متزوجه وعندي مشاكل وهموم الدنيا بس مرتاحه

1. بسم الله االرحمن الرحيم


2. وماشيه بمبدا اعمل خير وارميه بالبحر بس بحدود كيف

بسم الله االرحمن الرحيم

انا ماكتبت موضوعي هذا الا لغرض الفايده وانا اول مره اكتب موضوع عن نفسي وعن حياتي وخاصة حياتي الزوجيه لاني والله على كثر ماشوف من هموم البنات هنا واللي زوجها خانها واللي بخيل واللي واللي’’’’ الخ
الوحده لما تدخل القسم هذا تبي تثقف وتبي تطلع من القسم وهي مستفيده شيء بس اشوف العكس الوحده تدخل هنا وتكره الرجال واللي ماتزوجت ماتبي تتزوج تلاقي اللي ماعندها مشاكل وتدخل تنقلب على زوجها من كثر ماتشوف كلام الحريم اللي هنا
انا ماانكر كل وحده عندها مشاكل والوحده تكتب هنا عشان تفضفض وتلاقي احد جنبها وفي قسم افتح قلبك قسم مختص انا ماانكر كل وحده عندها مشاكل مع زوجها وانا زوجي خانني وكل يوم مشاكل مع اهله وسلفاتي كل شوي يطلعون بالسالفه تخرب بيتي وكل فتره وانا عند اهلي وتجي لحظات اتضايق ولي فتره ماحملت وتعرفون كلام الناس ومشاكل مالها اول ولا تالي
بس مع هذا مرتاحه تدرون ليه ,, لاني ماشيه بهذا الدعاء (( اللهم لاتجعل الدنيا اكبر همنا ولا مبلغ علمنا )) وزوجي من امور
الدنيا

وماشيه بمبدا اعمل خير وارميه بالبحر بس بحدود كيف

مثلن انا مع زوجي ماانتظر ردة فعل لاي شيء اسويه دايم مبسوطه في وجهه اعامله بروح حلوه زي يوم ذكرى زواجي قعدت من الصبح ارتب واسوي وافعل << متحمسه
وهديه وكيكه والمهم عارفين كيف تعب الكشخكه وااللبس والترتيب ومع ذلك مانتظر ردة فعل صح كان بخاطري هديه بس ماجاب عادي ماتنكدت وبالعكس حتى هو قال غريبه مازعلتي قلت تستاهل ابين له اني وحده فله والله اساسيه العب معه ضومنه اذا قعد بالبيت عامليه بعض الاحيان على انك خويه مو زوجته خليك دايم مرتبه كيف حالتك عند اهلك كنت نظيفه ومهتمه بنفسك صيري نفس ماكنتي اذا طلع هو يحب طلعات الاستراحه اذا طلع اقول خذ راحتك ومااقلقه ها متى بتحي ولا انكد عمري وانكده بالعكس اقوم ادلع نفسي احط مقشر بجسمي واخترع خلطات لوجهي واسوي الحمام كله شموع مدلعه نفسي عالاخر ادق على فلانه واسولف اقرا كتاب اثقف نفسي بما هو مفيد لي والله مااربط نفسي وسعادتي اعيش حياتي احب الكشخه والموضه والله مااحرم نفسي
الضحكه حتى لما اكون لحالي تعودت ابتسم اذا احد في مكان عام ابتسم لك ترتاحي صح عاد كيف زوجك والناس اللس قريبين منك,,,,
والحمد لله مايرد لي طلب وفعلن هو خانني بس هذا شي مكتوب لي عند رب العالمين صح اتمشكل معها وهاذي حلاوة الحياه الزوجيه بس والله اني حتى لما اقعد بروحي بالبيت اقوم ارتب اشغل نفسي مااسلم نفسي بالتفكير باي شيئ والله صدقوني كل من شافني يقول انتي دايم مبسوطه<<< الهم لاحسد امزح
بس والله لاتربطون نفسكم انهم هم سعادتكم بكل شيء قومي بحقوقه وسوي اللي تحبينه سوي ليالي رومانسيه مو عشانه عشانك ولا تنتظري ردة فعل وادري صعب بس خذيها قاعده لاتلاحقيه وتخليه هو اكبر هميك
كيف اعلمك لاتقولين انت ماتسوي لي وانت ماتطلعني ماراح تستفدين الانكد وهواش بس خليه واصبري انا قعد زوجي شهرين يطلع الاستراحه من بعد مايصحا من النوم الا الفجر بس عادي يطلع وانا مبسوطه ويجي وانا مبسوطه وبعد شهرين حس وسوى لي شيء مااتوقعت يسويه لانه عرف من نفسه ترا الرجاجيل عندهم احساس بس انتي سيببيه يسوي اللي يبي ترا مثل مايحتاج هو يطلع انتي تطلعين عيشي حياتك ولاكنه موجود تخيلي انك عند اهلك وفجاءه قالو لك بيصر لك بيت لحالك وقالو لك انتي بس رتبي البيت واطبخي ولك مصروف وعندك نت ومرتاحه واللي عندها عيال خليهم على جنب ماراح توافقي اكيد طيران والله يابنات احس براحه عجيبه ولما اشوف مواضيعكم اتضايق الحمد لله ترا مافي احد مرتاح بس الدنيا قصيره الى متى بتبكي والى متى وجهك مصفر مستفيده شيء كله بسبة انسان لايقدم ولايؤخر شي بحياتي ترا انا اكتب لكم وزوجي توه وصل اليوم من السفر وله فتره وجاء اخذني من عند اهلي واول مادخل البيت حاط راسه ونام دخلت عليه قلت نوم العوافي وبوسه عالطاير قال امعليش تعبان قلت وانا قلت شيء وكنت متكشخه ولابسه وعادي افكر بايجابيه ماقول لامايحبني مو مشتاق لي بالعكس اقول تعبان لانه سافر سفر عمل وقلت اكيد تعبان مانام زين فكري بايجابيه ترتاحي وهو نام منا وانا على طول حمام زيت على شعري وقناع بوجهي وبخرت بيتي لاني احب البخور ,,, واشغل النت واقعد ادخل اثقف نفسي واستفيد اشياء ترا اذا انتي قدرتي نفسك والله وعلى ضمانتي هو راح يقدرك واي شيء يسويه يضاايقك خلي دايم ردة فعلك عكس راح هو يستغرب وتشغلي باله دايم خلي (( ردة فعلك عكس ماتبين عشان تلاقين ماتبين )) واتمنى اي وحده ماتزعل من كلامي هذا شيء بداخلي وطلعته وانا ماكتبته الا لغرض اني اشوف هنا مواضيع ترد الروح مواضيع جديده مواضيع قيمه وابيكم ترتاحون
’’’ وصدق الشيخ محم العريفي في بعض اقواله ’’’’’ من كتابه استمتع بحياتك
الاولى / بدا ان تسب الظلام ’’’’ حاول اصلاح المصباح
الثانيه /قدرتنا على أسر القلوب وكسب محبتهم الصادقه تمنحنا جانب كبير من المتع للحياه
الثالثه /كن كالنحله تقع على الطيب وتتجاوز الخبيث ولاتكن كالذباب يتتبع الجروح
,,,, اتمنى لكم الهدايه والراحه ’’’