مبتدئات في عالم الميك اب

ياحبيبتي أنتي .. يسعدك ربي ويجزاك كل خير عن البنات كلهم يارب
ماقصرتي ياغالية وتسلم يدينك
: )

توته الهلوبه
امين ياقلبي ويشرفني اول رد هوا انتي
اسعدني و جودك في موضوعي ولاتحرميني من طلاتك الانيقه عليه

السلام عليكم
كيف حالكم بنات
مع انو التفاعل قليل بالنسبه للموضوع بس برضو حكمل الموضوع
"كريم الاساس او الفونديشن"
اليوم حنتكلم عن كريم الاساس بطريقه اوسع في البدايه تكلمت بسطحيه عنو
بسم الله
نبدأ
كريم الاساس شيء مهم في عملية الميك اب طبعا في كثار يستغنو عنه بالبي بي كريم >>نتكلم عنه بعدين
اول شيء لازم تعرفي فوائده مؤقته
من فوائده بيوحد لون بشرتك اذ وزعتيه بالتساوي وكمان بيخفف العيوب الي بوجهك بس مايغطيها تماماً
طبعا الاساسات كثيرره في منها المرطبه وفي مقاومه للتجاعيد وكمان حمايه من الشمس
خلصنا من الفوائد
ننتقل لنقطه الثانيه
انواعها
1- الكريمي :نقدر نقول يناسب اغلب البشرات بس ضروري اذ اساسك كريمي توزعيه بسرعه لانه ينشف على طول

2- اساس رغوي : ينفع لكل البشرات

3- كريم اساس بودره : هذا حبيبي طريقته يكون بودره مضغوطه تلقي مكتوب عليها فونديشن بودر
هذا يفيد البشرات الدهنيه لانه بيخفف الدهون واللمعان الي فيها الي بشرتها مختلطه تقدر تستخدمه بس على الاماكن الدهنيه لانو لو حطيتي وبشرتك جافه حيسبب لك قشور !!
4- سبراي اساس : هذا فايدته انو يثبت الميك اب وكمان يعطي نضاره في منو انواع لكل بشره نوع

