مبدعة مكياج على كيفكم

1. أنا احكم الآن على شغلها ورسمها للعروس ...


2. لكن لغير العروس لسا ما جربت .. وكمان التسريحات لسا ما شفت ...


3. ((((((((((( مهههم جدا )))))))

.. السلام عليكم ورحمة الله وبركاته ...
كيفكم يا حلوات ..
اول مرة أجيكم هنا وانزل موضوع ..
بس ان شاء الله موضوعي هذا يستاهل وعليه القيمة ..
حبيت أقول لكم
مرة شاركت في موضوع بس ما أذكر فين في الفراشة عن كوفيرة تجي البيت وقلت اني سمعت عن وحده بس ما أدري كيف شغلها حلو ولا لا ..
وقلت ما راح أقول اسمها ورقمها إلا لما أشوف شغلها وأكون واثقة منه ..
المهم .. هذي الكوافيره كنا ناويين نحجزها في زواج أختي الي بيكون في شهر رجب ان شاء الله
نبغاها لاختي وأنا وكم وحده بنروح لها ..
كلنا والله متخوفين بس كنا شبه معتمدين على كلام صديقة اختي مدحتها الين تعبت وهي تمدح ...
رحنا لها قبل كم يوم على أساس نشوف شغلها وتعمل بروفه لاختي ..
الصراحة الصراحة ...
والله والله شغلها روعة فوق ما اوصف لكم ... فعلاً مبدعة ... فنانه قليلة فيها ...
كلنا انبهرنا بطريقة الظلال ...
صلحت عين بلون اورانج مع عودي واسود .. بتدرجات رهيبة ..
وعين وردي على موف ودخلت شوي أسود ...
فعلا روعة .... طبعا احنا طلبنا الالوان هذي .. نجربها ..
المهم احنا خلاص اعتمدناها ...بإذن الله تعالى ...

أنا احكم الآن على شغلها ورسمها للعروس ...

لكن لغير العروس لسا ما جربت .. وكمان التسريحات لسا ما شفت ...

لأني أبغى أصلح مكياج ناعم جدا جدا جدا ما احب احس طبقة في عيوني .. لاني ما قد صلحت مكياج وظل أبداً .. ومن جد متخوفة .. قلت لها الشي هذا .. ورتني صور مكياج روعة وناعم وقالت أصلح لك زي كذا واحلى كمان بصراحة مقنعة فعلاً ... واسلوبها مرة روعة وذوق ...
بالنسبة لأسعارها ...
تسريحة ومكياج
0ريال
أفاجئكم الآن بالعروس ..
طبعا تسريحة ومكياج ..
تنظيف بشرة ..
شمع او فتلة ..
حمام مغربي اكثر من مرة ..
حلاوة كامل الجسم
رموش ..
تشقير ..
بدكير ومنكير
هذا الي أذكره ما أدري إذا فيه شغلات ثانية للعروس
المهم هذا كله ........................... ((( 1800 ريال ))
عموما إذا حابين رقمها الآن أعطيكم أياه ..
إذا فيكم صبر الين نصف رجب اقول لكم اش صلحت فينا انتظروني ...
طبعا هيا من جدة .. بس سمعتها تقول امس كنت بالقنفذة .. وبعد بكرة بروح الطايف ... يعني ممكن تسافر طبيعي .. ما عندها مانع ..

((((((((((( مهههم جدا )))))))

حبايبي أنا كتبت هنا الشغلات الي عندها وسواء كتبتها او ما كتبتها هي راح تقولها لكم لو كلمتوها
بس احب أنبه على نقطة ان تركيب الرموش محرم ... ومو عشانك عروس يصير حلال .. بالعكس والله شي مؤلم لأن الي تحطها يوم عرسها كأنها تحطها عشان يشوفوها الناس بس .. اما زوجها ما همها .. لأنها ناسية انها تروح البيت ويشوفها فيها شوي شالتها ... لحظتها بيشوفك يا عزيزتي كأنك بدون رموش أبداً .. بالعربي كذا كأنك مصلعة ...
اما الحمام المغربي ... فأتعجب والله من تساهل الكثير من البنات عند هذه النقطة ... .. أتمنى أختي ما تنسي أن بيتك وحمامك أستر واطهر لك ..