متزوجه لي خمس شهور والى الان بنت ابي حل زوجي طفش مني

1. السلام عليكم

السلام عليكم

تكفون خواتي ساعدوني سجلت في الموقع بس عشان اكتب مشكلتي وكتبتها في هذا القسم لانا خاص للمتزوجات واكيد بتحسون في معاناتي ومشكلتي
انا متزوجه لي خمس شهور والى الان انا بنت خايفه مره كل ما قرب مني زوجي ما اقدر حاول معاي بالطيب والقوه ما قدرت وكل مره اذا فشل احس انه مضايق وهو يبين لي انه مو متضايق ويقول لي لا تشلين هم حنا بنعيش مع بعض طول العمر اذا ما قدرنا اليوم بكره ان شاء الله نقدر وربي يسهلها علينا لاني كل مره ابكي ظلينا على هذا الوضع وقبل اسبوع جاني خبر انا زوجة اخوه حامل واخوه متزوج معاه في نفس الليله قالي فلانه حامل وانتي الى الان بنت والكل يسأله وبسألني في شي في الطريق وبعد يومين جا زوجي من العمل وهو معصب قالي فلان صديقه وهو مملك بعد زواجنا بشهر انا خطيبته حامل ( خطوبه بس وحملت ) انا قلت له معقوله تسلم نفسها له قالي الرجال ما يصبر وما فيها شي دامه بالحلال مو حرام وحاولنا في نفس اليوم وما قدرت احس اعصابي مشدوده وخايفه وزوجي عصب علي وضربي كف وسبني قالي انتي ما تحسين وانت مو نفس البنات وانتي مريضه وقالي كلام يغث وطلع من الغرفه انا جلست ابكي وتمنيت اموت ولا اعيش هاذي اللحظه وسمع الكلام منه وبعد ما هدت اعصابه جا واعتذر مني وطيب خاطري بالكلام الحلو والله ما خلاني انام وانا زعلانه ونيمني في حضنه كأني طفله واحسه بعد هذا الي صار ما رجع مثل اول واحس انه مضايق
وانا ابي اريحه واسعده وهو طيب وحنون ويموت فيني ومو مقصر معاي بشي
انا افكر اروح لدكتوره بس خايفه وش اقول لها وش بتعطيني اذا تعرفون حل لي من غير دكتوره قولوا لي وريحوني واذا بعد تعرفون دكتوره شاطره واخلاقها حلوه في الخبر او الدمام دلوني عليها
ساعدوني واكسبو اجر فيني انا يتيمه وما عندي ام وماعندي الا اخت وساكنه في منطقه بعيده عني وما ابي اشغلها كفايه عليها زوجها وعيالها
انتظركم خواتي