متى تجي

توي ..
دريت ان الضياع ..
امرّ لحظات الوداع ..
لحظات ابيّن هونها / لكنها طيحة شجاع ..
حنا وقف فينا الطريق اللي جمعنا كلّنا ..
.. والا زمنا بعد حبينا بعضنا ملّنا ..
والا
انهدم عش اللقاء ..
بعد اشرقت شمس الفراق ..
ماكنت ..
متوقع يصير ..
يكتب لنا هذا المصير ..
( حب ٍ جمعنا مع بعض ) ..
اما انتهينا ب أوله / والا ابتدينا من الاخير ..
انت الوطن ..
للي من دروبه تعب .. تعب .. تعب ..
وانا ..
انا الغريب بلا وطن ..
مليت ..
اسافر في عيون الناس ماحصلّت قلب ..
بنيت ..
ل احزاني قصور ٍ من ندم ..
طعوني السادات .. واحلامي خدم ..
وعلى كثر ماكنت احس اني ملك × والله ما كان ل ضحكتي مآطا قدم ..
بردان
من ثلج الجفا .. ابي دفا ..
ان كان في قلبك وفا .. شف لي وطن ..
هذا انا ..
مالي نديم الا الرسايل والصور ..
اتذكرك ..
واشتاق لك ..
واحيّا على شوفك واموت ..
الله لو انك تحس / ماكنت تتركني وبس !
واقف على الدرب ارتجي .. متى تجي .. !!
وين انت يا اغلى من عشقته بدنياي=واجمل نصيب ٍ فالحياه انكتب لي
رحت وتركت جروح الايام وياي=وخليتني / ودروب الاغراب سبلي
كانك سليت وعشت عمرك بلياي=ما اكذب عليك .. انا العنا والتعب لي
منقول