متزوجه وعندي اطفال ومازال صدري صغير جدا جدا هل هناك شي مجرب اتى بنتيجة بارك الله في

نصيحه لوجه الله .. انك ما تتعبثين بصدرك
الصدر يا عزيزتي منطقه حساسه جدا جدا في الجسم ومكوناته اشياء حساسه ( غدد وهرمونات) وصدقيني اي عبث فيه يؤدي الى مشاكل انتي في غنا عنها واللي اخطرها الأمراض السرطانيه والعياذ بالله .
انا شخصيا اعرف وحده ( بنت خالتي) كان صدرها مو عاجبها وقامت سوت عمليه .. صدقيني يا اختي من بعد العملية والى يومك هذا والبنت تنتقل من مرض الى ثاني ومو عارفين الاطباء السبب .. ماعدا طبيب واحد قال لها ان عملية الصدر سببت في خلل بجسمك ادى الى ظهور الأمراض هذي.
نصيحتي .. تقولين الحمدلله على كل حال .. وزوجك لازم يحمد ربه واهو من اول ما خذاك وهو عارف الشي هذا
مجرد رايي شخصي واتمنى ما اكون ثقلت عليك .

ومشكوره انك ماطنشتيني
وبصراحه أنا سمعت انو فيه اشياء طبيعيه يمكن تساهم بتكبير الصدر
او كريمات وحبيت اسأل عنها اذا فيه احد جرب شي طبيعي وجاب معاه نتيجة
وبصراحة زوجي ما اشتكى من شي لكن انا ملاحظه هذا الشي يمكن لأني حاسة
بنقص انوثتي من الناحيه هذي.
وما قصرت على ردك الله يوفقك وييسر لك كل خير في الدنيا والآخره

العفو حبوبه

عزيزتي الفراشة جنان ، أنا عندي نفس المشكلة ، قبل الزواج كان صدري صغير كثير لدرجة اني كنت أستحي ألبس ملابس (خاصة) أمام زوجي وظليت أنتظر الحمل يمكن صدري يكبر.....وحملت وفعلا صدري كبر كثير أيام الحمل وفرحت وصرت اتدلع بالبس بس يا فرحة ما تمت كل شي أختفى بعد الولادة وياليته رجع مثل الأول لأنه صار مترهل ويبين أنه صار اصغر تخيلي فرحتي
بس هذي خلقة رب العالمين والحمد لله على كل شي ، أكيد أحنا أحسن من ناس وايد بس لازم نزيد ثقة بنفسنا علشان ما نحسس أزواجنا بأنا ينقصنا شي
تعرفي لما زوجي يشوف وحدة جسمها حلو في التلفزيون قبل ما ينطق بشي أقوله لا تتغر هذي كلها عمليات تجميل

ما انصحج عزيتي تتجهين للعمليه
مثل ما قالو الاخوات لازم نحمد ربنا على كل شي عطانا ياه
انا مثلج توني تزوجت وفكرت انه صدري صغير بس الحمد الله واثقه من نفسي يعني دوري على شغلات ثانيه فيج راح تلاقين انه انتي احسن من غيرج فيها بوايد
بقولج تجربه وحده من صديقاتي سوت العمليه وقعدت تعاني منها شهور آلام وتعب وبالأخير كان غش ما استفادت وايد
يعني لا يضحكون عليج ويقولون العمليه سهله

مشكله صحيح حتى اني صدري صغير بس الحمد لله على كل شي ....... بس اكيد فيه مواد طبيعيه تساعد على تكبيره ..
الي تعرف اتساعدنا بالصراحه مشكله يافراشات ..........
تحياتي للجميع

عندي طريقة لتكبير الصدر سمعتها من رفيجتي وهي تاخذين ماي الحلبة وتعجنينه بخميرة الكمية اللي تبينها
وتحطينها على صدرج وتسوين تدليك لمدة ربع ساعة وتخلينها 3 ساعات وتغسلينها ويوميا تسوينها وفي اسبوع
راح تشوفين نتيجة..........
اتمنى فدتج.....
تحياتي

الله يوفقكم دنيا وآخره
بصراحه لازم نزيد ثقتنا بنفسنا لكن اللي يطالع بالتلفزيون يتحطم حسبي الله عليهم
وبصراحه اثلج قلبي ردودكم الرائعه وصدقتوا الحمد لله رب العالمين على كل حال
اذا بحث الشخص عن اشياء ناقصته يلقى انو رب العلمين عوضه عنها باشياء ما ينتبه لها
الا اذا قعد يتفكر في نعمة الله عليه
جزاكم الله خير و يسر لي ولكم خير الدنيا والاخرة

انا اؤيد كلام الخوات انه ترضين ولا اتحسسنه زوجك بشي وحسسيه انك واثقه من نفسك وبعدين انا اعرف وحده كان صدرها كبير ومليان بعد الولاده والرضاعه فشوا غريبه صح ولين الحين صغار ومفشوشين ههه هاذي دعابه بس عشان تضحكون بس هي حقيقه