كذا خلصنا من الانواع اتوقع في غيرها بس هذا الي اعرفه
طيب لازم تعرفي انو الاساس مو كلها لها نفس التغطيه
في تغطيه عاليه وهذي اذ كانت بشرتك مره عيوبها واضحه وكثيره
اما اذ كانت وسط فيها عيوب بس متوسطه كذا خذي تغطيه وسط او حتى لو خفيفه عادي
اما اذ كنتي مابتعاني من بشرتك ماشاء الله فخذي تغطيه خفيفه
طيب يا حلوين دحين عرفتو ايش يعني اساس وفوائده وعرفتي انواعه وايش التغطيه الي تاخذيها
طيب كيف نشتري كريم اساس ؟؟؟؟؟؟؟؟؟؟
بما انك مبتدأ لازم تكوني منتبه كويس وانتي تشري لازم تجربي في وجهك مو بيدك لانو بيختلف اللون اكيد
تعرفي فين تجربي فوق خط الفك مباشره هذا المكان الصح
و حاولي تكون الاضاءه بيضا طبيعيه مو صفرا حقت المحلات اول شيء خذي بيدك بسيط وحطي وخلي اختك او امك تكون واقفه قدامك وتشوف لك اذ حسيتي مكأنك حطيتي شيء فحطي ثاني واستني كم دقيقه مو على طول واذ ماسوى شيء جربي غيره حاولي المحل يكون نسائي ومو لازم تفتحي وجهك كله لا بس المنطقه الي قلتها واحد واقف قدامك منها يغطيكي ويشوف لك طبعا هذي مره وحده تسويه بالعمر ومو كل مره تروحي تشتري اساس تسوي كذا لا تحفظي درجتك و على طول تشتري
بنات مايمر عليكم بنات بشرتهم رماديه تبغو زيهم ؟؟
اكيد تقولو لا
طيب حبيبي لما تختاري الاساس لازم يكون نفس درجتك او افتح بدرجه وحده فقط
طيب دحين اشترينا الاساس الحمدلله كيف نوزعه ؟؟
في ثلاث طرق
اليد :
لازم تحرصي تكوني باضاءه طبيعيه وكمان توزعي بالتساوي حتى تكون بشرتك متوحده باللون
الفرشه :
كمان الي ماتحب تستعمل يدها تجيب فرشه مخصصه لاساس في كثير شركات توفرها ولازم توزعي بالتساوي وباضاءه طبيعيه
الاسفنجه:
المثلثه احسن نوع لان الباقي بتمتص الاساس ومابتستفيدي شيء اما المثلثه كويسه في التوزيع بس لازم اضاءه طبيعيه وتوزيع بالتساوي
معلومات مفيده :
لازم بعد ماتخلص المناسبه تنظفي الاساس عن وجهك تنظيف عميق جدا لانو لو نمتي وفي اثر للاساس حتنعدم بشرتك
حبيبي حاولي قد ماتقدري انك ماتستعملي الاساس يوميا لانه بيضر بشررتك مستقبلا
اذ كانت بشرتك دهنيه نظفيها كويس بغسولك وسكري المسام بثلجه واشتري اساس مكتوب عليه اويل فري
يعني خالي من الزيوت لان لو استعملتي اساس غيرالاويل فري حيعطيكي لوك مزيت
اذ بشرتك جافه نظفيها قبل الاساس ورطبيها واشتري اساس يكون في نسبة ترطيب
اذ كان اساسك في حمايه من الشمس يعني spf مكتوب عليه كذا لاتعمتدي عليه كواقي اذ كنتي بتداومي الصباح حطي واقي بعدين استعملي
طيب الاساسات والبودرات تنقسم اساسا للونين زهري واصفر ومنها تتفرع الدرجات اذ كنتي بيضا مره فخذي من درجات الزهري واذ كنتي وسط يعني لونك على الاصفر خذي من الدرجات الصفرا
تقولي يوه حوسه ابدا لا بس انتي لما تشوفي الاساس حتقولي هذا مايل على بنك وهذا مايل على اصفر
لما تحطي الاساس تبدأي من تحت لفوق يعني من الذقن وتنتهي بالجبين
بكذا اكون خلصت موضوع الاساس ادري كثير بس اصلا هذا شيء بسيط منو ههه انفجعتو صح ع العموم حابه اوضح شيء انا نادرا ما استخدم الاساس مره نادرا بس اعرف هذا الكم الوفير ههه منو بالقراءه من ناس ثقه وكمان من تجربة جميلاتي وتجربتي
حبيبي عندي أي سؤال اتفضلي اذ اعرف حجاوب اكيد لكن لو ما اعرف لاتزعلي لانو ارجع اقول انا مو خبيره
وببس
اتمنى انو تستفيدو و اشوفكم على خير

بس اصلا عادي ما انقهرت من الصور
اسفه والله مره تعبني الموضوع
بس بكرا اعيد لكم الصور

يعطيك ربي ألف عافيه

جميل روره
موضوع جا بوقتةةة
مره شكرا
قرأت الموضوع كامل وبتمعن ..!
واستفدت منة مبدئيا الحمدلله ..
وانا كمان مبتدئةة جدا ،وماحط مكياج كثير ،حتى ايامم الجامعةة كنت احط قلوس فقط
والحين عندي زواج اخويا ،وبحط لنفسي
لانو ماآحب تخبيص الكوافيرات ً...!
وكمان شي مقرف لمن تستخدم لك نفس الفرشةة
فحلو انو استغنى عنها واكسب خبرة بنفس الوقت
الحين انا باقي ماعرفت الاساس المناسب ليا ؟؟؟!
انا بشرتي تمام احط كحل فرنسي وروج يطلع جميل
لكن لمن احط الاساس احسو يظلمني
اكون افتح بكثير من لمن اكون بدون اساس او بودر َ
ايش افضل نوع للاساس ..!
وكمان بودره مظغوطة وبلاشر
يصير هذا اللي ناقصني للبشرة
وحوسة العين والحواجب ..ان شاء الله اتابعك لمن توصلي لها
واصلي ،جدا مميز
تقييمَ

الله يعطييك العافيه واستفدنا منك كثير