدني ادعولي

الله يصلح حال ازواجنا ويهديهم